ئێمە لە تۆرە کۆمەڵایەتیەکان

کوردستان

ئیمینیكی: پرۆژەیاساكانی پارتی و گۆڕان لێكتێگەیشتنێكی هاوبەش بوو

خەڵك-بەشی هەواڵ

جێگری سەرۆكی پەرلەمانی كوردستان رایدەگەیەنێت، پڕۆژەكانی پارتی ‌و گۆڕان لە ئەنجامی تێگەیشتنێكی هاوبەش بووە لەنێوانیان، ئەمەش ئەوە ناگەیەنێت بڵێین ڕێكەوتنێكیان ئەنجامداوە.

جەعفەر ئیمینیكی جێگری سەرۆكی پەرلەمانی كوردستان بە دەنگی ئەمریكای راگەیاند، دوو پڕۆژە یاسای هەڵپەساردنی سەرۆكایەتی هەرێم هاتنە سەرۆكایەتی پەرلەمان، یەكێكیان هی فراكسیۆنی پارتی ‌و ئەوی دیكەیان هی فراكسیۆنی گۆڕان بوو، هەردوو پڕۆژەكە ئاڕاستەی لیژنەی یاسایی كران، چونكە هەردوو پڕۆژەكە‌ هاوشێوەی یەكتربوون، هۆكاری دەرچوانی هەردوو پڕۆژەكەش بۆ ئەوە بوو كە دەرفەتی زیاتر بەلایەنە سیاسییەكان بدرێت تا یەكڕیزیەكی نیشتمانی بهێننەدی‌و هەرێمی كوردستان ببێتە خاوەنی پڕۆژەی دەستوری خۆی‌و ئەو گرفتانەی وروژێنرابوون لەسەر سەرۆكایەتی هەرێم یەكلایی بكرێنەوە.

وتیشی “ئەو كێشەیە لە ساڵی (١٩٩٢)وە كێشەو گرفتی نێوان لایەنە سیاسییەكانەو ناسەقامگیری سیاسی دروست كردووە بۆیە سەرۆكایەتی هەرێم هەڵپەسێردرا تا ئەو سازانەی نێوان لایەنەكان دروست دەبێت”.

ئاماژەی بۆ ئەوەش كرد، ئەو چارەسەرە كاتییە كارێكی باشبوو، بەڵام دەبوو چارەسەری هەمیشەییمان بدۆزییایەتەوە، وەك ڕێكەوتنی سیاسی نێوان لایەنەكان كە دەبوو بگەنە ڕێكەوتن‌و كێشەكەیان چارەسەر بكردایە.

ئاشكراشیكرد، لەم بارودۆخەدا ناتوانرێت هەڵبژاردنی سەرۆكایەتی هەرێم بكرێت، بەڵام لایەنەكان دەتوانن بگەنە ڕێكەوتن بە ئاڕاستەیەكی ئیجابی.

سەبارەت بە هەڵوەشاندنەوەی سەرۆكایەتی هەرێم، جەعفەر ئیمینیكی رایگەیاند، هیچ فراكسیۆنێك بە فەرمی داوای هەڵوەشاندنەوەی سەرۆكایەتی هەرێمی لەڕێگای پڕۆژە یاساوە نەكردووە، ” تەنانەت پڕۆژەكەی فراكسیۆنی گۆڕانیش بۆ هەڵپەساردن بوو نەك هەڵوەشاندنەوەو دواخستنی هەڵبژاردنی سەرۆكایەتی هەرێم‌و دەستخۆشی لەو پەرلەمانتارانەش دەكەم كە پشتیوانیان كرد‌و هەرچەندە وەك سەرۆكایەتی پەرلەمان دەبێت بێ لایەن بین، بەڵام خۆشم دەنگم بۆ پڕۆژەكەدا”.

رونیشیكردەوە، هە‌ڵوەشاندنەوەی سەرۆكایەتی هەرێم پڕۆژەی جیاوازی دەوێت، ڕاستە ڕای جیاواز هەبوو وەك فراكسیۆنی یەكگرتوو داوای هڵوەشاندنەوەیان دەكرد بەڵام دەبوو بێن لەسەر بنەمای یاسای ساڵی ٢٠٠٥ پڕۆژەیەكیتر پێشكەش بكەن، چونكە ئێمە ناتوانین لە ناوەرۆكی پڕۆژە یاسا دەربچین كە تەنها باسیان لەهەڵپەساردن كردبوو بەپێی پڕۆژەكەی فراكسیۆنی گۆڕان‌و پارتی.

جێگری سەرۆكی پەرلەمان ئەوەشی ئاشكرا كرد كە هەڵپەساردنەكە كاتییە تا ئەوكاتەی لەخولی داهاتوو پەرلەمان لە دوو وەرزدا ئەو بابەتە یەكلایی دەكاتەوە یان دەستورێكی هەمیشەیی بۆ كوردستان دادەنرێت‌و هەڵبژاردنی پێشوەختە دەكرێت، ئەوكات دەبێتە دۆخێكیتر دامەزراوەكانی كوردستان بەسەرۆكایەتی هەرێمیشەوە شێوەیەكی دیكە بەخۆیانەوە دەبینن.

وتیشی، دیوانی سەرۆكایەتی هەرێم وەك خۆی مایەوە، چونكە كارە كارگێڕییەكان بەڕێوەدەبات‌و تەنها لەو ڕۆڵە بەردەوام دەبێت.

کوردستان

پشده‌ر: كه‌سێك به‌ تۆمه‌تی به‌زۆر سه‌ندنی پاره‌ له‌ خه‌ڵك ده‌ستگیر كرا

خەڵک-

بەپێی ڕاگەیەنراوێکی بەڕێوەبەرایەتیی پۆلیسی ڕاپەڕین، ئەمڕۆ کەسێک بە تۆمەتی بەزۆر سەندنی پارە لە خاوەن مارکێتەکان، دەستگیر کراوە.

بەڕێوەبەرایەتیی پۆلیسی سۆران ڕایگەیاند: “پاش به‌ده‌ستهێنانی زانیاری له‌ لایه‌ن هاوڵاتیان و به‌ سود وه‌رگرتن له‌ كامێرای چاودێری، هێزه‌كانی نوسینگه‌ی نه‌هێشتنی تاوان لە قەزای پشده‌ر، كه‌سێكیان ده‌ستگیر كرد كه‌ به‌ زۆر پاره‌ی له‌ خاوه‌ن ماركێته‌كان سه‌ندووه‌، بۆ ئه‌م مه‌به‌سته‌ش له‌ لایه‌ن هاوڵاتییانه‌وه‌ سكاڵای یاسایی له‌سه‌ر تۆمار كراوه‌.”

ئەوەشی ڕاگەیاند: ئەو تۆمەتبارە به‌ مادده‌ی ٤٥٢ له‌ یاسایی سزادانی عێراقی‌ به‌ند كراوە و پاش لێكۆڵینه‌وه‌ش له‌گه‌ڵیدا دانی ناوه‌ به‌ تاوانه‌كه‌یدا، په‌ڕاوی لێكۆڵینه‌وه بۆ دۆسیەکە كراوه‌ته‌وه‌ و لێكۆڵینه‌وه‌ش به‌رده‌وامه‌.

 

بەردەوام بە لە خوێندنەوە

کوردستان

باڵیۆزی تورکیا لە بەغدا: نه‌وتی كه‌ركوك بۆ ئێمە و عێراقیش گرنگە

خەڵک-

باڵیۆزی توركیا له‌ به‌غدا ڕایگەیاند، “كردنه‌وه‌ی دووه‌مین ده‌روازه‌ی سنوریی نێوان توركیا و عێراق، ده‌بێته‌ هۆی كارئاسانی له‌ بازرگانی و فراوانكردنی رێگاكانی بازرگانی لە نێوان ئەو دوو وڵاتە.

فاتیح یڵدز باڵیۆزی توركیا له‌ به‌غدا له‌باره‌ی دوا پێشهاته‌كانی ده‌روازه‌ی ئۆڤا، ڕایگەیاند: “كردنه‌وه‌ی ئەم ده‌روازه‌ سنوریییە په‌یوه‌نددارە به‌ په‌یوه‌ندییه‌كانی نێوان حكومه‌تی هه‌رێمی كوردستان و به‌غداوە، ئێمە هه‌ست به‌ پێویستیی ئەو هاوسه‌نگییه‌ ده‌كه‌ین.”

ئەوەشی ڕاگەیاند: “كردنه‌وه‌ی ئەو دروازە سنورییە، ده‌بێته‌ هۆی كارئاسانی له‌ بازرگانی و فراوانكردنی رێگاكانی بازرگانی، کارێکی باش نییه‌ جێگره‌وه‌ت نه‌بێت بۆ قه‌باره‌یه‌كی بازرگانی بە بڕی‌ ١٣ ملیار دۆلار”.

فاتح یڵدژ ئاماژەی بەوەش کرد: نه‌وتی كه‌ركوك بۆ توركیا و عێراق په‌یوه‌ستێكی گرنگی وزه‌یه، ئه‌و هێڵه‌ی كه‌وتووه‌ته‌ كار، ئه‌و هێڵه‌یه‌‌ له‌ هه‌رێمی كوردستانه‌وه‌ دێت. هێڵه‌ كۆنه‌كه‌ چاوه‌ڕوانی سه‌رله‌نوێ بنیاتنانه‌وه‌یه‌. كۆمپانیا توركییه‌كان خواستی خۆیان بۆ بنیاتنانه‌وه‌ی هێڵه‌كه‌ نیشانداوه‌. پێویسته‌ بیره‌ نه‌وته‌كانی كه‌ركووك و هێڵی بۆریی گواستنه‌وه‌ی نه‌وت، به‌توانای راسته‌قینه‌ی خۆی كار بكات. ئه‌مه‌ش بابه‌تێكه‌ په‌یوه‌سته‌ به‌ حكومه‌تی عێراقه‌وه‌.

باڵیۆزی تورکیا لە بەغدا دەڵێت: نه‌ بیره‌ نه‌وته‌كان به‌وپه‌ڕی توانایانه‌وه‌ كارده‌كه‌ن، نه‌ هێڵه‌كه‌ به‌وپه‌ڕی توانایه‌وه‌ كارده‌كات. وه‌ك چاره‌سه‌رێكی كاتی ته‌ماشای ئه‌مه‌ ده‌كه‌ین، به‌ڵام سه‌رله‌نوێ ده‌ستپێكردنه‌وه‌ی گرنگه‌ و رێككه‌وتنی به‌غدا و هه‌رێمیش له‌وباره‌وه‌ گرنگه‌. كه‌ركووك و به‌غدا پێویستیان به‌و داهاته‌یه‌ كه‌ له‌ هه‌نارده‌كردنی نه‌وت به‌ده‌ستدێت. لێره‌دا باوه‌ڕمان وایه‌ ئه‌گه‌ر توانای هێڵه‌كه‌ بگه‌ڕێته‌وه‌ بۆ دۆخی جاران، په‌یوه‌ندییه‌كانیش ده‌گه‌ڕێنه‌وه‌ دۆخی جاران.”

بەردەوام بە لە خوێندنەوە

کوردستان

ھێزە ئەمنییەکانی تورکیا ٢٥ ژنیان لە بارەگای ئامەدی ھادەپ دەستگیر کرد

خەڵک-

پاشنیوەڕۆی ئەمڕۆ ھێزە ئەمنییەکانی تورکیا ٢٥ ژنیان لەبارەگای ئامەدی پارتی دیموکراتی گەلان (ھادەپ) دەستگیر کرد، کە بۆ پشتیوانی لە پەرلەمانتارێکی ژن بڕیاریان دابوو سێ رۆژ مانبگرن.

پاشنیوەڕۆی ئەمڕۆ ھێزە ئەمینییەکانی تورکیا، چوونە نێو بارەگای شاری ئامەدی پارتی دیموکراتی گەلان (ھادەپ) و ٢٥ ژنیان دەستگیر کرد.
ئەو ژنانە بڕیاریان دابوو بۆ ماوەی ٣ رۆژ مانگرتن رابگەیەنن، وەک پشتیوانییەک لە لەیلا گوڤەن هاوسەرۆکی کۆنگرەی جڤاکا دیموکراتیک و پەرلەمانتاری هەدەپە.

لەیلا گوڤەن ماوەی زیاتر لە مانگێکە بە تۆمەتی بوونی پەیوەندی بە پارتی کرێکارانی کوردستانەوە دەسـتگیرکراوە و پێدەچێت ڕووبەڕووی سزای زیندانی کردنی چەند ساڵە بێتەوە.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان

دوایین