پاكستان؛ لەكردەوەیەكی خۆكوژیدا 3 كەس گیانیان لەدەستداوە

  • 172 بینین

بەرپرسێكی باڵای پۆلیس لە هەرێمی بلوجستانی پاكستان ڕایدەگەیەنێت، لە كردەوەیەكی خۆكوژیدا 3 كەس گیانیان لەدەستداوە و 23ی تریش برینداربوون، هاوكات بزوتنەوەی تاڵیبان بەرپرسیارێتی خۆی لە كردەوەكە راگەیاند.

ئەزهەر مەهاسر، بەرپرسی باڵای پۆلیسی شاری كویتای پایتەختی هەرێمی بلوجستانی پاكستان لە لێدوانێكی ڕۆژنامەوانیدا ئاشكراشیكرد، خۆكوژێك خۆی بە ئۆتۆمبێلێكی پۆلیس لەكاتی یاوەریكردنی كاروانی تیمێكی كوتان دژی ئیفلیجی منداڵان تەقاندووەتەوە و لە ئەنجامدا پۆلیسێك و ژنێك و منداڵێك گیانیان لەدەستداوە و 23ی تریش برینداربوون.

هاوكات دوای كردەوەكەش بزووتنەوەی تاڵیبانی پاكستان بەرپرسیارێتی خۆی لە كردەوە خۆكوژییەكە راگەیاند، كردەوەكەش دوای ئەوەهات لەم هەفتەیەدا بزووتنەوەكە ئاگربەستی لەگەڵ حكومەت هەڵوەشاندەوە.

بەوێنە؛ لە ناوچەیەكی سلێمانی یەكەم بەفری ئەمساڵ باری
پێشتر بەوێنە؛ لە ناوچەیەكی سلێمانی یەكەم بەفری ئەمساڵ باری
ئێرانییەکان، بۆ شکستی هەڵبژاردەی وڵاتەکەیان ئاهەنگیان گێڕا
دواتر ئێرانییەکان، بۆ شکستی هەڵبژاردەی وڵاتەکەیان ئاهەنگیان گێڕا
پەیوەندیدار