ئەمریکا ژمارەیەک فڕۆکەی جەنگیی بۆ رۆژهەڵاتی ناوەڕاست ڕەوانەکرد



ئەمریکا بە پاساوی “چالاکییە نائەمنییەکانی” فڕۆکەکانی ڕووسیا لە ناوچەکە، ژمارەیەک فڕۆکەی جەنگیی ئێف-٢٢ی بۆ رۆژهەڵاتی ناوەڕاست ڕەوانەکردووە.

 

فەرماندەیی ناوەندی هێزەکانی ئەمریکا ڕاگەیەندراوێکی بڵاو کردووەتەوە کە تیایدا هاتووە: “لە بەرامبەر زیادبوونی هەڵسوکەوتی نا ئەمنییانەی فڕۆکەکانی ڕووسیا لە ناوچەکە، هێزە ئاسمانییەکانی ئەمریکا وەک بەشێک لە توانا و پشتیوانی بەرفراوان ژمارەیەک فڕۆکەی جەنگیی ئێف-٢٢ی بۆ ناوچەی ئەرکداری فەرماندەیی ناوەندی هێزەکانی ئەمریکا لە رۆژهەڵاتی ناوەڕاست ڕەوانەکردووە”.

 

لە راگەیەندراوەکەدا ئاماژە بە وتەکانی فەرماندەی فەرماندەیی هێزەکانی ناوەندی ئەمریکا، جەنەراڵ مایکڵ کوریللا دراوە کە وتوویەتی: “چالاکییە نائەمنییەکانی ڕووسیا ناپیشەییانەن و لە چالاکییەکانی هێزێکی ئاسمانی پیشەییانە ناوەشێنەوە، بەردەوام پێشێلکارییەکانی ڕووسیا دەبێتە هۆی تەشەنەسەندنی زیاتری گرژییەکان”.

خاوەن ئۆتۆمبێلە بێ سەرەتاکان گردبوونەوە
پێشت خاوەن ئۆتۆمبێلە بێ سەرەتاکان گردبوونەوە
گەڕێکی دیکەی کۆبوونەوەکانی ئاستانا بەڕێوە دەچن
دواتر گەڕێکی دیکەی کۆبوونەوەکانی ئاستانا بەڕێوە دەچن
پەیوەندیدار