ئێمە لە تۆرە کۆمەڵایەتیەکان

کوردستان

دان دەنێت بە پاشەكشەی حزبەكەی
سەركردایەتی یەكگرتوو دوابڕیاری لەسەر ئەنجامی هەڵبژاردن ڕاگەیاند

خەڵك – بەشی هەواڵ
ئەنجومەنی سەركردایەتی یەكگرتووی ئیسلامی كوردستان ئەنجامە بەراییەكانی هەڵبژاردن ڕەتدەكاتەوە و ڕایدەگەیەنێت، هەموو پێكەوە بە گوڕ و تینەوە پێشوازی لە قۆناغی نوێ دەكەین و ئەرك و بەرپرسیاریەتیەكان جێبەجێ بكەین.

ئەنجومەنی سەركردایەتی یەكگرتووی ئیسلامی كوردستان بەیاننامەی كۆتایی كۆبونەوەی خۆی بڵاوكردەوە و ڕایگەیاندووە، كۆبونەوە بڕیاریدا بە ڕەتكردنەوەی دەرئەنجامە سەرەتاییە ڕاگەیەنراوەكانی هەڵبژاردنەكە، بەهۆی ئەو هەموو پێشێلكاری و ساختەكاریانەی ڕووبەڕووی پڕۆسەكە بووەتەوە.

بەپێی بەیاننامەكە، كە وێنەی دراوە بە (خەڵك) ئەنجومەنی سەركردایەتی یەكگرتوو دەشڵێت:”سەبارەت بە بژاردەكانی بەردەم یەكگرتوو بۆ مامەڵەكردن لەگەڵ دەرئەنجامەكانی كۆتایی هەڵبژاردنەكان، هەر لە بایكۆتكردنی تێكڕای پڕۆسەی سیاسی یان هەر هەڵوێستێكی دیكە ئەگەری كراوە دەبن”.

جەختیشی كردۆتەوە، سەركردایەتی یەكگرتوو ڕاشكاوانە دان دەنێت بەو پاشەكشە نەخوازراوەدا و ئامادەیە بۆ لە ئەستۆگرتنی هەر بەرپرسیارێتیەك لەو بارەیەوە ڕووی تێبكات.

دەقی بەیاننامەكە:

بسم الله الرحمن الرحیم
بەلاغی كۆبوونەوەی نائاسایی
ئەنجومەنی سەركردایەتی یەكگرتووی ئیسلامی كوردستان
دوێنێ‌ شەممە 6/10/2018 ئەنجومەنی سەركردایەتی یەكگرتووی ئیسلامی كوردستان بە ئامادەبوونی بەرێز مامۆستا سەلاحەدین محەممەد بەهائەدین ئەمینداری گشتی و بەسەرپەرشتی بەرێز مامۆستا سەعید عەلی عەبۆ سەرۆكی ئەنجومەنی سەركردایەتی كۆبوونەوەیەكی نائاسایی سازكرد بە مەبەستی تاوتوێكردن و هەڵسەنگاندنی پرۆسەی هەڵبژاردنی پەرلەمانی كوردستان كە لە 30/9 دا ئەنجام درا ..
سەرەتا كۆبوونەوە سوپاس و پێزانینی خۆی ئاراستەی سەرجەم رێكخستنەكان و ئۆرگانەكانی حیزب و كاندیدە بەرێزەكان و دەنگدەرانی لیستی ( بەرەو ئیصلاح ) كرد و هەوڵ و ماندووبوونەكانیانی بەرزنرخاند.
پاشان كۆبوونەوە هەڵوەستەی كرد لەسەر ئەنجامە بەراییە راگەیەنراوەكان و نیگەرانی خۆی دەربڕی بەرانبەر ئەو پێشێلكاری و ساختەكاریانەی كە لایەنەكانی دەسەڵات ئەنجامیان داوە و بووەتە هۆی ناشیرنكردنی پرۆسەكە و زیادكردنی رێژەی دەنگی لایەنەكانی دەسەڵات بە شێوەیەكی نایاسایی و دوور لە پێوەرەكانی دیموكراتی و مافەكانی مرۆڤ .
لەوبارەیەوە كۆبوونەوە بڕیاریدا بە رەتكردنەوەی دەرئەنجامە سەرەتاییە راگەیێنراوەكانی هەڵبژاردنەكە، بەهۆی ئەو هەموو پێشێلكاری و ساختەكاریانەی كە رووبەرووی پرۆسەكە بووەتەوە.
لە تەوەرەیەكی تردا كۆبوونەوە راوەستا لەسەر دابەزینی رێژەی دەنگەكانی یەكگرتووی ئیسلامی كوردستان بە شێوەیەكی چاوەڕواننەكرا و، لەو بارەیەوە كۆبوونەوە رایگەیاند كە سەركردایەتی یەكگرتوو راشكاوانە داندەنێت بەو پاشەكشە نەخوازراوەدا و ئامادەیە بۆ لە ئەستۆگرتنی هەر بەرپرسیارێتیەك لەو بارەیەوە رووی تێبكات .
بۆئەو مەبەستە سەركردایەتی بڕیاریدا هەموو هەوڵەكانی بخاتە گەڕ بۆ چارەسەركردنی دەرهاویشتەكانی ئەم پاشەكشەیە و ئەنجامدانی گۆڕانكاری پێویست لە تێكڕای ئۆرگانە حیزبیەكان و دانانی پلانی پێویست بۆ بەخۆداچوونەوە و خۆنوێكردنەوە و تێپەڕاندنی ئەم قۆناغە خراپە و گرێدانی كۆبوونەوەی گشتی لە زووترین كاتدا .
سەبارەت بە بژاردەكانی بەردەم یەكگرتووی ئیسلامی كوردستان بۆ مامەڵەكردن لەگەڵ دەرئەنجامەكانی كۆتایی هەڵبژاردنەكان، هەر لە بایكۆتكردنی تێكڕای پرۆسەی سیاسی یان هەر هەڵوێستێكی تر، كۆبوونەوە بڕیاریدا بە ئەنجامدانی ئەو رێكارانەی كە لە پێرەوی ناوخۆی حیزبدا دیاریكراوە و هەرچی زووە بڕیار و هەڵوێستی رۆشن لەو بارەیەوە رابگەیەنێت .
لەكۆتاییدا كۆبوونەوە داوای كرد كە رێكخستنەكان و ئۆرگانەكانی حیزب هەموو پێكەوە بە گوڕ و تینەوە پێشوازی لە قۆناغی نوێ بكەین و ئەرك و بەرپرسیاریەتیەكان جێبەجێ بكەین و بەشكۆ و هیمەتی بەرزەوە پەیام و ئامانجەكانی یەكگرتوو بە ئەنجام بگەیەنین.

کوردستان

کۆمسیۆن ناوی کاندیدە دەرچووەکانی ھەڵبژاردنی ڕاگەیاند

خەڵک-

پاش ڕاگەیاندنی ئەنجامی کۆتایی ھەڵبژاردن. کۆمیسیۆنی هەڵبژاردن و راپرسی هەرێمی کوردستان ناوی سەرجەم کاندیدە دەرچووەکانی بۆ پەرلەمانی کوردستان ڕاگەیاند.

وەک ئەوەی کۆمسیۆن ڕایگەیاند. ئەو ١١١ کاندیدەی گەشتوونەتە پەرلەمان. ئەم ناوانەن:

کاندیدە دەرچووەکانی پارتی:
1. هێمن هەورامی: 47.436
2. هێڤیدار ئەحمەد: 32.322
3. جەلال پەرێشان: 30.444
4. سەروان محەممەد هەرکی: 24.286
5. پێشەوا هەورامانی: 24.125
6. بەهجەت عەلی سپینداری: 23.636
7. سەباح مەحموود زێباری: 16.272
8. شەعبان عەلی شەعبان: 15.347
9. رزگار عیسا سوار: 13.940
10. رێڤینگ محەممەد هرووری: 13.312
11. حیکمەت محەممەد ئەبو زێد: 12.972
12. ئومێد خۆشناو: 12.536
13. شوان کەریم: 11.942
14. عەبدولسەلام دۆڵەمەڕی: 11.930
15. بژار خالید عەبدوڵڵا: 11.366
16. رێبوار بابکەیی: 10.352
17. وەیسی سەعید: 10.309
18. موحسین حوسێن. 9.342
19. د. ڤالا فەرید:  8.548
20. سەفین ئاغا گەردی: 8.467
21. مەم ئەسکەندەر مەم ئەسکەندەر: 8.435
22. ئەرشەد حوسێن لۆلانی:  8.426
23. زانا مەلا خالید: 7.962
24. ئیحسان محەممەد: 7.707
25. بەهمەن عەبدوڵڵا: 7.552
26. بەختیار شوکری سلێمان: 7.548
27. جیهاد حەسەن:  7.544
28. سەعید مستەفا: 7.441
29. خەدیجە عومەر: 6.882
30. ئیدریس ئیسماعیل: 6.860
31. نزار مەلا عەبدولغەفار: 6.731
32. چیا حەمید: 6.702
33. تاهر محەممەد: 6.666
34. هەدیە موراد: 6.273
35. جوان یونس: 5.990
36. لیز فەلەکەدین کاکەیی: 5.978
37. رۆژان ئیبراهیم: 5.947
38. لەیلا عەبدولجەبار: 5.873.
39. نەجات شەعبان: 4.560
40. سەوسەن محەممەد: 4.555
41. گوڵیزار رەشید: 4.532
42. گەلاوێژ عوبێد عوسمان: 4.489
43. ژیان تاهر ئەحمەد: 4.078
44. حەسیبە سەعید: 3.962
45. گولستان باقی: 3.551

کاندیدە دەرچووەکانی یەکێتی:
1. قوباد تاڵەبانی: 182.551
2. بێگەرد تاڵەبانی: 8.097
3. رێواس فایەق: 5.982
4. شنۆ ئەشقی: 5.534
5. رۆژان محەممەد: 5.296
6. جەمال حەوێز: 3.900
7. زیاد جەبار: 3.783
8. عوسمان کەریم: 3.765
9. سەرکۆ ئازاد: 3.560
10. هەژان حەسەن: 3.358
11. عەباس فەتاح:  3.079
12. فەیسەڵ عەباسک 2.909
13. لوقمان حەمەد: 2.721
14. هێرش حەسەن: 2.695
15. هاوڕێ بەنا: 2.602
16. شەمۆل میرە: 2.558
17. باڵامبۆ محەممەد: 2.476
18. کاروان عەبدولڕەحمان: 2.434
19. زیکرا ئەحمەد: 2.277
20. عەبدولناسر ئەحمەد: 2.216
21. سەلمە فاتح: 1.719

کاندیدە دەرچووەکانی گۆڕان:
1. عەلی حەمە ساڵح: 91.934
2. شیرین ئەمین: 13.919
3. گۆران عومەر: 7.675
4. ئامینە محەممەد:  3.378
5. یاسین خزر: 3.205
6. رزگار محەممەد:  3.157
7. ئاشنا عەبدوڵڵا: 3.121
8. جەلال محەممەد: 2.803
9. شاخەوان رەئووف: 2.782
10. دابان محەممەد: 2.283
11. بەڵێن ئیسماعیل: 1.268
12. گوڵستان سەعید: 825

کاندیدە دەرچووەکانی نەوەی نوێ:
1. شاسوار عەبدولواحید: 106.289
2. کازم فارووق: 2.207
3. کاوە عەبدولقادر: 1.694
4. دیاری ئەنوەر: 1.393
5. سیپان سالم: 1.355
6. مەم بورهان: 1.147
7. موژدە محەممەد: 1.080
8. شادی نەوزاد: 561

کاندیدە دەرچووەکانی کۆمەڵ:
1. سۆران عومەر: 42.459
2. عەبدولستار مەجید: 19.143
3. عوسمان کانی کوردەیی: 10.862
4. هەورامان گەچێنەیی: 4.179
5. موسلیم عەبدوڵڵا: 4.072
6. بەدریە سیوەیلی: 1325
7. شوکریە سمایل:  955

کاندیدە دەرچووەکانی بەرەو ئیسڵاح:
1. د. شێرکۆ جەودەت: 11.070 دەنگ
2.  ئیسماعیل سگێری: 9.983 دەنگ
3.  ئەبوبەکر هەڵەدنی: 6.292 دەنگ
4. سەرچنار ئەحمەد:  2.084 دەنگ
5. هەلەز ئەحمەد: 1.230 دەنگ

کاندیدی دەرچووی لیستی سەردەم
1. عەبدوڵڵا مەحمود: 7.774

کاندیدی دەرچووی لیستی ئازادی
1. محێدین حەسەن: 1.222

کۆتاکان
ھاوپەیمانی یەکێتی نەتەوەیی: 3 کورسی
1. رومیو حوزیران 3.252
2. جەنان جەبار 1599
3. روبینە ئویلمک 815

گەشەپێدانی تورکمانی:  2 كورسى     
1. محەممەد سەعدەدین 2.187
2. سارە دڵشاد. 194

چاکسازی تورکمانی:  1 كورسى
1. مونا نەبی. 2.236

لیستی میللەت:  1 كورسى
1. ئازاد ئەکرەم. 346

بەرەی تورکمانی:  1 کورسی
1. ئایدن مەعرووف. 866

لیستی رافیدەین:  1 کورسی
1. فەرید یەعقوب 869

ئەنجوومەنی گەلی کلدانی سریانی ئاشووری. 1 کورسی
1. کلارا عودیشو 678

قەوارەی تاکی ئەرمەن: 1 کورسی
1. فاهیک کەمال. 615 دەنگ

 

 

بەردەوام بە لە خوێندنەوە

کوردستان

ئەنجامی کۆتایی ھەڵبژاردنی پەرلەمانی کوردستان ڕاگەیەنرا

خەڵک-

کۆمسیۆنی باڵای سەربەخۆی ھەڵبژاردن و ڕاپرسیی ھەرێمی کوردستان، ئەنجامی کۆتایی ھەڵبژاردنی پەرلەمانی کوردستانی ڕاگەیاند.

لە کۆنگرەیەکی رۆژنامەوانیدا کۆمسیۆنی باڵای سەربەخۆی ھەڵبژاردن و ڕاپرسیی ھەرێمی کوردستان ئەنجامی کۆتایی پەسەندکراوی ھەڵبژاردنی پەرلەمانی کوردستانی بڵاوکردەوە.

بەپێی ئەو ئەنجامەی کۆمسیۆن ڕایگەیاند، کورسیی لایەنەکان لە خولی پێنجەمی پەرلەمانی کوردستان بەم شێوەیە:

  • پارتی: ٧٠٠ ھەزار و ٦٩٦دەنگ، ٤٥ کورسی
  • یەکێتی: ٣٣٨ ھەزار و ٣٢٣دەنگ، ٢١ کورسی
  • گۆڕان: ١٩٣ ھەزار و ٣٣٦ دەنگ، ١٢ کورسی
  • نەوەی نوێ: ١٣٣ ھەزار و ٢٩١ دەنگ، ٨ کورسی
  • کۆمەڵ: ١١١ ھەزار و ٧٧٥ دەنگ، ٧ کورسی
  • بەرەو ئیسلاح: ٨١ ھەزار و ٧٣٨ دەنگ، ٥ کورسی
  • سەردەم: ١٦ ھەزار و ١٢٧ دەنگ، ١ کورسی
  • ئازادی: ٨ ھەزار و ٣١٧ دەنگ، ١ کورسی
  • گەشەپێدانی تورکمانی: ٢ كورسى
  • چاکسازیی تورکمانی: ١ كورسى
  • بەرەی تورکمانی: ١ کورسی
  • ميللەت: ١ كورسى

ئەوەی جێگای سەنج بوو، نە وتەبێژی کۆمسیۆن و نە بڕیاردەری کۆمسیۆن ئامادەی کۆنگرە رۆژنامەوانییەکە نەبوون.

بەردەوام بە لە خوێندنەوە

کوردستان

کۆمیسیارانی گۆڕان و کۆمەڵ و یەکگرتوو ئەنجامەکانی ھەڵبژاردن ڕەتدەکەنەوە

خەڵک-

ئەندامانی ئەنجومەنی کۆمیسیارانی با‌ڵای سەربەخۆی ھەڵبژاردن و ڕاپرسیی ھەرێمی کوردستان لە پشکی گۆڕان و کۆمەڵ و یەکگرتوو، ڕاگەیەنراوێکیان بڵاوکردەوە و تیایدا ئەنجامەکانی ھەڵبژاردنی پەرلەمانی کوردستان ڕەتدەکەنەوە.

دەقی ڕاگەیەنراوەکە:

بەردەوام بە لە خوێندنەوە
حکومەتی داهاتووی هەرێمی کوردستان دەتوانێت خزمەتی هاوڵاتیان بکات؟

کوردستان

دوایین