لەبەردەم مەڵبەندی یەکی یەکێتی نیشتیمانی کوردستان، خاوەن ئۆتۆمبێلە بێ سەرەتاکان گردبوونەوە، داوای کارتی ڕێگەپێدان و ژمارەی هەڵەبجە دەکەن.
ئەمڕۆ ژمارەیەک لە خاوەن ئۆتۆمبێلە بێ سەرەتاکان گردبوونەوە، ئاماژەیان بۆ ئەوەکرد، هیچ کەس وەڵامیان ناداتەوە، لە وەزارەتی ناوخۆوە هیچیان بۆ ناکرێت.
ئەو خاوەن ئۆتۆمبێلانە داوا لە پارێزگا دەکەن، کارتی ڕێگەپێدانیان بۆ بکات، تا ئەو کاتەی لە وەزارەتی ناوخۆوە چارەنووسیان یەکلای دەکاتەوە.
لەلایەکی دیکەشەوە داوا لە وەزارەتی ناوخۆ دەکەن، ژمارەی هەڵەبجەیان پێبدات، ئامادەن هەموو جۆرە باج و ڕسوماتێک بدەن، دەبێتە سەرچاوەیەکی ئابووری بۆ بوژاندنەوەی شارەکەش، بەو شێوەیە ٥٨ هەزار ئۆتۆمبێل تۆماردەکرێن.
