ئێمە لە تۆرە کۆمەڵایەتیەکان

کوردستان

هەپەگە: ١٧ سەربازی توركیا كوژران

 

خەڵك- بەشی هەواڵ

گەریلاكانی هەپەگە لە چەلێ هێرشیان كردە سەر كاروانێكی سەربازی، لە ئەنجامدا ١٥ سەربازی توركیا كوژران، هەروەها لە قابلجەوزێ ٢ سەرباز كوژران.

ناوەندی ڕاگەیاندنی هێزەكانی پاراستنی گەل – هەپەگە ڕاگەیەندراوێكی بڵاوكردەوە و دەربارەی دوایین چالاكییەكانی گەریلا، كە ئەمە دەقەكەیەتی:

 

هێزەكانمان لە چوارچێوەی هەڵمەتی شۆڕشگێڕیی شەهید پیرۆز و شەهید ئاگری-دا، ٦ی حوزەیران\١٦ی جۆزەردان لەسەر ڕێگەی جۆلەمێرگ – چەلێ لە دژی سوپای كۆماری توركیای داگیركەر چالاكییەكی بەرفرەوانیان ئەنجامدا. لە چالاكییەكەدا زۆر سەرباز كوژران:

لە ئەنجامی چالاكییەكانی بەرفرەوان لە جۆلەمێرگ ١٥ سەرباز كوژران

هێزەكانمان كاتژمێر ٢١:٣٠ لە مەیدانی كانی ئۆرێی نێوان جۆلەمێرگ و چەلێ، لە دژی كاروانێكی سەربازیی داگیركەران چالاكییەكیان ئەنجامدا. هێزەكانمان سەرەتا لە دژی ئۆتۆمبێلێكی زرێپۆشی جۆری كیرپی كە لەنێو كاروانەكە بوو، چالاكییەكیان ئەنجامدا و ئۆتۆمبێلەكەیان بەتەواوی تێكشكاند. بەهۆی كاریگەری تەقینەوەكە، ئۆتۆمبێلەكانی دیكە كۆنتڕۆڵیان لەدەستدا و لە رێگە لایاندا. هێزەكانمان لە شوێنێكی نزیكەوە گورزیان لە هەموو ئۆتۆمبێلەكان دا. لەم چالاكییە بەرفرەوانەدا، ١٥ سەربازی دوژمن كوژران و زۆر سەربازیش بریندار بوون. هێزەكانی داگیركەر لە دوای چالاكییەكە بە كۆپتەری جۆری كۆبرا بۆمبارانی دەوروبەریان كرد. هێزەكانی داگیركەر كە لە هەرێمەكە دەستیان بە ئۆپەراسیۆن كرد، بەیانیی ٧ی حوزەیران\١٧ی جۆزەردان پاشماوەی ئۆتۆمبێلە تێكشكاوەكان و تەرمەكان و بریندارەكانی خۆیان گواستەوە. ئۆپەراسیۆن هەمان ڕۆژ بەبێ ئەنجام كۆتایی پێهات.

لە قابلجەوزێ ٢ سەرباز كوژران و ٤ كۆنترا بریندار بوون

سوپای كۆماری توركیای داگیركەر ماوەیەكە لە مەیدانی قابلجەوزێی سەر بە ئێلیح بە پشتیوانی یەكینە نهێنییەكان كەمین دادەنێت. هێزەكانمان ڕۆژی ٤ی حوزەیران لە دەوروبەری گوندی سێبەنە چاودێریی یەكینەیەكی نهێنیی دوژمنیان كرد. دوای ماوەیەك، كاتژمێر ١٩:٣٠ لەنزیكەوە لە یەكینەكەی دوژمنیان دا. لە ئەنجامدا ٢ سەرباز كوژران و ٤ كۆنترا (دژە گەریلا)ش بریندار بوون. هێزەكانی داگیركەر لە دوای چالاكییەكە، دەستیان بە ئۆپەراسیۆن كرد و تا ئێستاش بەردەوامە.

كۆنترایەك سزا درا

كەسێك بە ناوی موستەفا گونەر كە ماوەیەكی درێژە لەگەڵ هێزەكانی داگیركەر كاری كۆنترا (دژە گەریلا) دەكات، ٦ی حوزەیران كاتژمێر ٢٣ لە مەیدانی دۆڵی ماسیرۆ-ی ناوچەی ئەلباكی وان لە لایەن هێزەكانمانەوە سزا درا.

بۆردومانی فڕۆكەجەنگییەكان

فڕۆكەجەنگییەكانی سوپای كۆماری توركیای داگیركەر، ٧ی حوزەیران لەنێوان كاتژمێر ١٧:٠٠ – ١٨:٠٠ بۆردومانی هەرێمەكانی پاراستنی مەدیایان كرد. فڕۆكەجەنگییەكانی توركیا دەوروبەری گوندی بێپالای هەرێمی قەندیل، دەوروبەری گردی كاركەر لە هەرێمی زاپ و هەرێمی خواكوركیان بۆردومان كرد. بەهۆی بۆردومانەكە لە هەرێمی خواكورك ئاگر كەوتەوە.

ریکلام

کوردستان

سێ ئەندامی ئەنجومەنی پارێزگای سلێمانی داوای خەرجکردنی پارەی پرۆژەیەکی شارەکە دەکەن لە حکومەت

خەڵک-

سێ ئەندامی ئەنجومەنی پارێزگای سلێمانی لە یاداشتێکدا داوا لە حکومەت و وەزارەتی دارایی و لایەنە پەیوەندیدارەکان دەکەن، بودجەی تەرخانکراو بۆ پرۆژەی چارەسەری خاشاکی سلێمانی خەرج بکرێت، کە پێشتر بڕیاری لەسەر دراوە، ئەگەر نا پرۆژەکە لە کۆمپانیای جێبەجێار بسەنرێتەوە و دووبارە بخرێتەوە تەندەرینەوە.

لە یاداشتەکەدا ڕێبوار ئەحمەد سەرۆکی لیژنەی تەندروستی و ژینگە و غالب محەممەد سەرۆکی لیژنەی پیشەسازیی و وزە و سێوە حمە خدر ئەندامی ئەنجومەن، لە ئەنجومەنی پارێزگای سلێمانی، دەڵێن: “بۆ جاری سێیەم بەدواداچونمان کردووە بۆ چارەسەری خاشاکی شاری سلێمانی و سەردانی مەیدانیی سەرۆکایەتیی شارەوانیی سلێمانی و شوێنی فڕێدانی خاشاکمان کرد کە شوێنێکی زۆر ناتەندروست و ناشارستانییە و هۆکارێکی سەرەکی تێکدانی پێکهاتەی ئاوی چەمی تانجەرۆ و ئاوی بەنداوی دەربەندیخانە.”

ئاماژە بەوە دەکەن: “لە میانی سەردانمان بۆ لای لێپرسراوی پلانی شارەوانیی سلێمانی بۆمان دەرکەوت دوو ھۆکار لەپشت ڕاگرتنی کارەکەوەن:

یەکەم: هۆکاری دەستبەکارنەبوونی کۆمپانیای لاڤارج کە لایەنی جێبەجێکاری پڕۆژەی ناوبراوە، پەسەند نەکردنی ئەو نوسراوانەیە کە تایبەتە بە پێدانی گوژمەی گرێبەستەکە بەبڕی ٧ ملیۆن و ٥٢٠ ھەزار دۆلار بەپێی یاساو ڕێنماییەکان لە لایەن حکومەتی ھەرێمەوە.

دووەم: گەیاندنی کارەبای نیشتیمانی بە سنوری پڕۆژەکە کەلەلایەن کۆمپانیای (ئیکۆسیم) بە شێوەی قەرز جێبەجێ دەکرێت بەبڕی ٨٣٠ ھەزار دۆلار، بەمەرجێک لەکاتی نەمانی قەیرانی دارایی حکومەتی هەرێم، ئەوا دەبێت وەزارەتی دارایی و ئابوری لەسەر گوژمەی پڕۆژەکە بۆیان خەرج بکاتەوە.”

ئەو سێ ئەندامەی ئەنجومەنی پارێزگای سلێمانی ئەوەشیان ڕاگەیاندووە: “ئەو ھۆکارانە بونەتە هۆی دەستبەکارنەبوونی کۆمپانیای جێبەجێکار لە پڕۆژەی چارەسەری خاشاکی سلێمانی، ئێمە داوکارین کە نوسراو ئاڕاستەی وەزارەتی دارایی و ئابوری بکرێت بۆ ڕەزامەندی دەربڕین و چارەسەرکردنی ئەو گرفتانەی کە ئاماژەمان پێدا، لە ئەگەری ڕەزامەندی دەرنەبڕینی وەزارەتی دارایی و ئابوری و دەستبەکارنەبوونی کۆمپانیای ناوبراو لە پڕۆژەی چارەسەری خاشاکی سلێمانی، ئەوا زۆر پێویستە کە ئەنجومەنی پارێزگا بڕیار بدات یاخود داوا بکات لەماوەی مانگێکدا گرێبەستی پڕۆژەکە هەڵوەشێنرێتەوە و دووبارە بەپێی یاساو ڕێنماییەکان پڕۆسەی تەندەرین بۆ پڕۆژەکە بکرێت و گرێبەست لەگەڵ کومپانیایەکی نیشتیمانی بکرێت.”

 

بەردەوام بە لە خوێندنەوە

کوردستان

كۆمەڵە داوا دەكات حكومەتی هەرێم بێدەنگ نەبێت

خەڵك- بەشی هەواڵ

سكرتاریەتی كۆمەڵەی زەحمەتكێشانی كوردستان لە راگەیەندراوێكدا داوا لە حكومەتی هەرێمی كوردستان دەكات كە بێ دەنگ نەبێت لەبەرامبەر تیرۆركردنی چالاكانی رۆژهەڵاتی كوردستان لە هەرێم.

كۆمەڵەی زەحمەتكێشانی كوردستان بەبۆنەی كوژرانی ئیقبال مورادی چالاكی سیاسی رۆژهەڵاتی كوردستان لە پێنجوێن راگەیەندراوێكی بڵاوكردەوە، تێیدا وێڕای سەرەخۆشی لە بنەماڵەی مورادی رایدەگەیەنێت “داوا لە دامودەزگانی حكومەتی هەرێمی كوردستان دەكەین بەرامبەر بە كوشتن‌و رفاندنی هەڵسوڕاوانی سیاسی كوردی رۆژهەڵات بە دەستی تاوانكارانی كۆماری ئیسلامی بێدەنگ نەبن‌”.

راشیگەیاندووە “خوازیاری ئەوەین دامودەزگا ئەمنییەكان لە زووترین كاتدا ئەنجامدەرانی ئەم تاوانە قیزەونە دەستگیر‌و رادەستی یاسای بكەن”.

لە ماوەی رابردوودا چەندین چالاكی سیاسی و بەرپرسی حزبەكانی رۆژهەڵاتی كوردستان لە باشوری كوردستان كوژراون و حزبەكانی رۆژهەڵاتیش كۆماری ئیسلامی ئێران تۆمەتبار دەكەن، بەڵام تاكو ئێستا دەزگا فەڕمییەكانی هەرێمی كوردستان كەسیان بە ئەنجامدانی ئەو تاوانانە تۆمەتبار نەكردووە.

بەردەوام بە لە خوێندنەوە

کوردستان

لە شارباژێڕ و دوكان سێ هاوڵاتی خنكان

یەكێك لە روبارەكانی ناوچەی شارباژێڕِ

خەڵك- بەشی هەواڵ
ئەمڕۆ 20 ی 7 ی 2018 ، لەهەریەكە لە بەشی سەرەوەی دەریاچەی دوكان و لە چەمێكی نزیك گوندی ساڵانان سێ‌ هاوڵاتی لەكاتی مەلەكردندا خنكان.

پۆلیسی سلێمانی لە راگەیەندراوێكدا كە وێنەیەكی بۆ (خەڵك) نێردراوە، رایگەیاند
“پاشنیوەڕۆی ئەمڕۆ لەبەشی سەرەوەی دەریاچەی دوكان و لەكاتی مەلەكرندا دایك و كچێك بەناوەكانی ( ش ، م ، ع لەدایكبووی 1970 و ك ، أ ، س ) لەدایكبووی 1992 ) كە دانیشتوی قەزای دوكانن و بەخێزانی بۆ مەلەكردن ڕویان لەناوچەیەكردبوو، گیانیان لەدەستدا و دوای گەیشتنی هێزەكانی پۆلیس و تیمەفریاگوزارییەكان تەرمەكانیان دەرهێنرانەوەو ڕەوانەی پزیشكی دادوەری لەشاری سلێمانی كران”.

راشیگەیاندووە “هەرئەمڕۆ و لەچەمێكی نزیك گوندی ساڵانانی سەر بە قەزای چوارتا هاوڵاتی ( ش ، م ، س ) لەدایكبوی 1992 لەكاتی مەلەكرندا خنكا، دوای گەیشتنی هێزەكانی پۆلیس و تیمەفریاگوزارییەكان تەرمەكەی دەرهێنرایەوەو ڕەوانەی پزیشكی دادوەری لەشاری سلێمانی كرا”.

رونیشیكردەوە “لەئێستاشدا لەلایەن هەردوو بنكەی پۆلیسی دوكان و بنكەی پۆلیسی چوارتا پەڕاوی لێكۆڵینەوە بۆ هەردوو ڕوداوەكە كراوەتەوە و لێكۆڵینەوەكان دەستیانپێكردووە” .

بەردەوام بە لە خوێندنەوە
ریکلام

کوردستان

دوایین