ئێمە لە تۆرە کۆمەڵایەتیەکان

ئابوری

هاوڵاتیان لەبری مریشك ڕوو لە كڕینی ماسی دەكەن
خەڵك؛ بەدواداچوون بۆ شیاوی خواردنی ماسی سەر شەقامەكان دەكات

خەڵك – بەشی هەواڵ
جێگری بەڕێوەبەری كشتوكاڵی سلێمانی ڕایدەگەیەنێت، ڕێكارەكانی فرۆشتنی ئەو خواردەمەنیانەی لەسەر شەقامەكان دەفرۆشرێت تەندروست نیە، دەشڵێت: “زۆربەی ئەو ماسیەی لەسەر شەقامەكان دەفرۆشرێت لە كەركوك و بەعقوبە هاوردە دەكرێت و هەندێكی لە بەرهەمی حەوزەكانی ناوخۆیە”.

ڕزگار حەمەد خدر، جێگری بەڕێوەبەری كشتوكاڵی سلێمانی بە (خەڵك)ی ڕاگەیاند، ئەو ماسیەی لەسەر شەقامە سەرەكیەكانی سلێمانی دەفرۆشرێن، زۆربەی زۆریان لە حەوزەكانی كەركوك و بەعقوبەوە هاوردە دەكرێن لەگەڵ ئەوەشدا هەندێكی بەرهەمی حەوزەكانی ناوخۆی هەرێمن.

وتیشی، “ئەو ماسیانە بە كوالێتی كۆنتڕۆڵدا تێپەڕ دەبن و پشكنینیان بۆ دەكرێت و بۆ خواردن شیاون، بەڵام ڕێكارەكانی فرۆشتنی ئەو خواردەمەنیانەی لەسەر شەقامەكان دەفرۆشرێت تەندروست نیە، وەك ماسی و مریشك و خورما و لەفە و زۆرێك لە شتی دیكە، كە خۆڵ و تەپوتۆز و دووكەڵی بەسەرەوە دەنیشێتەوە”.

ڕاشیگەیاند، هەندێك لەو ماسیە فرێشانەی لەسەر شەقامەكان دەفرۆشرێن لە ئاوەكانی مازندەرانی باكوری ئیرانەوە لە سنورەكانەوە بە كوالێتی كۆنتڕۆڵدا هاوردە دەكرێن و بۆ خواردن شیاون.

لە ئێستادا بەهۆی بەرزی نرخی گۆشتی سوور و بەرزبوونەوەی گۆشتی مریشك هاولاتیان ڕوویان لە كڕینی ماسی كردووە بەو پێیەی نرخەكەی تا ڕادەیەك جێگیرە.

هاوڵاتیەك لە كاتی كڕینی ماسی لە سەر شەقامی بازنەیی مەلیك مەحمود لە یەكێك لە ماسی فرۆشەكان بە (خەڵك)ی ڕاگەیاند، لەبری ئەوەی بڕی نزیكەی 3 هەزار و نیو بدەم بە مریشكی زیندوو، كە لە دوای پاك كردنی كێشەكەی زۆر كەم دەكات، كیلۆیەك ماسی بە هەمان نرخە و لە ڕووی تەندروستییەوە باشتریشە، بۆیە ماسی دەكڕم.

وتیشی، “بەشێكی زۆری هاوڵاتیان وەك دەبینرێت ڕوویان كردۆتە سەر كڕینی ماسی”.

ئابوری

بانگەواز بۆ بەشداری هاوڵاتیان دەكرێت
ڕێپێوان دژی نەبوونی نەوت و بڕینەوەی دارستانەكان دەستپێدەكات

خەڵك- بەشی هەواڵ
بەهۆی دابەشنەكردنی نەوت لەلایەن حكومەتی هەرێمەوە و بڕینەوەی دارستانەكان، ڕێپێوان لە پێنجوێنەوە تا بەردەم پارێزگای سلێمانی دەستپێدەكات و ڕێكخراوێكی ژینگەپارێز-یش بانگەواز بۆ بەشداری هاوڵاتیان دەكات.

ڕێكخراوی ملەكەوە بۆ پاراستنی ژینگە لە هەژماری خۆی لە فەیسبووك لە ڕاگەیەنراوێكدا ئاماژەی بەوەكردووە، “سبەی كاتژمێر (٤:۳٠ بۆ ۵:٠٠)ی ئێوارە بەڕێدەكەوین بەپێ لە پێنجوێنەوە بۆ بەردەم بینای پارێزگاری سلێمانی بەمەبەستی دابینكردنی نەوت، چونكە دارستانەكان بوونەتە قوربانی ئەم كەمتەرخەمییەی حكومەت”.

دەشڵێت: “هاوڵاتیانی ئازیز ئێمە لە خۆشی سەری خۆمان نییە ئەم خەمە لەكۆڵ دەنێین و ملی ڕێ دەگرین، بەڵكو خەمی بەرژەوەندی گشتییە ئەویش پاراستن و مانەوەی درەخستانەكانە”.

ڕێكخراوی ملەكەوە بۆ پاراستنی ژینگە بانگەوازیشی كردووە، “ئەگەر دڵسۆز و خەمخۆرن ئەوا سبەی هاوسەفەرمانبن، تا هەمووان پێكەوە سكاڵا و ناڕەزایی خۆمان بگەیەنینە شوێنی خۆی”.

ئاشكراشی كردووە، هەر كەسێك ویستی هاوسەفەرمان بێت بۆ زانیاری پەیوەندی بكات بەم ژمارە مۆبایلانەوە (٠۷۵٠۱۱۲٦٠٦۲ یان
٠۷۵٠۱۸٤۷٠۵۷) و دەشڵێت: “شوێنی كۆبوونەوەمان: بازاڕی خوارەوە-ترافیكەكە!”.

سبەی کاتژمێر(٤:۳٠بۆ۵:٠٠)ی ئێوارە بەڕێدەکەوین بەپێ لە پێنجوێنەوە بۆ بەردەم بینای پارێزگاری سلێمانی،بەمەبەستی دابینکردنی…

Posted by ‎رێكخراوی ملەكەوە بۆ پاراستنی ژینگە‎ on Saturday, October 20, 2018

بەردەوام بە لە خوێندنەوە

ئابوری

سبەینێ‌ مووچەی چەند وەزارەتێك دابەشدەكرێت

خەڵك- بەشی هەواڵ
ماوەی 16 ڕۆژە دابەشكردنی مووچەی مانگی تەمموزی فەرمانبەران و هێزە سەربازی و ئەمنییەكان دەستی پێ كردووە و بڕیارە لەم هەفتەیەدا بە پێدانی مووچەی سێ‌ سەرۆكایەتییەكە و خانەنشینان كۆتایی بە دابەشكردنی مووچە بهێنرێت.

سەرچاوەیەك لە وەزارەتی دارایی و ئابووری حكومەتی هەرێم بۆ (خەڵك) ڕایگەیاند، ڕۆژی یەك شەممە 21ی تشرینی یەكەمی 2018 مووچەی مانگی تەمموزی هەریەكە لە وەزارەتەكانی (پیشەسازی و بازرگانی و ڕۆشنبیری و لاوان و ئاوەدانكردنەوە و ڕێگەوبان) دابەش دەكرێت.

ئاشكراشی كرد، ڕۆژی دوو شەممە مووچەی سەرجەم دامەزراوەكانی دیكە و سێ‌ سەرۆكایەتییەكەی هەرێم دابەش دەكرێت.

بە وتەی ئەو سەرچاوەیە، لە كۆتایی ئەم هەفتەیە مووچەی خانەنشینانی سەربازی و شارستانی دابەش دەكرێت.

بەردەوام بە لە خوێندنەوە

ئابوری

دابەشكردنی نەوت دەستپێدەكاتەوە

خەڵك – بەشی هەواڵ
لیژنەی سەرپەرشتی دابەشكردنی نەوت لە پارێزگای هەڵەبجە ڕایدەگەیەنێت، بەهۆی دابەشكردنی نەوت لە ناوچەی هەورامان بۆ ماوەی دوو ڕۆژ لەناو پارێزگاكە دابەشكردنی نەوت ڕادەگیرێت، دەشڵێت: “كۆتایی هەفتە دابەشــكردنی نەوت لە ناو هەڵەبجە دەستپێدەكاتەوە”.

لیژنەی سەرپەرشتی دابەشكردنی نەوت لە هەڵەبجە لە ڕاگەیەنراوێكدا، كە وێنەیەكی دەست (خەڵك) كەوتووە ڕایگەیاندووە، پێشتر بڵاوكرایەوە ڕۆژی یەك شەممە 21ی تشرینی یەكەم دەست بە دابەشكردنی نەوت لە ناو شاری هەڵەبجە دەكرێتەوە، بەڵام بۆ كۆتایی هەفتە دوادەكەوێت.

دەشڵێت: “دواكەوتنی دابەشكردنی نەوت لە ناو سەنتەری شارەكە بەهۆی دابەشكردنی بەشە نەوتە لەناوچەی هەورامان و ڕۆژی چوار شەممە لە هەڵەبجە دەستپێدەكاتەوە”.

جەختیشی كردۆتەوە، دانیشتوانی ناوچەی هەورامان بە پێی ئەم خشتەیە نەوت وەردەگرن، “ڕۆژانی دوو شەممە و سێ شەممە نەوت لە تەوێڵە و بیارە دابەشدەكرێت”.

بە پێی زانیاریەكان، لە پارێزگای هەڵەبجە زیاتر لە 6 هەزار خێزان بەشە نەوتیان وەرگرتووە و بەشێكی دیكەی ماوە نەوت وەربگرێت.

بەردەوام بە لە خوێندنەوە
حکومەتی داهاتووی هەرێمی کوردستان دەتوانێت خزمەتی هاوڵاتیان بکات؟

کوردستان

دوایین