ئێمە لە تۆرە کۆمەڵایەتیەکان

ئابوری

بۆچی پەرلەمان خۆی لە پرسی پاشەكەوتی مووچە دەدزێتەوە؟

خەڵك – بەشی هەواڵ
ئەندامێكی ئەنجومەنی مامۆستایانی ناڕازی لە سلێمانی ڕایدەگەیەنێت، لە ئێستادا پەرلەمان گفتوگۆ و خوێندنەوە بۆ هەر یاسایەك بكات، خۆ دزینەوەیەكی ڕوون و ئاشكرایە لە پەسەندكردنی یاسای چاكسازیی یان هەڵوەشانەوەی پاشەكەوت.

هەورامان نعمەت، ئەندامی ئەنجومەنی مامۆستایانی ناڕازی لە سلێمانی لە هەژماری خۆی لە فەیسبووك دەڵێت: “ئەمڕۆ پەرلەمان خوێندنەوەی بۆ یاسای سەرۆكایەتی هەرێم و چەند پڕۆژە یاسایەكی دیكە كرد، بە بڕوای من لە ئێستادا پەرلەمان گفتوگۆ و خوێندنەوە بۆ هەر یاسایەك بكات، خۆدزینەوەیەكی ڕوون و ئاشكرایە لە پەسەندكردنی یاسای چاكسازیی یان هەڵوەشانەوەی پاشەكەوت”.

ڕاشیگەیاندووە، پێویستە پەرلەمانتارانی هاوڕێمان و ئەوانەی دیكەش پاشكەوت یەكلایی بكەنەوە و پاشان چی دەكەن بیكەن، ئەی مەگەر هەڵوەشانەوەی پاشەكەوتتان نەكردە پاساوی كردنەوەی دەرگای پەرلەمان.

ئاماژەی بۆ ئەوەشكردووە، ئەوە چەند دانیشتن ئەنجامبدەن و بەڵێنەكانتان نابەنە سەر و خۆتان كردووە بە كەڕەی شەربەت سەبارەت بە پاشەكەوت، كە كێشەی هەنوكەیی خەڵكە و هیچ شتێك لە هەڵوەشانەوەی پاشەكەوت بۆ خەڵكی گرنگتر نیە و شایەنی ئەوە نیە پێشی ئەو كارە بخرێت.

ئابوری

فڕۆكەخانەی نێودەوڵەتی سلێمانی گەشتەكانی هەڵوەشاندەوە

خەڵك- بەشی هەواڵ
بەهۆی خراپی كەشوهەوا و بوونی تەمێكی زۆر، فڕۆكەخانەی نێودەوڵەتی سلێمانی گەشتە ئاسمانییەكانی ئەمشەوی هەڵوەشاندەوە.

بەپێی خشتەی گەشتەكانی فڕۆكەخانەی نێودەوڵەتی سلێمانی، كە لەسەر ماڵەپڕی فەرمی خۆی بڵاویكردۆتەوە، چەند گەشتێكی ئاسمانیەكانی ئەمشەو لە فڕۆكەخانەی نێودەوڵەتی سلێمانیەوە هەڵوەشێنراونەتەوە.

بەپێی زانیارییەكانی (خەڵك) هەڵوەشاندنەوەی ئەو گەشتانە پەیوەندی بە خراپی كەشوهەوا و بوونی تەمێكی زۆرەوەیە، كە ئاستی بینینی زۆر كەمكردۆتەوە.

بۆ وەرگرتنی زانیاری زیاتر (خەڵك) پەیوەندی بە تاهیر عەبدوڵا، بەڕێوەبەری فڕۆكەخانەی نێودەوڵەتی سلێمانی-یەوە كرد و لای خۆیەوە هەواڵەكەی پشتڕاست كردەوە و ڕایگەیاند، كە ئەوە ڕاپۆرتێكی كەشناسییە و بەهۆی خراپی كەشوهەواوە ئەو گەشتانە هەڵوەشاونەتەوە.

دواتریش بەشی پەیوەندییەگشتیەکان و ڕاگەیاندنى فڕۆکەخانەی نێودەوڵەتی سلێمانی، ڕاگەیەنراوێکی لەو بارەیەوە بڵاوکردەوە و ڕایگەیاند: گه‌شته‌کانی فڕۆکه‌خانه‌ی نێوده‌وڵه‌تی سلێمانی بۆ ماوه‌ی (١٢) کاتژمێر ڕاده‌گیرێت، ئەویش به‌هۆی ئه‌و ته‌مومژه‌ی ئاسمانی هه‌رێمی کوردستان و پارێزگای سلێمانی گرتووه‌ته‌وه‌و بۆته‌ هۆی که‌مبوونه‌وه‌ی ماوه‌ی بینین.

لە ڕاگەیەنراوەکەدا ئەوەش ھاتووە: به‌پێی ڕاپۆرتی نوسینگه‌ی که‌شناسیی فڕۆکه‌وانیی فڕۆکه‌خانه‌ی نێوده‌وڵه‌تی سلێمانی پێشبینی دەکرێت ئەو تەمەی ئێستا ھەیە، له‌ کاتژمێر (٨:٠٠ )ی ئه‌مشه‌و تا کاتژمێر (‌٨:٠٠)ی به‌یانیی رۆژی سێشەممە ٢٠١٨/١٢/١١ بخایه‌نێت و لەو ماوەیەدا تەواوی گەشتەکان ڕادەگیرێن.

بەردەوام بە لە خوێندنەوە

ئابوری

پشكی هەرێم دەبێتە چەندە؟
بودجە بە دەستكاریكراوی دەدرێتەوە بە پەرلەمان

خەڵك- بەشی هەواڵ
نزیكەی مانگێكە هەردوو لیژنەی دارایی پەرلەمان و وەزارەتی دارایی حكومەتی عیراق سەرقاڵی دەستكاریكردنی پڕۆژە یاسای بودجەی 2019ی عیراق-ن و پەرلەمانتارێكی پارتی-ش دەڵێت: “سبەینێ‌ یان دوو سبەی پڕۆژە یاساكە بە دەستكاری كراوی دەدرێتەوە بە پەرلەمان” و جەختیشدەكاتەوە، كە پشكی هەرێم دەبێت 17% بێت.

دیار بەرواری، ئەندای پەرلەمانی عیراق لە فراكسیۆنی پارتی بە (شەفەق نیوز)ی ڕاگەیاندووە، سبەینێ‌ سێ‌ شەممە یان دواتر پڕۆژە یاسای بودجەی 2019 بە دەستكاری كراوی دەگەڕێتەوە پەرلەمان.

ڕاشیگەیاندووە، كە لیژنەی دارایی تایبەتی پەرلەمان و لیژنەی حكومی كاری كردووە بۆ هەمواركردنەوەی ئەو بڕگە گرنگانەی لە ناو پڕۆژە یاسای بودجە هەبوون و ناكۆكیان لەسەر بووە.

بە وتەی ئەو پەرلەمانتارە، “هەندێك لەو تێبینیانەی لایەنە سیاسیەكان و لیژنەكانی پەرلەمان پێشكەشیان كردووە لەلایەن لیژنەكەی حكومەتەوە پشتیوانی كراوە و ئێستا چاوەڕێی گەڕانەوەی بودجە دەكەین تاوەكو بزانین كام بڕگانە هەموار كراون و حكومەت پەسەندی كردوون، چونكە دوای ئەوە بڕیار دەدەین، كە پەسەندی بكەین یان بگەڕێنینەوە بۆ حكومەت بە فەرمی”.

ڕوونیشی كردۆتەوە، كە پەرلەمانتارەكانی نەینەوا و بەسرە لەسەر پشكی پارێزگاكانیان تێبینیان هەبوو و نیگەران بوون، هەروەها هەرێمی كوردستان-یش سوورە لەسەر تەرخان كردنی 17%ی بودجە بۆی.

بەپێی پڕۆژە یاسای بودجەی 2019ی عیراق، كە ڕەخنەی زۆری لێگیرا، بڕی خەرجی دارایی بە 128.4 ترلیۆن دینار (نزیكەی 108 ملیار دۆلار) دانراوە و بڕی كورتهێنان-یش بە 22.8 ترلیۆن دینار (نزیكەی 19 ملیار دۆلار) خەمڵێنراوە.

هەر لە پڕۆژە یاساكەدا هاتووە، كە هەناردەی ڕۆژانەی نەوت 3 ملیۆن و 880 هەزار بەرمیلە، كە 250 هەزار بەرمیلی هەرێمی كوردستان هەناردەی بكات و لە بەرامبەردا بڕی 12.6%ی بودجە دوای داشكاندنی سیادی وەربگرێت و نرخی بەرمیلێك نەتیش بە 56 دۆلار خەمڵێنراوە.

بەردەوام بە لە خوێندنەوە

ئابوری

وەزارەتێك پشكی دامەزراندنی دیاریكرد
ساڵی داهاتوو دامەزراندن لە هەرێم دەستپێدەكاتەوە

خەڵك – بەشی هەواڵ
وتەبێژی وەزارەتی تەندروستی حكومەتی هەرێم ڕایدەگەیەنێت، ئەو بودجەیەی ئێمە داوامان كردووە بۆ ساڵی داهاتوو، پشكی ژماریەك هەلی دامەزراندنمان تێدا دیاری كردووە، كە تایبەتە بە پزیشك و پزیشكی ددان و پەرستارانی زانكۆ.

د.خاڵس قادر، وتەبێژی وەزارەتی تەندروستی بە (خەڵك)ی ڕاگەیاند، بەپێی ئەو پلانەی وەزارەت بۆ ساڵی داهاتوو دایڕشتووە و داوای بودجەی كردووە لەوەزارەتی دارایی، بەشێكی بۆ دامەزراندنی كەرتی تەندروستی تەرخان دەكات.

وتیشی، “پشكی دامەزراندن بۆ ساڵی داهاتوو نزیكەی 720 پلەی دامەزراندنە، كە خۆی لە پزیشك و پزیشكی ددان و دەرمانساز و كۆلیژی پەرستیاری دەبینێتەوە، لە بودجەدا پارەی تەواومان بۆ تەرخان كردووە، بەوهیوای لە حكومەتی نوێ ئەو ژمارەیەش دابمەزرێن”.

ڕاشیگەیاند، ئەو داواكارییەمان ئاڕاستەی وەزارەتی دارایی كردووە و لەگەڵ چەند داواكارییەكی دیكەی تایبەت بە كەرتی تەندروستی بۆ ساڵی داهاتوو و كابینەی نوێ، كە بۆ وەزارەت ئەنجام بدرێـت و ڕەزامەندی یەكەمیشیان بۆ دەرچووە.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان

دوایین