ئێمە لە تۆرە کۆمەڵایەتیەکان

جیهانی

(بەوێنە) یەکەی مەشق و ئامادەکاریەکانی ئینگلتەرا و کرواتیا و کۆبونەوەی هاندەران

خەڵک سپۆرت

ئەمڕۆ بڕیارە کاتژمێر نۆ بەکاتی کوردستان ڕووبەڕوبونەوەی قۆناغی نیوەی کۆتایی مۆندیالی ٢٠١٨ی ڕوسیا لەنێوان هەڵبژاردەی ئینگلتەرا و کرواتیا ئەنجام بدرێت.

پێشوەخت هەردوو هەڵبژاردە یەکەی مەشق و ئامادەکارییەکانیان ئەنجامدا و هاندەرانیش لەهەردوو وڵاتەوە ڕوویانکردۆتە ڕوسیا بۆ ئامادەبوون لەیاریگای لۆجینکی لە مۆسکۆ.

زۆری ڕێژەی هاندەران سەرنجی میدیا جیهانیەکانی ڕاکێشاوە، هۆکارەکەش ئەوەیە کە یاریگای لوجێنکی یەکێکە لە گەورەترین یاریگاکانی ڕوسیا و زیاتر لە ٨٠ هەزار هاندەر لەخۆدەگرێت، جگە لەوەش بەڕێگەی سکرینی زەبەلاحەوە یارییە مێژووییەکە پەخش دەکرێت.

ئەمەش دیمەنی مەشقەکان و کۆبونەوەی هاندەرانی ئینگلتەرا و کرواتیایە:

 

جیهانی

(سه‌ڵاح و لیڤا نزیکن) ململانێی گۆڵکاری ساڵ مانگێکی ماوه‌ و مێسی و کریستیانۆ یه‌ک گۆڵ جیاوازییانه‌

خه‌ڵک سپۆرت

هێنده‌مان نه‌ماوه‌ براوه‌ی خه‌ڵاتی گۆڵکاری ساڵی ٢٠١٨مان بۆ ده‌ربکه‌وێت، تائێستاش لیۆ مێسی ئه‌فسانه‌ی زیندوی یانه‌ی به‌رشلۆنه‌ له‌لوتکه‌دایه‌.

له‌ساڵی ٢٠١٨دا که‌ تیایدا ململانێی خوله‌ ناوخۆییه‌کانی ئه‌وروپا و مۆندیالی ڕوسیا ئه‌نجامدرا، هێرشبه‌ران له‌هه‌موو پێگه‌ و ڕووبه‌ڕوبونه‌وه‌یه‌کدا گۆڵیان تۆمار کرد، لیۆ مێسی ئه‌فسانه‌ی زیندوی ئه‌رجه‌نتین و یانه‌ی به‌رشلۆنه‌ ٤٠ گۆڵی به‌درێسی بارسا و چوار گۆڵی به‌درێسی “ئالبی سیلیستی”یه‌وه‌ تۆمار کردووه‌، کۆی ژماره‌ی گۆڵه‌کانی ده‌گاته‌ (٤٤) و ته‌نها یه‌ک گۆڵ جیاوازی له‌گه‌ڵ کریستیانۆ ڕۆناڵدۆی پورتوگالی هه‌یه‌.

“دۆنی پورتوگال” توانیویه‌تی ٤٣ گۆڵ تۆمار بکات که‌ ٢٨ی به‌درێسی ڕیاڵ مه‌درید و نۆ گۆڵ به‌درێسی یوڤانتۆس و شه‌ش گۆڵیشی به‌درێسی پورتوگاله‌وه‌ تۆمار کردووه‌، هه‌رچی ڕۆبێرت لیڤاندۆڤیسکی پۆڵه‌ندی وموحه‌مه‌د سه‌ڵاحی میسڕییه‌‌ له‌ ژماره‌ی دوو ئه‌ستێره‌ ناوداره‌که‌وه‌ نزیکن و ماوه‌ی مانگ و نێوێکیان له‌به‌رده‌ستدایه‌ (تا ١ / ١ / ٢٠١٩) بۆ هاوتاکردنه‌وه‌ی ژماره‌ی گۆڵه‌کان، یاخود گرتنی لوتکه‌ی گۆڵکارانی ساڵی ٢٠١٨.

ڕیزبه‌ندیه‌که‌ تائێستا به‌م شێوه‌یه‌یه‌:

  • لیۆنێل مێسی: ٤٤ گۆڵ

  • کریستیانۆ ڕۆناڵدۆ: ٤٣ گۆڵ

  • ڕۆبێرت لیڤاندۆڤیسکی: ٣٩ گۆڵ

  • موحه‌مه‌د سه‌ڵاح: ٣٦ گۆڵ

  • لویس سوارێز: ٣٦ گۆڵ

  • ئه‌نتوان گریزمان: ٣٥ گۆڵ

  • هاری که‌ین: ٣٤ گۆڵ

  • کامیل ڤیلسیزک: ٣٣ گۆڵ

  • تانیسکا: ٣١ گۆڵ

  • چیرۆ ئیمۆبێلی: ٢٦ گۆڵ

بەردەوام بە لە خوێندنەوە

جیهانی

به‌ڕێوه‌به‌رێکی ئارسیناڵ دان به‌ کۆبونه‌وه‌ نهێنیه‌کاندا ده‌نێت: پێویست بوو هه‌موو شتێک بزانین

خه‌ڵک سپۆرت

به‌ڕێوه‌به‌ری وه‌رزشیی یانه‌ی ئارسیناڵ دان به‌ڕاستیه‌کاندا ده‌نێت و به‌ ئاشکرا ده‌ڵێت: به‌شداری ئه‌و کۆبونه‌وه‌ نهێنیانه‌مان کردووه‌ که‌ ئه‌نجامدراوه‌ بۆ ڕێکخستنی پاڵه‌وانێتی سوپه‌ری ئه‌وروپا.

له‌ماوه‌ی ڕابردودا “دێر شبیگل”ی ئه‌ڵمانی ئاشکرای کرد، یانه‌ زه‌به‌لاحه‌کانی ئه‌وروپا (ڕیاڵ، بارسا، بایرن، مان یونایتد، سیتی، لیڤه‌رپوڵ، ئه‌تله‌تیکۆ، دۆرتمۆند، ئارسیناڵ، یوڤانتۆس، ئینته‌رمیلان، میلان، پاریس سانت جێرمان) و چه‌ندین یانه‌ی تر کۆبونه‌وه‌ی نهێنیان له‌نێوان خۆیاندا ئه‌نجامداوه‌ بۆ پێکهێنانی پاڵه‌وانێتیه‌کی نوێ به‌ناوی “جامی سوپه‌ری ئه‌وروپا”.

به‌پێی زانیارییه‌کان، ئه‌م یانانه‌ تاوتوێ ئه‌وه‌یان کردووه‌ له‌ خولی ناوخۆی وڵاته‌کانیان به‌رده‌وام بن و له‌ خولی یانه‌ پاڵه‌وانه‌کان بکشێنه‌وه‌ وله‌به‌رامبه‌ردا به‌شداری پاڵه‌وانێتیه‌ نوێیه‌که‌ بکه‌ن، به‌وشێوه‌یه‌ش به‌ڵێنی پاره‌ی زیاتر و به‌شداریکردنی به‌رده‌وامیان بۆ ماوه‌ی ٢٠ ساڵ پێدراوه‌، به‌ڵام ئه‌م مه‌سه‌له‌یه‌ له‌لایه‌ن چه‌ندین یانه‌ی گه‌وره‌وه‌ ڕه‌تکرایه‌وه‌.

له‌م باره‌یه‌وه‌ ڕائول سانلیهی به‌ڕێوه‌به‌ری وه‌رزشیی ئارسیناڵ، ده‌ڵێت :” ده‌زانم له‌پێشودا چیم وتووه‌، به‌ڵێ، به‌شداری ئه‌و کۆبونه‌وانه‌مان کردووه‌، به‌شداریکردنیشمان به‌لایه‌نی که‌مه‌وه‌ بۆ زانینی ڕاستیه‌کان بووه‌، ده‌بێت بزانین له‌ چوارده‌ورمان چی ڕووده‌دات، به‌ڵام ئێمه‌ له‌ بارودۆخی خۆمان ڕازین له‌ خولی ئینگلیزی و پێشمان وایه‌ خولی یانه‌ پاڵه‌وانه‌کان باشترین خولی نێوده‌وڵه‌تیه، قورسه‌ له‌داهاتودا گۆڕانکاری گه‌وره‌ ڕووبدات، پێشم وایه‌ زۆرینه‌ی یانه‌کان به‌شێوه‌ی پێچه‌وانه‌ بیر بکه‌نه‌وه‌‌”.

لێدوانه‌کانی سانلیهی ڕاستی زانیاریه‌کانی “دێر شبیگل” ده‌رده‌خات، سه‌ره‌ڕای ئه‌وه‌ی له‌لایه‌ن چه‌ندین یانه‌وه‌ ڕه‌ت کراوه‌ته‌وه‌.

بەردەوام بە لە خوێندنەوە

جیهانی

ئه‌مشه‌و دیواری به‌رگری ئیتاڵیا ده‌چێته‌ پاڵ ئه‌فسانه‌کان و ده‌گاته‌ (یانه‌ی ژماره‌ ١٠٠)

خه‌ڵک سپۆرت

به‌شداریکردنی جۆرجیۆ کیلینی به‌رگریکاری ئیتاڵی له‌ڕووبه‌ڕوبونه‌وه‌ی ئه‌مشه‌وی هه‌ڵبژارده‌ی ئیتاڵیا به‌رامبه‌ر پورتوگال، بۆ یاریزانه‌که‌ واتایه‌کی مێژوویی ده‌گه‌یه‌نێت.

ڕۆژنامه‌ی “توتۆ سپۆرت”ی ئیتاڵی به‌ ژماره‌ و داتاوه‌ ئاشکرای کردووه‌، له‌ ١٧ نۆڤێمبه‌ری ٢٠٠٤ و له‌ته‌مه‌نی ٢٠ ساڵیدا جۆرجیۆ کیلینی به‌رگریکار بۆ یه‌که‌مجار به‌درێسی هه‌ڵبژارده‌ی ئیتاڵیاوه‌ به‌شداری یارییه‌ نێوده‌وڵه‌تیه‌کانی کردووه‌، له‌و ڕووبه‌ڕوبونه‌وه‌یه‌شدا وه‌ک شوێنگره‌وه‌ی ئه‌لیساندرۆ پاریزی به‌شداری کردووه‌.

له‌و ساته‌وه‌ تائێستا که‌ ماوه‌ی (١٤) ساڵی ته‌واو ده‌کات، کاپیتانۆی “سکوادرا ئازۆرا” توانیویه‌تی (٩٩) ڕووبه‌ڕوبونه‌وه‌ی نێوده‌وڵه‌تی به‌درێسی شینی ئیتاڵیاوه‌‌ ئه‌نجام بدات، ئه‌مشه‌و له‌ڕووبه‌ڕوبونه‌وه‌ی هه‌ڵبژارده‌ی پورتوگال ژماره‌ی به‌شداریکردنه‌کانی ده‌گه‌یه‌نێته‌‌ (١٠٠) و ده‌چێته‌ ڕیزی شه‌ش ئه‌فسانه‌که‌وه‌ که‌ پێکهاتون له‌:

  • جیانلویجی بوفۆن (١٩٩٧ – ٢٠١٨): ١٧٦ یاریی
  • فابیۆ کاناڤارۆ (١٩٩٧ – ٢٠١٠): ١٣٦ یاریی
  • پاولۆ ماڵدینی (١٩٨٨ – ٢٠٠٢): ١٢٦ یاریی
  • دانێلی دی ڕۆسی (٢٠٠٤ – ٢٠١٧): ١١٧ یاریی
  • ئه‌ندریا پێرلۆ (٢٠٠٢ – ٢٠١٥): ١١٦ یاریی
  • دینۆ زۆف (١٩٦٨ – ١٩٨٣): ١١٢ یاریی
بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان

دوایین