ئێمە لە تۆرە کۆمەڵایەتیەکان

کوردستان

پۆستی سەرۆكی هەرێم هەڵپەسێردرا

هەولێر- ئارام سەردار

پەرلەمانی كوردستان پرۆژە یاسای هەڵپەساردنی دامەزراوەی سەرۆكایەتی هەرێمی بەزۆرینەی دەنگی پەرلەمانتاران پەسەندكرد.

دەقی یاسای هەڵپەساردنی دامەزراوەی سەرۆكایەتی هەرێم
ماددەی یەكەم :
هەڵبژاردنی سەرۆكی هەرێم هاوكات لەگەڵ هەڵبژاردنی خولی پێنجەمی پەرلەمانی كوردستان ئەنجام نا‌درێت
ئەم ماددەیەش بەدەنگی 44 ئەندامی پەرلەمان پەسەندكراو و 16 ئەندام دژی بوون.
ماددەی دووەم:
1. كاركردن بەیاسای دابەشكردنی دەسەڵاتەكانی سەرۆكی هەرێم ژمارە (2)ی ساڵی 2017 بەردەوام .
2. دیوانی سەرۆكایەتی هەرێم لەكار و ئەركەكانی بەردەوام دەبێت و لەژێر سەرپەرشتی و چاودێری سەرۆكایەتی ئەنجومەنی وەزیران.
ئەم ماددەیە بەدەنگی 34 ئەندامی پەرلەمان پەسەند كراو 25 ئەندامی پەرلەمانیش دژی ئەو ماددەیە دەنگیان دا
ماددەی سێیەم:
پێویستە خولی پێنجەمی پەرلەمانی كوردستان لە ماوەی دوو وەرزی گرێدانی ساڵی یەكەمیدا لە ژێر رۆشنایی پێوەرە گشتییە دەستووریەكان بڕیار لەسەر چارەنوسی دامەزراوەی سەرۆكایەتی هەرێم بدات.
بەدەنگی 33 ئەندامی پەرلەمان پەسەندكرا و 16 ئەندامی پەرلەمان دژی ماددەكە دەنگیان دا
ماددەی چوارەم :
كار بەهیچ دەقێكی یاسای ناكرێت ، پێچەوانەی حوكمەكانی ئەم یاسایە بیت.
بەزۆرینەی دەنگ پەسەندكرا.
ماددەی پێنجەم:
پێویستە لایەنە پەیوەندیدارەكان حوكمەكانی ئەم یاسایە جێبەجێ بكەن.
ئەم ماددەیەش بەدەنگی 40 ئەندامی پەرلەمان پەسەندكرا و 15 ئەندامی دژی ماددەكە دەنگیاندا
ماددەی شەشەم:
ئەم یاسایە لەرۆژی دەرچونیەوە كاری پێ دەكرێت و ، لەرۆژنامەی فەرمی (وەقائعی كوردستان) بڵاو دەكرێتەوە
وەك خۆی بەدەنگی 40 ئەندام پەسەندكرا ون 14 ئەندامیش لەدژی ماددەكە دەنگیاندا
هۆیەكانی دەرچواندن
لەپێناو رەخساندنی زەمینەی سازان و لێكتێگەیشتن لەسەر سیستەمی حوكمڕانی لەهەرێمی كوردستان ئەم یاسایە دەرچوێندرا
لەكۆتایشدا ئەم پرۆژە یاسایە بەزۆرینەی دەنگی ئەندامانی پەرلەمان پەسەندكرا.به دەرچواندنی ئەم یاسایە، تاوەكو هەرێمی كوردستان دەبێتە خاوەنی دەستوری خۆی، سەرۆكی هەرێمی نابيت.

کوردستان

مەلا بەختیار وەڵامی جەعفەر ئێمینكی دەداتەوە

خەڵك – بەشی هەواڵ
بەرپرسی دەستەی كارگێری مەكتەبی سیاسی یەكێتیی نیشتمانی كوردستان وەڵامی قسەكانی ئەندامێكی مەكتەبی سیاسی پارتی سەبارەت بە ساختەكاری لە هەڵبژاردن دەداتەوە و ڕایدەگەیەنێت، ئەوسا و ئێستاش پارتی چ بەڵگەیەكی لەسەر دزینی دەنگەكانیان‌ و گزی یەكێتی هەیە، با بیخەنەڕوو.

مەلا بەختیار، بەرپرسی دەستەی كارگێری مەكتەبی سیاسی یەكێتیی لە ڕوونكردنەوەیەكیدا، كە وێنەیەكی دەست (خەڵك) كەوتووە ڕایگەیاندووە، لە گۆڕینی بەرپرسی ئەنجومەنی سەركردایەتی پارتی لە سلێمانیدا، ئەدهەم بارزانی، كاكە عارف تەیفور، ئەركەكانی پێسپێردراوە، خوا لەگەڵ یەكەمیان بێ ‌‌و بەخێرهاتنی دووەمیشیان دەكەین.

دەشڵێت: “بۆ دەستبەكاربونی بەرپرسی تازە، جەعفەر ئیمنكی وتاری فەرمووە و لەمیانی قسەكانیدا، باسی بەندەی كردووە، گوایە، لەدوای ڕاگەیاندنی ئەنجامی هەڵبژاردنەكان، پێیڕاگەیاندبم، بێدەنگ نابن لەدزینی دەنگەكانیان”.

ڕاشیگەیاندووە، ئەوسا و ئێستاش پارتی چ بەڵگەیەكی لەسەر دزینی دەنگەكانیان‌ و گزی یەكێتی هەیە، با بفەرمون بیخەنەڕوو، لە ڕاگەیاندنیشدا، سەبارەت بە لێكۆڵینەوە لە سلێمانیدا، تەنانەت هاومەبەستی لایەنەكانی ئۆپۆزسیۆنیش بوون.

رونكردنەوەیەك لەسەر بۆچونێكی بەرێز (جەعفەر ئیمنكی)
لە گۆڕینی بەرێز بەرپرسی ئەنجومەنی سەركردایەتی پارتی لە سلێمانیدا، كاك ئەدهەم بارزانی، كاكە عارف تەیفور، ئەركەكانی پێسپێردراوە. خوا لەگەڵ یەكەمیان بێ ‌‌و بەخێرهاتنی دووەمیشیان دەكەین.
بۆ دەستبەكاربونی بەرپرسی تازە، بەرێز جەعفەر ئیمنكی وتاری فەرمووەو لەمیانی قسەكانیدا، باسی بەندەی كردووە، گوایە، لەدوای راگەیاندنی ئەنجامی هەڵبژاردنەكان، پێیڕاگەیاندبم، بێدەنگ نابن لەدزینی دەنگەكانیان.
ئەوساو ئێستاش پارتی چ بەڵگەیەكی لەسەر دزینی دەنگەكانیان‌و گزی یەكێتی هەیە، با بفەرمون بیخەنەڕوو. لە راگەیاندنیشدا، سەبارەت بە لێكۆڵینەوە لە سلێمانیدا، تەنانەت هاومەبەستی لایەنەكانی ئۆپۆزسیۆنیش بون. بەڵام سەبارەت بە خۆم، لاموایە ئەوەی بمناسێ‌، دەزانێ‌ یادەوەریم تیژەو شتم بیرناچێتەوە، كاكە جەعفەر دڵنیادەكەمەوە، ئێستا رەخنەكانی دەبیستم، ئەوكاتە رەنگە لەگەڵ هەڤاڵی دیكە قسەی كردبێ‌، بەڵام لەگەڵ بەندە، لەوبارەوە، دوورو نزیك قسەمان نەكردووە.

لەگەڵ رێزم بۆ كاكە ئیمنكی
مەلا بەختیار
16/7/2018

بەردەوام بە لە خوێندنەوە

کوردستان

لەكاتی داگرتنی گەنم هاوڵاتییەك بوو بەژێر تراكتۆرەوە

خەڵك – بەشی هەواڵ
بەڕێوەبەرایەتی پۆلیسی پارێزگای سلێمانی ڕایدەگەیەنێت، بەهۆی شێلانی ئۆتۆمبێلەوە، كە سەرقاڵی گەنم داگرتن بووە، كەسێك گیانی لەدەستدا، دەشڵێت: “تۆمەتباری ڕوداوەكە بە پێی ماددەی 24ی هاتووچۆ ڕاگیراوە”.

بەڕێوەبەرایەتی پۆلیسی پارێزگای سلێمانی لە ڕاگەیەنراوێكدا، كە وێنەیەكی بۆ (خەڵك) ناردووە، ڕایگەیاندووە، ئەمڕۆ دوو شەممە 16-7-2018 لەناحیەی پیرەمەگرون بەهۆی شێلانی ئۆتۆمبێلەوە هاوڵاتییەك گیانی لەدەستدا.

دەشڵێت: “ڕوداوەكە لە سایلۆی پیرەمەگرون بووە، هاوڵاتی (أ، س، ع) لەدایكبووی 1949، بەهۆی شلانیەوە لە لایەن ئۆتۆمبێلێكی جۆری تراكتۆرەوە، كە سەرقاڵی گەنم داگرتن بووە گیانی لەدەستدا”.

ڕاشیگەیاندووە، دوای گەیشتنی هێزەكانی پۆلیس تەرمی قوربانییەكە ڕەوانەی پزیشكی دادوەری لەشاری سلێمانی كرا.

ئاماژە بۆ ئەوەشكراوە، لەئێستاشدا لەلایەن بنكەی پۆلیسی پیرەمەگرونەوە پەڕاوی لێكۆڵینەوە بۆ ڕوداوەكە كراوەتەوە و تۆمەتباری ڕوداوەكەش بەپێی ماددەی 24ی هاتووچۆ و بەفەرمانی دادوەر ڕاگیراوە.

بەردەوام بە لە خوێندنەوە

کوردستان

ژماردنەوەی دەستی دەنگەكان لە پارێزگای دهۆك كۆتایی هات

خەڵك – بەشی هەواڵ
وتەبێژی كۆمیسیۆنی باڵای هەڵبژاردنەكانی عێراق ڕایدەگەیەنێت، پرۆسەی جیاكردنەوە و ئەژماركردنەوەی دەستی لە ناوەند و وێستگەكانی دەنگدان لە سنوری پارێزگای دهۆك كۆتایی هات و دەشڵێت: “لە پارێزگای سەڵاحەدین-یش سەرجەم ئەو سندوقانەی سكاڵایان لەسەر تۆماركراوە براونەتە هۆڵی پێشانگای نێودەوڵەتی بەغدا”.

لەیس جابر، وتەبێژی كۆمیسیۆنی باڵای هەڵبژاردنەكانی عێراق بە میدیاكانی ڕایگەیاندووە، ئەمڕۆ دوو شەممە 16ی تەمموز كۆتایی بە پڕۆسەی جیاكردنەوە و ئەژماركردنەوەی دەستی دەنگەكانی پارێزگای سەڵاحەدین هات و سەرجەم ئەو سندوقانەشی سكاڵایان لەسەرە براونەتە هۆڵی پێشانگای نێودەوڵەتی بەغدا و لەو هۆڵە پڕۆسەكە بەڕێوەچوە.

وتیشی، “هەر ئەمڕۆ پڕۆسەی جیاكردنەوە و ژماردنەوەی دەستی لە ناوەند و وێستگەكانی دەنگدان لە سنوری پارێزگای دهۆك كۆتایی هات، ئەوانەی سكاڵایان لەسەرە، لە لایەن دادوەرانەوە سەرپەرشتی تەواوی پڕۆسەكە كرا”.

بەپێی هەمواری سێیەمی یاسای هەڵبژاردنی ئەنجومەنی نوێنەرانی عێراق، كە رۆژی 6ی حوزەیران دەنگی لەسەردرا، ئەژماركردنەوەی دەستی بۆ (100%)ی دەنگەكانی سەرانسەری عێراق بەڕێوەدەچێت، بەڵام بەبڕیاری دەستەی دادوەرانی جێگرەوەی كۆمیسیۆن تەنها دەنگەكانی ئەو سندوقانە بەدەست جیادەكرێنەوە، كە سكاڵایان لەسەرە.

بەردەوام بە لە خوێندنەوە
ریکلام

کوردستان

دوایین