ئێمە لە تۆرە کۆمەڵایەتیەکان

کوردستان

پیرانشار: تێكەهەڵچوون لە نێوان پێشمەرگە و پاسداراندا رووی دا

خەڵك – بەشی هەواڵ
شەوی 3ی پوشپەڕ لە نێوان هێزەكانی پێشمەرگەی حزبی دیموكراتی كوردستانی ئێران و هێزەكانی سوپای پاسدارانی كۆماری ئیسلامی ئێران تێكهەڵچوون رووی دا.

بەپێی راگەیەندراوی فەرماندەیی هێزی پێشمەرگەی حزبی دیموكراتی كوردستانی ئێران، لە شاخەكانی پشتی زێوە و كۆنەلاجانی پیرانشاری رۆژهەڵاتی كوردستان هێزەكانی سوپای پاسداران هێرشیان كردووەتە سەر كۆمەڵێك پێشمەرگەی حزبی دیموكرات كە لە ئەركی خۆیاندا بوون.

بەپێی راگەیەندراوەكە، سوپای پاسداران كوژراو و بریندارێكی زۆری هەیە و پێشمەرگەیەكیش كوژراوە.

تاكو ئێستا لایەنە فەڕمییەكانی كۆماری ئیسلامی ئێران لەبارەی ئەم تێكهەڵچوونە روونكردنەوەیان نەداوە.

پێشتریش چەند تێكهەڵچوونێك لە ناوچە جیاوازەكانی رۆژهەڵاتی كوردستان لە نێوان پێشمەرگە و پاسداران دا روویانداوە.

سەفین دزەیی وتەبێژی حكومەتی هەرێمی كوردستان چەند رۆژی رابردوو لە چاوپێكەوتن لەگەڵ ئاژانسی
تەسنیم-ی ئێراندا رایگەیاندبوو “هەرێم و ئێران لیژنەیەكی هەماهەنگیان دروستكردووە بۆ دژایەتی كردنی گروپە چەكدارەكان و ئاگاداركراونەتەوە كە رێگەیان پێنادەین كە خاكی ئێمە بەكاربهێنن بۆ دژایەتیكردنی ئێران و توركیا”.

راگەیەندراوی فەرماندەیی هێزی پێشمەرگەی كوردستان

بۆ ئاگاداری كۆمەڵانی خەڵكی كوردستان رادەگەیەنین كە لە درێژەی كار و چالاكی و بەڕێوەبردنی ئەركەكانی هێزی پێشمەرگەی كوردستان لە ناوچەی پیرانشار، شەوی ١٣٩٧/٤/٣ دەستەیەك لە پێشمەرگەكانی هێزی پێشمەرگەی كوردستان كە لە حاڵی بەجێ گەیاندنی ئەركەكانیان بوون، لە شاخەكانی پشتی زیوە و كۆنە لاجانی سەر بە پیرانشار لە لایەن هێزە دژی گەلیەكانی رێژیمەوە دەكەونە بەر دەسرێژی چەك و پەلاماری هێزی رێژیمی دژە گەلی كۆماری ئیسلامی، پاش شەڕ و پێكدادانێكی زۆر و ئاگربارانی تۆپخانەكانی رێژیم لەو شوێنە، دوژمن بە كوژراو و بریندارێكی زۆرەوە تێك شكا، لەو پێوەندییەدا رێژیم كوژراوێكی خۆی بە ناوی ستوان دوو محمد هاشمی و بریندارێك بە ناوی كسری عبدالعلیزادە راگەیاندووە. پاش كۆتایی شەڕەكە پێشمەرگەكان درێژەیان بە تێكۆشانی خۆیان دا . لەو شەڕەدا بەداخ و كەسەرێكی گرانەوە پێشمەرگەی ئازا و چاو نەترس هاوڕێ “سامان حەسەن پوور” ناسراو بە سامان شێوەسەڵی شەهید و تێكەڵ بە كاروانی شەهیدانی ڕاسان بوو.

پوختەیەك لە ژیان و بەسەرهاتی شەهید سامان شیوەسەڵی

هاوڕێ سامان حەسەن‌پوور كوڕی محەممەد لە ساڵی ١٣٦٧ی هەتاوی لە بنەماڵەیەكی كوردپەروەر لە شاری سەردەشت لە دایك بووە، لە تەمەنی ٧ ساڵیدا دەست بە خوێندن دەكات و هەتا ساڵی ١٣٨٨ فەوق دیپلۆم وەر دەگرێ. ناوبراو هەر لە تەمەنی مێرمنداڵییەوە هۆگری كوردایەتی و نیشتمانپەروەری دەبێت، لە ساڵی ١٣٨٥ی هەتاوی بە هۆی بەستنی پشتوێنی ئاڵای كوردستان لە لایەن ئیدارەی ئیتلاعاتی سەردەشتەوە دەگیردرێت و ماوەی ٧ مانگ زیندانی بۆ دەبڕدرێتەوە، هەتا ئەوەی لە ساڵی ١٣٩٥ی هەتاوی پەیوەست بە ڕیزی پێشمەرگەكانی كوردستان دەبێ. هاوڕی سامان بە هۆی لێهاتووی و ئازایەتی پلەكانی بەرپرسایەتی نیزامی تێپەڕاند و لە سازماندەیی نوێ‌دا بوو بە فەرماندەی یەكێك لە لكەكانی هێزی پێشمەرگەی كوردستان.

سڵاو لە گیانی پاكی شەهیدی تازەمان سامان حەسەن‌پوور و سەرەخۆشی لە بنەماڵە و كەسوكاری بەڕێزیان دەكەین.

حیزبی دێموكراتی كوردستانی ئێران

فەرماندەیی هێزی پێشمەرگەی كوردستان

٣ی پووشپەڕی ١٣٩٧ی هەتاوی

٢٠١٨/٦/٢٤ی زایینی

کوردستان

دانیشتنێكی دیكەی دادگاییكردنی دەمیرتاش بەڕێوەچوو

خەڵك- بەشی هەواڵ

دوێنێ پێنج شەممە دادگایەكی دیكەی سەڵاحەدین دەمیرتاش هاوسەرۆكی پێشووی پارتی دیموكراتی گەلان (هەدەپە) لە لایەن نۆزدەهەمین دادگای سزا قورسەكانی ئەنقەرەوە بەڕێوەچوو.

سەڵاحەدین دەمیرتاش لە دانیشتنی دادگاییكردنیدا رایگەیاند “دادگایەك ناتوانێت لە بەرانبەر من وەها ڕەفتار بكات. ئەگەر ئێوە دان بە بڕیاری دادگای مافی مرۆڤی ئەورووپادا نانێن، دەتوانن بەئاشكرا بڵێن بڕیارەكەی دادگای مافی مرۆڤی ئەورووپا پەیوەندی بە ئێمەوە نییە. هەر نەبێ بڕیاری ئەوەتان نەدابوایە كە بێلایەنن یان لایەنگر”.

لە دادگاییكردنەكەدا سەزای تەمەللی هاوسەرۆكی گشتیی هەدەپە و چەندین پەرلەمانتاری هەدەپە ‌و دەیان پارێزەری دۆسیەی دەمیرتاش ئامادە بوون. لە شاندە بیانییەكانیش تەنیا ڕێ بە ٥ كەس درا ئامادەی دانیشتنەكە بن و بە بیانووی جۆراوجۆر ڕێگری لە ٦ كەسیان كرا. هەروەها ڕێگە بە ڕۆژنامەوانان نەدرا دەربازی هۆڵی دانیشتنەكە بن، تەنیا ڕێ بەو ڕۆژنامەوانانە درا كە كارتی زەردیان هەیە.

دەستەی دادگا لە دانیشتنی دوانیوەڕۆیدا بڕیاری دا دەمیرتاش بە زیندانی كراوی بمێنێتەوە و دانیشتنەكەشی بۆ ٢٣-٢٤-٢٥ی كانوونی دووەمی ٢٠١٩ دواخست.

بەردەوام بە لە خوێندنەوە

کوردستان

داوای قەدەغەكردنی راوی ریشۆڵە دەكرێت

سلێمانی ـ نزار جەزا

ڕیشۆڵە یەكێكە لەباڵندە گرنگەكان بۆ ڕاگرتنی هاوسەنگی ژینگە و زەوییە كشتوكاڵییەكان، ڕێكخراوێكی بواری كشتوكاڵیش داوادەكات لایەنە پەیوەندیدارەكان هاوكاربن بۆ كەمكردنەوەی ڕاوكردنی ڕیشۆڵە.

ڕۆژیار سیروان سەرپەرشتیاری رێكخراوی گروپی كشتوكاڵی ARD، بە(خەڵك)ی ڕاگەیاند، بەڕاوكردنی ڕیشۆلە هاوسەنگی ژینگە تێكدەچێت و دەردە كشتوكاڵییەكان لەناو كێڵگەدا دروستدەبێت، بەجۆرێك لەپاش كێڵانی زەوی، مێرووە زیانبەخشەكانی ناو خاكەكە دێنە سەر خاكەكە و ڕیشۆڵە ئەم مێرووانە دەخوات، بەڵام ئەگەر ڕیشۆڵە نەبێت، دووبارە ئەم مێرووانە دەچنەوە ناو خاكەكە و زیان بە خاكەكە و بەروبومی خاكەكە دەگەیەنن.

ئاماژەی بەئەوەشدا، لەئەنجامی ئەمەدا نەخۆشییە كشتوكاڵییەكان زیاد دەكات، لەبەرامبەر ئەم نەخۆشییانەدا جوتیار قڕكەرە كیمیاییەكان بەكاردەهێنێت، ئەم قڕكەرەكەش لەبازاڕدا بەنرخێكی هەرزان دەفرۆشرێت و زیانی زۆری هەیە.

زیاتر ڕوونیكردەوە، یەكێك لەو مادە كیمیاییە قڕكەرانە مادەی دیازینۆنە، كە لەجیهاندا قەدەغە كراوە، چونكە هۆكارە بۆ دروستبوونی نەخۆشی شێرپەنجە، هاوكات ئەم مادەیە لەتوانایدایە بۆ ماوەی دە ساڵ لەخاكدا دەمێنێتەوە و لەكاتی باران باریندا ڕۆدەچێتە خوارەوە بۆ ناو ئاوی ژێر زەوی و پیسی دەكات.

ناوبراو داواشیكرد، چیتر ڕیشۆڵە ڕاونەكرێت و لەگەڵ لیژنەكانی قائیمقامیەت و لایەنە پەیوەندیدارەكان لەهەماهەنگیدان بۆ ئەوەی ڕێگری بكەن لە ڕاوكردنی ڕیشۆڵە.

وتیشی:”بەپێی یاسا ڕاوكردنی هەر ڕیشۆڵەیەك غەرامەكەی 100 هەزار دینارە”.

بەردەوام بە لە خوێندنەوە

کوردستان

لە سلێمانی نۆرینگەیەك و دەرمانخانەیەك داخران

خەڵك- بەشی هەواڵ
بەهۆی نەبونی مۆڵەت و بە نایاسایی كاركردن، لیژنەی تەندروستی سەر بە لیژنە هاوبەشەكانی قائیمقامیەتی سلێمانی نۆرینگەیەك و دەرمانخانەیەك دادەخات.

گۆران قادر، سەرۆكی لیژنە هاوبەشەكان لە راگەیەندراوێكدا رایگەیاند “لە ئەنجامی پشكنینە بەردەوامەكانی لیژنەی هاوبەشی تەندروستی بۆ دەرمانخانە و نۆرینگە و تاقیگە پزیشكیەكان، بەهۆی پابەند نەبونیان بە مەرج و رێنماییەكانی كاركردن نۆرینگەی جەمال و دەرمانخانەی رێنما لەشاری سلێمانی دادەخرێن”.

وتیشی “نۆرینگەی جەمال لە گەڕەكی كانی كوردەی شاری سلێمانی پێشتر پسوڵەی بۆكراوە و ئاگاداركراوەتەوە پابەندی ئەو (18) جۆر دەرمانەی سەندیكای دەرمانسازان ‌بۆی دیاریكردون بێت و جۆری زیاتر لە دەرمانخانەكەیدا نەبێت، بەڵام بەهۆی سەرپێچیەوە بڕیاری داخستنی شوێنەكە دراوە”.هەروەها وتی “سەرپێچی دەرمانخانەی رێنما لە گەڕەكی تاڤگە نەبونی مۆڵەتی كاركردنە، بەپێی یاسا رێگە بەو شوێنانە نادرێت بێ مۆڵەت كاربكەن، بۆیە شوێنەكە دادەخرێت تا ئەوكاتەی مۆڵەتی كاركردن تەواودەكات”.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان

دوایین