سێیەمین پێشانگای تەکنەلۆژی لە سلێمانی کرایەوە


سێیەمین پێشانگای نێودەوڵەتی تەکنەلۆژی بە هاوکاری قوباد تاڵەبانی کرایەوە، تێیدا زیاتر لە ٧٠ پڕۆژەی گەنجانی کورد نمایشکرا، قوباد تاڵەبانی ڕایگەیاند، ئێستا لەڕێگای سیستمی ئەلیكترۆنییەوە كاروباری فەرمانگەكان و خاڵە سنوورییەكان بەرەوپێشچوونی بەخۆیەوە بینیووە.

ئەمڕۆ لە پێشانگای نێودەوڵەتی سلێمانی لە تاسڵوجە سێیەمین پێشانگای تەکنەلۆژی بە ناوی “تێک فەیس” کرایەوە، کە زیاتر بە٧٠ پڕۆژە و داهێنانی تەکنەلۆژی نمایشکرا، بۆ ماوەی سێ ڕۆژ بەردەوام دەبێت.

خاوەن بیرۆکەکان زۆرینەیان دەرچووی بەشە تەکنەلۆژییەکانی زانکۆکان بوون، گەنجەکان لە هەر چوار پارچەی کوردستانەوە بەشدارییان کردووە، چەندین بیرۆکەی جیاواز و سەرنجڕاکێشیان نمایشکرد.

قوباد تاڵەبانی، جێگری سەرۆکی حکومەتی هەرێمی کوردستان لە میانەی بەشداری لەپێشانگاکە ڕایگەیاند، ئەم پێشانگایانە هاندانێكی باشە بۆ توانای گەنجان و بەدەرخستنی وزە و داهێنانەکانیان، چونکە گەنجان داینەمۆی داهێنانن لە كوردستان، ئایندەی كوردستان، بازاڕ، حوكمڕانی، ئاسایش و ئابوری بەندە بە تەكنۆلۆژیاوە.

قوباد تاڵەبانی ئاماژەی بەوەشکرد، ئێستا لەڕێگای سیستەمی ئەلیكترۆنییەوە كاروباری فەرمانگەكان، خاڵە سنوورییەكان و تەنانەت پەیوەندییەكانیشمان بەرەوپێشچوونی بەخۆوە بینیوە، بە نمونە بایۆمەتری هەوڵێكی سەركەوتووبوو بۆ تۆماركردن و زانینی ڕێژەی فەرمانبەران و مووچەكانیان، ئێستا قۆناغی دووەمی بایۆمەتری دەستیپێکردووە، یەكێك لە گرنگترین کارەکان دابەشكردنی مووچەیە بە ئۆنڵاین.

دەشڵێت “داهاتی نەوت ئێمەی تەمەڵ كردووە و بووەتە نەخۆشی بۆمان، وایكردووە گرنگی كەرتەكانی دیكەمان بیربچێتەوە، بۆیە كاتی ئەوە هاتووە چارەسەری ئەو نەخۆشییە بكەین و گرنگی زیاتر بە كەرتەكانی كشتوكاڵ، گەشتوگوزار و توانای گەنجەكانمان لەبواری تەكنۆلۆژیا بدەین “.

لە تارمیە شەڕ لەنێوان سوپای عیراق و داعش بەردەوامە
پێشت لە تارمیە شەڕ لەنێوان سوپای عیراق و داعش بەردەوامە
نەرمین مەعروف بۆ (خەڵك): بەمشێوەیە ناكۆكییەكانی نێوان هەرێم و بەغدا چارەسەردەبن
دواتر نەرمین مەعروف بۆ (خەڵك): بەمشێوەیە ناكۆكییەكانی نێوان هەرێم و بەغدا چارەسەردەبن
پەیوەندیدار