![](https://xelk.org/wp-content/uploads/2024/03/awincity2.png)
لە ئەنجامی هێرشێكی چەكداریدا لە شاری نسێبینی سەر بە پارێزگەی مێردینی باكووری كوردستان چوار كەس كوژران.
بەپێی زانیارییەكان، لە شاری نسێبینی سنووری پارێزگەی مێردینی باكووری كوردستان كەسێك هێرشی سەر ئۆتۆمبێلێكی كردووە و دەسڕێژی گولەی لێكردووە.
لە ئەنجامی ئەو ڕووداوەدا چوار كەس كوژراون و كەسێكی دیكەش بریندار بووە.
بەپێی ئەو زانیارییانە، قوربانییەكان لە بنەماڵەیەكن و خەڵكی شاری دهۆكی باشووری كوردستانن.
تا ئێستا هۆكاری ئەو هێرشە ڕووننەكراوەتەوە و پۆلیس لێكۆڵینەوەی دەستپێكردووە.
تا ئێستا هیچ لایەنێكی فەڕمی نە لە توركیا و نە لە باشووری كوردستان لێدوانیان لەبارەی ئەو ڕووداوەوە نەداوە.
لە ماوەی ڕابردووشدا چەند جارێك هاووڵاتیانی باشووری كوردستان لە باكووری كوردستان و توركیا ڕووبەڕووی هێرش و پەلامار بوونەتەوە.