جەعفەر ئیمنیكی بەرپرسی مەكتەبی پەیوەندییە گشتییەكان لە پارتی دیموكراتی كوردستان ڕایدەگەیەنێت، هەڵبژاردنی پەرلەمانی لەمساڵدا لە هەرێمی كوردستان ئەنجام دەدرێت و هیچ لایەنێكيش ناتوانێت ئاستەنگ لەبەردەم ئەنجامدانی پرۆسەكەدا دروستبكات.
ئەمڕۆ دوو شەممە، ئیمنیكی لە كۆنفرانسێكی ڕۆژنامەوانیدا ڕایگەیاند”هەڵبژاردن لە هەرێمی كوردستان لەمساڵدا ئەنجام دەدرێت”.
بە وتەی ئیمنیكی”پشتیوانی و هەماهەنگی هەیە بۆ ئەنجامدانی هەڵبژاردن، نێچیرڤان بارزانی سەرۆكی هەرێمیش بۆ ئەو مەبەستە لەگەڵ لایەنە سیاسییەكان كۆدەبێتەوە”.
ئیمنیكی دەڵێت”هیچ لایەنێك ناتوانێت ئاستەنگ لەبەردەم ئەنجامدانی هەڵبژارن لەمساڵدا لە هەرێم دروستبكات”.
