عەتوان عەتوانی سەرۆكی لیژنەی دارایی پەرلەمانی عێراق، دوایین پێشهاتەكانی پلەبەندی نوێی مووچەی فەرمانبەرانی ئاشكرا دەكات و ئاماژە بە كەمترین بڕە مووچەش دەكات.
عەتوانی لە دیمانەیەكی تەلەفزیۆنیدا ڕایگەیاند: ” پلەبەندی مووچە جیایە لە بودجەی دارایی و هاتنەبەری هاوكات بووە لەگەڵیدا، پلەبەندی مووچەپەیوەندی بە بڕیارێكی ئەنجومەنی وەزیرانەوە هەیە”.
بە وتەی :”عەتوانی كەمترین مووچەی بنەڕەتی بۆ هەر فەرمانبەرێك قبوڵ ناكەین لە 400 هەزار دینار كەمتر بێت، پلەبەندی نوێی مووچەش مامەڵە لەگەڵ مووچەی بنەڕەتی و نزمترین پلەی وەزیفیدا دەكات”.
عەتونی دەڵێت :”دەرماڵەی 50% و 30% وەكو دەرماڵەتی مەترسی، هاوسەرگیری، دەرماڵەی ژیان، بڕوانامە و ئەوانی تر هەیە، ئەمانە دەتوانرێت كۆبكرێنەوە و لەلایەن فەرمانبەرەوە بەدەستبهێنرێت، جگە لە مووچەی بنەڕەتی”.
سەرۆكی لیژنەی دارایی پەرلەمانی عێراق پێیوایە:”پلەبەندی مووچە بەرپرسیارێتی حكومەتە،هەستدەكەین حكومەت جدییە لە تەواوكردنی پلەبەندی مووچە، بەڵام ڕەنگە دوای پەسەندكردنی بودجەی ئەنجومەنی نوێنەران گفتوگۆی لەسەر بكات”.
بە بۆچوونی عەتونی:”هەر زیادكردنێكی مووچە كاریگەریی ئابووری لەسەر بازاڕ و كاڵا و خزمەتگوزارییەكان دەبێت، بۆیە دەبێت لە هەموو لایەكەوە توێژینەوەی لەسەر بكرێت”.
ئەو پەرلەمانتارە ڕایگەیاندووە:”پلەبەندی مووچە لە ئەنجومەنی وەزیرانە و ئێمە وەك لیژنەی دارایی بەدواداچوونی بۆ دەكەین، كارەكە لەبەرپرسیارێتی ئەوان و پەرلەمان نییە، بەڵام ئومێدییان بە حكومەت هەیە كە دادپەروەر دەبێت لەگەڵ فەرمانبەران”.
ڕوونیكردەوە، “ئەمە پێویستی بە كۆدەنگی سیاسی و خۆبەدەستەوەدانێكی گەورەیە، چونكە ڕێوشوێنێكی (ڕادیكاڵ)ە كە پێویستی بە دانانی سنوورێكی دیاریكراو هەیە بۆ نمرەكانی كار.”
