بەلەمێكی كۆچبەران لە نزیك یۆنان لە مەترسیدایە و زۆربەیان كوردن


دەزگای لوتكە بۆ كاروباری ئاوارە و پەنابەران ڕایدەگەیەنێت، بەلەمێكی كۆچبەران بە نزیكەی 50 كۆچبەرەوە لە مەترسیدایە و زۆربەشیان خێزانی كوردن.

بەپێی ڕاگەیەندراوێك كە لەلایەن حسێن حەمەساڵح نوێنەری دەزگای لوتكە بڵاوكرایەوە” بەلەمێكی كۆچبەران لە باشووری دوورگەی كریتی یۆنان لە دۆخێكی نالەباردایە و نزیكەی 50 كەسی هەڵگرتووە، بەپێی زانیاریەكانیش سەرنشینانی ناو بەلەمەكە لە نەتەوەی تێكەڵاون و زۆربەیان خێزانی كوردن و ژمارەیەكی زۆریش منداڵی تێدایە”.

بە وتەی حسێن حەمە ساڵح”كۆچبەرەكان خۆیان پەیوەندیان بە پاسەوانانی دوورگەكەوە كردووە بۆ رزگاركردنیان، بۆ بەلەمەكە لەلایەن بەلەمێكی رزگاركەری لامبرۆ هالماتیك-60 كە سەر بە پاسەوانی كەناراوەكانی هێلینیك بووە، راكێشراوە بەرەو وشكانی لە كەنارەكانی باشووری دوورگەكە، بەڵام نەیانتوانیوە بیانبەنە كەناری دەریاكەوە”.

نوێنەرەكەی دەزگای لوتكەوە دەڵێت”بەلەمەكە لە دەریای رۆژهەڵاتی گوندی كالۆیلیمێنێس بەجێهێڵراوە و كەشتییەكی پاسەوانی كەناراوەكانی هێلینیك لە دوورەوە چاودێری دەكات “.

هەر لە ڕاگەیەندراوەكەی دەزگای لوتكەدا هاتووە” هیچ كام لە سەرنشینەكانی ناو بەلەمەكە لەسەر وشكانی نەبراونەتە شوێنێكی سەلامەت، هەروەها خواردن و ئاو و چاودێری پزیشكیشیان وەرنەگرتووە و تا ئێستا نەزانراوە بۆچی پاسەوانی كەناراوەكان نەیانبردوونەتە بەندەرەكەوە، خەڵكی ناو كەشتییەكە نیگەرانن لە ئەگەری ئەوەی دووبارە بگەرێنرێنەوە بۆ توركیا.”

 

هەشت تیرۆریستی داعش دەستگیركران
پێشت هەشت تیرۆریستی داعش دەستگیركران
بەرشەلۆنە یاریزانێكی بەڕازیلی دەكڕێت
دواتر بەرشەلۆنە یاریزانێكی بەڕازیلی دەكڕێت
پەیوەندیدار