ئێمە لە تۆرە کۆمەڵایەتیەکان

کوردستان

ڕۆژی “نۆمینەی حاجیان” و عارەفە و جەژن ئاشكراكرا

خەڵك – بەشی هەواڵ
مامۆستایەكی ئاینی لە سلێمانی ڕایدەگەیەنێت، ڕۆژی 13ی ئاب یەكەم ڕۆژی نومینەی حاجیانی ئەمساڵە و ڕۆژی سێ شەممەش 21ی ئاب ڕۆژی عەرەفەیە، دەشڵێت: “ڕۆژی چوار شەممە 22ی ئاب یەكەم ڕۆژی جەژنی قوربانی پیرۆزە”.

مامۆستا محەمەد كەڵكەسماقی، پێش نوێژ و وتارخوێنی مزگەوتی هەواری زانكۆ لە سلێمانی لە هەژماری خۆی لە فەیسبووك ڕایگەیاندووە، ڕۆژی دوو شەممە 13ی ئابی 2018 دەكاتە یەكەم ڕۆژی نۆمینەی حاجیانی بۆ فەریزەی حەجی ئەمساڵ.

ئاماژەی بۆ ئەوەشكردووە، بە پێی ئەوەی ڕۆژی دوو شەممە وەك نۆمینەی حاجیان ئاماژەی پێكراوە ڕۆژی سێ شەممە 21ی ئاب دەبێتە ڕۆژی عەرەفە و ڕۆژی چوار شەممە 22ی ئاب یەكەم ڕۆژی جەژنی قوربان دەبێت.

بۆ وەرگرتنی زانیاری زیاتر لە وەزارەتی ئەوقافی هەرێم سەبارەت بە جەژنی قوربان، (خەڵك) پەیوەندی كرد بە نەبەز ئیسماعیل، وتەبێژی ئەو وەزارەتە، بەڵام پەیوەندییەكە بەردەست نەبوو.

هاوكات، میدیاكانی سعودیە بە پشت بەستن بە شارەزایانی فەلەكناسی، یەكەم ڕۆژی جەژنی قوربانی ئەمساڵ-یان دیاریكردووە، كە دەكەوێتە ڕۆژی چوار شەممە 22ی ئاب 2018.

وشەی “نۆمینەی حاجیان” لەناو موسڵمانان بەوە باوە، كە تێیدا لە یەكەم ڕۆژی مانگی زولحجە-ی كۆچییەوە موسڵمانان بەڕۆژوو دەبن تا 9 ڕۆژ، كە ڕۆژی عارەفە-یە و حاجیان دەچنە كێوی عارەفە وەك بەجێهێنانی یەكێك لە پایەكانی فەریزەی حەج و ڕۆژی دواتر، كە دەكاتە 10ی زولحجە دەبێتە یەكەم ڕۆژی جەژنی قوربانی پیرۆز.

کوردستان

بارزانی داوا لە ئەمریكا دەكات سێ‌ پرنسیپ ڕەچاو بكات

خەڵك – بەشی هەواڵ
سەرۆكی پارتی دیموكراتی كوردستان، پێشوازی لە باڵیۆزی ئەمەریكا لە عێراق و كونسوڵی گشتیی ئەمەریكا لە هەولێر دەكات و ڕایدەگەیەنێت، ڕەچاوكردنی سێ پڕەنسیپ دەبێتە هۆی چارەسەركردنی زۆر لە كێشەكان.

ماڵپەری فەرمی مەسعود بارزانی، سەرۆكی پارتی دیموكراتی كوردستان بڵاویكردەوە، ئەمڕۆ چوار شەممە 15ی ئابی 2018 لە سەڵاحەددین، بارزانی پێشوازی لە دۆگڵاس سڵێمان، باڵیۆزی ئەمەریكا لە عێراق و ستیڤ فاگین، كونسوڵی گشتیی ئەمەریكا لە هەولێر كرد.

ئاماژەبۆ ئەوەشكراوە، لە دیدارێكدا بارودۆخی سیاسیی عیراق و ناوچەكە و پێشهاتە تازەكان لەسەر ئاستی هەرێمایەتی و نێودەوڵەتی تاوتوێ كرا و باڵیۆزی ئەمەریكا لە عێراق ستراتیژیی وڵاتەكەی لەبارەی دوا وێستگەكانی شەڕی داعش و یارمەتیدانی ئاوارە و پێكهاتەكانی عیراق و هەروەها گۆڕانكارییە هەرێمایەتییەكان بۆ بارزانی خستەڕوو و ئاماژەیشی بە ڕۆڵی كاریگەری بارزانی و حكوومەتی هەرێم دا لە پەنادان و پاراستنی پێكهاتە و ئاوارەكانی عێراق لە شەڕی تیرۆریستانی داعش.

لە بەشێكی دیكەی كۆبوونەوەكە بیروڕا لەبارەی عیراقی دوای هەڵبژاردن و هەوڵەكان بۆ پێكهێنانی حكوومەتی تازە و هاوكێشەكانی ناو عێراق ئاڵوگۆڕ كرا و بارزانی جەختی لەوە كردەوە، كە ئەوەی بە لای هەرێمی كوردستانەوە گرنگە بەرنامەی حكوومەتی ئاییندەی عیراقە و هەروەها پابەندبوونی لایەنەكان بە سێ پڕەنسیپی هاوبەشی لە حوكمداری و تەوافوق لە یاسادانان و هاوسەنگی لە دامەزراوەكان ئەولەویەتی سەرەكییە.

بارزانی جەختی لەوەش كردەوە، كە ڕەچاوكردنی ئەو سێ پڕەنسیپە دەبێتە هۆی چارەسەركردنی زۆر لە كێشەكان.

بەردەوام بە لە خوێندنەوە

کوردستان

گۆڕان لە دادگای فیدڕاڵی سكاڵای تۆماركرد

خەڵك- بەشی هەواڵ
سەرۆكی پێشووی فراكسیۆنی گۆڕان لە پەرلەمانی عیراق ئاشكرای دەكات، كە سكاڵایان لە دژی ڕێكارەكانی كۆمسین تۆمار كردووە.

ئەمین بەكر، سەرۆكی پێشوی فراكسیۆنی گۆڕان لە پەرلەمانی عیراق بە میدیای حزبەكەی ڕاگەیاندووە، دوێنێ‌ سێ شەممە لە دەستەی دادوەری تایبەت بە هەڵبژاردنەكان لە دادگای فیدڕاڵی عێراق سكاڵایان تۆماركردوە.

وتی، “سكاڵایان لەسەر رێكارەكانی كۆمسیۆن تۆماركردوە، كە پابەند نەبوە بە هەمواری سێیەمی یاسای هەڵبژاردنەكانی عێراقەوە ‌و تەنانەت پابەند نەبوە بە بڕیارەكەی دادگای باڵای فیدراڵیشەوە، كە كۆمسیۆنی ناچاركردوە سەرجەم دەنگی هەموو ئەو سندوقانە بەدەستی هەژمار بكاتەوە، كە تانەیان لێدراوە”.

كۆمسیۆنی هەڵبژاردنەكانی عێراق، ڕۆژی پێنج شەممەی ڕابردوو ئەنجامی كۆتایی بژاردنەوەی دەستی بەشێك لە سندوقەكانی دەنگدانی ڕاگەیاند، كە لە زۆربەی ناوچەكان ئەنجامی هەژماری ئەلیكترۆنی و دەستی وەك یەك بوون.

بەردەوام بە لە خوێندنەوە

کوردستان

قائیمقامیەتی كەلار چەند بڕیارێكی بۆ جەژن دەركرد

خەڵك- بەشی هەواڵ

قائیمقامیەتی كەلار بڕیاریدا كە سەربڕین بۆ قوربانی تەنها لە”قەسابخانە”كاندا بكرێت و شوێنێكیش دیاریكرا بۆ مامەڵەی كڕین و فرۆشتنی ئاژەڵ.

قائیمقامیەتی كەلار لە راگەیەندراوێكدا كە كۆپیەكی بۆ (خەڵك) نێدراوە، ئاماژەی بە چەند بڕیارێك كردووە بۆ كاتی جەژنی قوربان كە لە كۆبونەوەی قائیمقامی كەلار و بەرێوەبەری فەرمانگەكاندا بڕیاری لێوەدراوە.

دەقی راگەیەندراوەكە:

پلانی جەژنی قوربان راگەیەندرا
ئەمرۆ قایمقامی كەلار “شەهاب حاجی ئەحمەد” لە گەڵ لایەنە پەیوەندیدارەكانی شارەكە كۆبووەوە. لە كۆبوونەوەكدا پلانی جەژنی قوربان لە رووی هاتووچۆ و گەشت و هاتنی گەشتیار و پاراستنی سەروماڵی هاووڵاتیان و وەك هەمیشە دابینكردنی ئەمنییەت شارەكە باسی لێوەكرا بۆ ئەوەی خەڵكی سنوورەكە و هەروەها گەشتیاران لە كەشێكی ئارامدا پشووی جەژن بەرێبكەن.
دواتر لە كۆبوونەوەكەدا هەموو لایەن لە پۆلیس و ئاسایش و مامۆستایی ئاینی و شارەوانی و ئاو و تەندروستی چەندین پێشنیار و داواكاری خرانەڕوو بە پێی توانا بۆ بەرژەوەندی هەمووان بریاریان لە بارەوە درا.
لە كۆبوونەوەكەدا بریاریشدرا قۆچكردنی هاووڵاتیان تەها لەسەربڕخانەكانی “قەسابخانە” سنوورەكە دەبێت و هاوكات لە رَێگەی گوندی قاسم ئاغای پشتەوەی زانكۆی گەرمیان شوێنێك دیاری دەكرێت تەنها بۆ فرۆشتنی ئاژەڵ و هەركەس لە شوێنی دیاریكراو كاری فرۆشتن یان ئاژەڵ سەرببڕێت لە لایەن تیم و لیژنەكانەوە لێپێچینەوەی لە گەڵدا دەكرێت.

راگەیاندنی قایمقامیەتی كەلار
15ی ئابی 2018

بەردەوام بە لە خوێندنەوە
ریکلام

کوردستان

دوایین