لەپەرلەمانی نەرویج كۆمیتەی دۆستایەتی كوردی و نەرویجی بە بەشداری نوێنەرانی چوار پارچەی كوردستان پێكهێندرا.
بەپێی زانیارییەكان، ئامانج لە پێكهێنانی ئەو كۆمیتەیە لەپەرلەمانی نەرویج بۆ بەرگریكردنە لە مافەكانی گەلی كورد و هەماهەنگیكردن لەوبارەیەوە.
بەپێی ئەو زانیارییانە، لە كۆمیتەی هاوكاری كوردی نەرویجیدا نوێنەری شەش پارتی نەرویجی بەشدارن لەوانە پارتی كرێكارانی دەسەڵاتداری ئەو وڵاتە و ئەندامێكی پەرلەمان لە فراكسیۆنی پارتەكە، سەرۆكایەتی كۆمیتەكە دەكات.
لە كۆمیتەكەدا پارتی كرێكاران، سۆسیالیست، پارتی لیبڕاڵەكان، پارتی سوور، مەسیحییەكان، گەشە و پێشكەوتن بەشدارن.
ئەو كۆمیتەیە بۆ كۆكردنەوە و گەیاندنی زانیاری لەبارەی كوردەوە بە پارتەكانی نەرویج و پەرلەمانی ئەو وڵاتە كار دەكات، تا بتوانن بەرگری لە مافەكانی گەلی كورد بكەن.
كۆمیتەكە لەدەرئەنجامی ڕاپەڕینەكانی ژینا ئەمینییەوە دروستبووە و لەچوارچێوەی پشتیوانییەكانی دەوڵەتانی ڕۆژئاوایە لە ژنانی كورد.
