نووسەر و شاعیر جەمال بیدار باس لەوە دەکات، کە زاراوەی ئاڵۆزی کوردیی هەورامانی “لەناوناچێت” وەک ئەوەی ڕێکخراوە نێودەوڵەتییەکان پێشبینیان کردووە، چونکە سەرکەوتوو بووە لە بەستنەوەی بە قورئانی پیرۆز، کاتێک ساڵانێک لەمەوبەر وەرگێڕان و تەفسیری بۆ وتەكانی خودا كردووە بۆ سەر ئەم زمانە و بۆ یەکەمجار چاپی کرد.
نووسەر و شاعیری کورد جەمال حەبیب فەرەج ناسراو بە “جەمال بیدار” گرنگییەکی زۆر بە زمان و زاراوەی کوردی دەدات و ١١ ساڵ لەمەوبەر قورئانی بە شێوەزاری هەورامی لێکداوەتەوە.
جەمال بێدار وتویەتی، “٥٥ ساڵە لە بوارەکانی شیعر و ڕۆمان و وەرگێڕاندا خەریکی نووسینم و ٩ بەرهەمی شیعری و ٧٠ بەرهەمی ئەدەبی و وەرگێڕدراوم چاپ کردووە و دەستم کرد بە گرنگیدانی زیاتر بە شێوەزاری هەورامی، دوای ئەوەی یونسکۆ لیستی ئەو زمانانەی ڕاگەیاند، كە مەترسی لەناوچوونیان لەسەرە و لەناویشیاندا هەورامی”.
وتیشی، “لە ساڵی ٢٠١٢دا بەماوەی دوو مانگ و نیو توانیم تەواوی قورئانەکە وەربگێڕم بۆ سەر شێوەزاری هەورامی، ساڵێکی دیکەی پێچوو بۆ دیزاینکردن و ڕێکخستنی”.
ئاشكراشی كرد، قورئانی پیرۆزم هەڵبژارد، چونکە پەیامێکی خودایە و هەرگیز ناسڕێتەوە، بۆیە هەوڵمدا بیبەستمەوە بە شێوەزاری هەورامی بۆ ئەوەی مەترسی لەناوچوونی نەمێنێت، من یەکەم کەسم لە مێژوودا کە وەرگێڕان و لێکدانەوەم هەیە بۆ قورئان بۆ زاراوەی هەورامی.
ئەو شاعیرە دەشڵێت: “1000 دانەی تەفسیركراو لە ساڵی 2015 لە تاران چاپ کراوە و لە ئێران و عێراق بڵاوكراوەتەوە و کرێی چاپکردنەکەش لەلایەن خێرخواز حاجی عابد هەورامی سپۆنسەر کراوە”.
