![](https://xelk.org/wp-content/uploads/2024/03/awincity2.png)
شاندی حكومەتی هەرێمی كوردستان بۆ گفتووگۆكردن لەسەر بودجە و یاسای نەوت سەردانی بەغدا دەكات.
ئەمڕۆ شەممە، میدیا عیراقییەكان لە زاری سەرچاوەیەكەوە بڵاویانكردەوە”شاندی حكومەتی هەرێمی كوردستان بۆ گفتووگۆكردن لەسەر بودجەی 2023 و یاسای نەوت، سەردانی بەغدا دەكاتەوە”.
بە وتەی سەرچاوەكە”شاندەكەی حكومەتی هەرێم سبەینێ یەك شەممە بەرەو بەغدا بەڕێدەكەوێت و لەگەڵ حكومەتی فیدراڵ درێژە بە وتوێژەكان دەدات لەبارەی پرسەكانی مووچەی فەرمانبەرانی هەرێم و یاسای بودجە و پرۆژە یاسای نەوت و غاز”.
بۆ وەرگرتنی زانیاریی زیاتر لەو بارەیەوە (خەڵك) چەند جارێك پەیوەندی بە فارس عیسا بەرپرسی نوێنەراتی حكومەتی هەرێمی كوردستانەوە كرد لە بەغدا، بەڵام پەیوەندییەكان بێ وەڵام بوون.