وەزارەتی پەروەردەی حكومەتی هەرێم بۆ مانگی ڕەمەزان بۆ هەر وانەیەك پێنج خولەك كەمدەكاتەوە و مامۆستایانیش دەتوانن تەنها لەكاتی هەبوونی وانەكاندا پابەندی دەوام بن.
سامان سیوەیلی، وتەبێژی وەزارەتی پەروەردەی حكومەتی هەرێم لە ڕاگەیاندراوێكدا بڵاویكردەوە، لە مانگی ڕەمەزاندا هەر وانەیەك ٥ خولەك كەمدەكرێتەوە.
ئاماژە بە ئەوەش دەكات، مامۆستایان بۆیان هەیە تەنها ئەو كاتانە لە قوتابخانە بن كە وانەیان هەیە ، ئەوكاتانەی كە وانەیان نییە بونیان لە قوتابخانە ئیلزامی نابێت.
لە ڕاگەیاندراوەكەدا ئەوەش هاتووە، خشتەی وانەكانی هەفتەی خوێندن نابێت هیچ گۆرانكارییەكی تێدا بكرێت لەلایەن دەستەی كارگێڕی ناوەندەكانی خوێندنەوە.
