وەزارەتی سامانە سروشتییەكانی حكومەتی هەرێم ڕایدەگەیەنێت، قۆناغی دووەمی دابەشكردنی نەوت لە دەورووبەری شارەكان دەستی پێكرد.
وەزارەتی سامانە سروشتییەكانی هەرێم لە ڕاگەیەنراوێكدا ئاماژەی بەوەكردووە، دابەشكردنی نەوتی سپی لە ناوچە شاخاوییەكان كۆتاییهات و زیاتر لە 64 ملیۆن لیتر نەوتی سپی بەسەر 321 هەزار و 138 خێزان دابەشكرا.
ڕاشیگەیاندووە، دوای بە كۆتاهاتنی ناوچە شاخاوییەكان، هەنگاوی دووەمی دابەشكردنی نەوتی سپی لە ناوچەكانی دەورووبەر دەستیپێكرد.
ئاشكراشی كرد، تا ئێستا نزیكەی 2 ملیۆن لیتر بەسەر زیاتر لە 8 هەزار و 500 خێزاندا دابەشكراوە و پڕۆسەكەش بەردەوامە.
ئەمە لەكاتێكدایە، كە هەموو ساڵێك لەگەڵ هاتنی وەرزی پاییز و پێش دەسپێكردنی سەرما حكومەتی هەرێم بڕیار دەدات بەرمیلێك نەوت بدات بە هاووڵاتیان، بەڵام ساڵانە تەنها لە ناوچە شاخاوییەكان دابەش دەكرێت و ماوەی چوار ساڵ دەبێت نەوت لە ناو شارەكان بەتەواوی دابەش نەكراوە و ساڵانە چەند مەڵبەندێك لەناو شارەكان نەوت وەردەگرن و ئەمساڵیش، كە مانگێكی ماوە بۆ وەرزی بەهار هێشتا لەناو شارەكان نەوت دابەش نەكراوە.
