ئێمە لە تۆرە کۆمەڵایەتیەکان

جیهان

كاری؛ ئەو خۆراكەی دژی شێرپەنجەیە

خەڵك- بەشی هەواڵ
توێژینەوەیەكی پزیشكی نوێ‌ دەیسەلمێنێت، كە هاڕاوەی كاری دەتوانێت بەرگری بۆ جەستەی مرۆڤ دژی هەموو جۆرەكانی نەخۆشی شێرپەنجە دروست بكات.

بەپێی توێژینەوە نوێیەكە، كە ڕۆژنامەی (دەیلی مەیل)ی بەریتانی بڵاویكردۆتەوە، زانایان گەیشتونەتە ئەو ڕاستیەی (كەركومین) كە خۆراكێكی سروشتیە و ڕەنگەكەی زەردی پرتەقاڵی باوە دەتوانێت گەشەكردنی خانە شێرپەنجەییەكانی بەتایبەتی سنگ و خوێن هێواش بكاتە و لەگەشە بیوەستێنێت.

ئەو زانایانە لە زانكۆی كالیفۆڕنیا توێژینەوەكەیان ئەنجامداوە و ڕایانگەیاندووە، كەركومین (كاری) وادەكات خانەكانی شێرپەنجە كەمترین توانایان بمێنێت لە تێكشكاندنی خانەكانی دیكەی جەستەی مرۆڤ و بەتەواوی خانە شێرپەنجەییەكان لاواز دەكات.

هەر بەپێی توێژینەوەكە، كەركومین لەگەڵ بڵاوترین دەرمانی چارەسەری شێرپەنجەی خوێن تێكەڵ كراوە و بەكارهێنراوە و ئەنجامی ئەرێنی و دڵخۆشكەری هەبووە و بۆتە ەهۆی كەمكردنەوەی لایەنە خراپ و نەرێنیەكانی نەخۆشیەكە.

جیهان

رۆحانی هۆشداری دەداتە ترەمپ

خەڵك- بەشی هەواڵ

حەسەن رۆحانی سەرۆك كۆماری ئێران هۆشداری دەداتە دۆناڵد ترەمپ سەرۆكی وڵاتە یەكگرتووەكانی ئەمریكا لە بەردەوامبوونی لە سیاسەتە دووژمنكارانەكانی لە دژی تاران.

ئەمڕۆ یەك شەممە حەسەن رۆحانی رایگەیاند “پێویستە ئەمریكا بزانێت كە ئاشتی لەگەڵ ئێران ئاشتی راستەقینەیە و شەڕ لەگەڵ ئێران دایكی هەموو شەڕەكانە”.

بەپێی ئاژانسی خوێندكارانی ئێران، لەكاتی قسەكردنیدا بۆ دبلۆماسەكانی وڵاتەكەی، رۆحانی داواشی لە ترەمپ كردووە كە بە دوای جێگرەوەی ئەسەددا نەگەڕێت.

بەردەوام بە لە خوێندنەوە

جیهان

لە باشوری ئەفریقا یازدە شۆفێر كوژران

خەڵك- بەشی هەواڵ

ئەمڕۆ یەك شەممە یازدە شۆفێری ئۆتۆمبێلی كرێ لە باشوری ئەفریقا لەلایەن چەكدارانەوە كوژران لە كاتی گەڕانەوەیان بۆ جۆهانس بێرگ.

بەپێی هەواڵی رۆیتەرز، ئەو شۆفێرانە ئەندامی سەندیكای شۆفێرانی ئۆتۆمبێلەكانی كرێ بوون لە پاسێكی بچوكدا و چەكدارەكان هێرشیان كردووەتە سەریان و تەقەیان لێكردون.

بەردەوام بە لە خوێندنەوە

جیهان

سونەكانی ئێران هانا بۆ سیستانی دەبەن

خەڵك-بەشی هەواڵ

وتاربێژی سوننەی زاهیدان داوای لە سیستانی كرد چارەسەری كێشەی وڵاتی عێراق‌و بەتایبەت كێشەكانی سونە مەزهەب بكات.
ماڵپەڕی (العربیە) بڵاویكردەوە، مەولانا عەبدولحەمید ئیسماعیل وتاربێژی سونە مەزهەب لە زاهیدان لە نامەیەكدا كە ئاڕاستەی عەلی سیستانی مەرجەعی باڵای شیعەی لە عێراق كردووەو دوای ئاماژەدان بۆ دۆخی خراپی جیهانی ئیسلامی، داوای لە ناوبراو كردووە بەهۆی بوونی پێگەكەی لە عێراق كێشەكانی ئەو وڵاتە چارەسەر بكات‌و دەسەڵاتەكانی‌و نفوزی خۆی بخاتەكار بەشێوەیەك لە سونە مەزهەبەكانی ئێرانیش سوود وەربگرێت.

نوسینگەی وتاربێژی زاهیدان بڵاویكردەوە، مەولانا عەبدولحەمید كێشەكانی پێكنەهێنانی حكوومەت لە عێراق‌و خواستەكانی هاووڵاتیان‌و خزمەتگوزارییەكان‌و ئاوارەبوونی بەشێكیتریان بە هۆكاری كێشەكانی عێراق زانی.

ئاماژەی بۆ ئەوەش كردوە، دوای چەندین ساڵ لە ناوئومێدی‌و وێرانكاری، ئێستا خەریكە ووردە ووردە ئومێد بۆ هاووڵاتیان دەگەڕێتەوەو ئومێد دەكەین بەهۆی پێگەی باوكانەی ئێوە فەرمان بكەن حكومەتێكی خێرای دادپەروەرو خەڵك ویست پێكبهێنرێت كە مافی هەموو هاووڵاتیان بدات.

ناوبراو لە نامەكەیدا بۆ سیستانی، ئاماژەی بۆ ئەوەش كردووە، كە سونە مەزهەبەكانی ئێران دوای شۆڕشی ئیسلامی ئێران لە دۆخێكی خراپدان‌و ئازادی مەزهەبییان لێ زەوت كراوەو جگە لەوەش رێگرییان لێدەكرێت كە بەرپرسیارێتی لە كارەكانیان وەربگرن تەنانەت لە ناوچە سونە نشینەكانیشدا.

هەروەها نەبوونی مزگەوت بۆ سونە مەزهەبەكان‌و رێگریكردن لە نوێژخوێنان بۆ نوێژی هەینی لە تاران‌و زۆرێك لە كێشەكانیتر كە تا ئێستا ئێران نەرمی لەو بوارەوە نەنواندووە.

ناوبراو داواشی لە سیستانی كردووە، وەك مەرجەعیەتێكی گەورەی شیعە مەزهەب لە ناوچەكە كەسایەتی خۆی بخاتەگەڕ تاكو بتوانێت داوا لە دەسەڵاتدارانی ئێرانی بكات دۆخی سونە مەزهەبەكانی ئێران چارەسەر بكات.

بەردەوام بە لە خوێندنەوە
ریکلام

کوردستان

دوایین