دەزگای ئاسایشی نیشتمانیی عێراق، دەستگیركردنی ١٠ تیرۆریستی داعشی لە ژمارەیەك پارێزگا راگەیاند.
دەزگای ئاسایشی نیشتمانیی عێراق راگەیاند، لە میانی زنجیرەیەك ئۆپەراسیۆندا لە پارێزگاكانی نەینەوا، سەڵاحەددین، بەغدا و ئەنبار ١٠ تیرۆریستی داعش دەستگیر كراون.
دەزگای ئاسایشی نیشتمانیی عێراق لە راگەیەندراوێكدا ئاماژەی بەوەداوە ھێزەكانیان زنجیرەیەك ئۆپەراسیۆنیان لە پارێزگاكانی نەینەوا، سەڵاحەددین، بەغدا و ئەنبار ئەنجامداوە.
راشیگەیاندووە، لە میانی ئۆپەراسیۆنەكاندا، ١٠ تیرۆریستی داعش دەستگیر كراون.
باسی لەوەیش كردووە، دەستگیركراوەكان لەناو رێكخراوی تیرۆریستیی داعش كاریان كردووە و لە ماوەكانی رابردوودا، چەندین كردەی تیرۆریستییان دژبە ھێزە ئەمنییەكان ئەنجامداوە.
