ماجید لجماوی باڵیۆزی عیراق لە ئەنقەرەو ڕایدەگەیەنێت، 82 عیراقی بە دوو گەشتی وشكانی لە توركیاوە گێڕدرانەوە بۆ وڵات.
بەپێی بەیاننامەیەك كە لەلایەن لجماوییەوە بڵاوكرایەوە”82 هاووڵاتی عیراقی بە دوو گەشتی وشكانی گەڕێنرانەوە بۆ عیراق، یەكەمییان لە ناوەندی داڵدەدانی ئەنقەرەوە كە لە 20 هاووڵاتی عیراقی پێكهاتبوون و لە ناوچەی بومەلەرزەكەوە گوازرابوونەوە بۆ ئەنقەرە”.
بە وتەی باڵیۆزی عیراق لە توركیا”دووەم گەشت لە پارێزگای ئەدەنەوە بوو كە نزیكەی 62 هاووڵاتی عیراقی بوون، باڵیۆزخانەی عیراق پاسپۆرتی تایبەتی بۆ دەركردن، لەپێناو ئاسانكاری بۆ گەڕانەوەیان بۆ عیراق كە لەسەر خواستی خۆیان بوو”.
