سەرەرای بوونی مشتومڕ لەسەر سەرچاوەی ئەو خواردنە و ڕۆژە نێودەوڵەتییەکەی، لاپەڕەکانی سۆشیال میدیا پڕ دەبن لە وێنەی ساندویچی “فەلافل” لە 12ی حوزەیرانی هەموو ساڵێکدا و ناویان لێناوە “ڕۆژی جیهانی فەلافل”.
پەیجی “ترێند”ی میسری، فەلەستینی، سوری، لوبنانی و ئوردنی هەمیشە پێشەنگی فەلافلە، بەڵام عێراقییەکان ئەزموونی تایبەت بە خۆیان هەیە لە دروستکردنی تێکەڵەی فەلافل و بابەتی دیكەیان بۆ زیاد كردووە بەتایبەتی “ترشیاتی عەنبە و زەڵاتە”.
فەلافل، كە زۆرێك لە “نۆكی هاڕاو” و هەندێكیش لە “ساوەر” دروستی دەكەن، چەند پێكهاتەیەكی دیكەی وەك تەماتە و پیاز و سیر و بەهارات تێكەڵ دەكەن تاوەكو تام و چێژی تایبەتی پێ ببەخشێت.
