پێشمەرگە دەستی بەسەر كۆگایەكی تەقەمەنیدا گرت

لەسنوری ناحیەی نەوجول هێزەكانی پێشمەرگە دەستیان بەسەر كۆگایەكی تەقەمەنی دا گرت.

وەزارەتی پێشمەرگە لە راگەیەندراوێكدا بڵاویكردووەتەوە، ڕۆژی‌ 5ی ئاداری 2023 دوای وەدەست خستنی زانیاری هەواڵگری لەلایەن فەوجی 2 ی لیوای 16ی پیادەی سەر بەوەزارەتی پێشمەرگە، لەسنوری ناحیەی نەوجول توانرا دەست بەسەر كۆگایەكی تەقەمەنی و چەندین گولە هاوەنی 120 ملم دابگیرێت.

وەزارەتەكە ئاماژەی بە ئەوەش كردووە، تیرۆریستان بەنیاز بوون ئەو تەقەمەنییانە بۆ كردەوەی تیرۆرستی بەكاربهێنن.