ئێمە لە تۆرە کۆمەڵایەتیەکان

کوردستان

یوسف محەمەد كێشەی بۆ دروست دەبێت
سەرۆكی دەستلەكاركێشاوەی پەرلەمان دەیەوێت بگەڕێتەوە سەر كاری پێشووی

خەڵك- بەشی هەواڵ
سەرۆكی دەسلەكاركێشاوەی پەرلەمانی هەرێمی كوردستان ڕایدەگەیەنێت، كە پەسەند نەكردنی دەستلەكاركێشانەوەكەی لە پەرلەمانی كوردستان كێشەی بۆ دروست كردووە و دەشڵێت: “خەلەلەكە لە پەرلەمانی كوردستاندا هەیە، كە دەسلەكاركێشانەوەی ئێمە قبوڵ نەكراوە” و جەختیشدەكاتەوە، كە دەیەوێت بگەڕێتەوە بۆ مامۆستای زانكۆ تا دەستبەكاربوونی لە پەرلەمانی عیراق.

دوای نزیكەی حەوت مانگ بەسەر پێشكەشكردنی نامەی دەسلەكاركێشانەوەی، بەڵام هێشتا پەرلەمانی هەرێمی كوردستانی-عیراق دەسلەكاركێشانەوەی (د.یوسف محەمەد) سەرۆكی پەرلەمانیان پەسەند نەكردووە، ئەگەرچی ناوبراو كاندیدی هەڵبژێردراوی پەرلەمانی عیراقە.

د.یوسف محەمەد، سەرۆكی دەستلەكاركێشاوەی پەرلەمانی كوردستان لە چاوپێكەوتنێكی لەگەڵ (بەشی كوردی دەنگی ئەمریكا) وتی، “بەڕاستی دەبوو زوو كێشەی سەرۆكایەتی پەرلەمان چارەسەربكرایە، سەرۆكێكی نوێ بۆ پەرلەمان دیاری بكرێت تا ئەو لاسەنگیەی ئێستا لەسەرۆكایەتی پەرلەمان هەیە چارەسەر بكرێت، بەڕاستی جێی داخە تا ئێستا نەیانتوانیوە دەسلەكاركێشانەوەكەی بەندە قبوڵ بكەن و سەرۆكێكی نوێ دیاری بكەن.”

ڕاشیگەیاند، “وەك كێشەی یاسایی هیچ كێشەیەكی یاسایی بۆ من دروست ناكات، چونكە بەپێی یاسای هەڵبژاردنەكانی عیراق و پەیرەوی ناوخۆی پەرلەمانی عیراق ئەگەر لەهەمانكاتدا ئەندامی هەڵبژێردراوی دوو ئەنجومەن بیت ئەگەر لەماوەیەكی دیاریكراودا یەكیان هەڵنەبژێریت ئەوا بەدەسلەكاركێشاوە دادەنرێیت لەپۆستەكەی پێشوت لەبەر ئەوە كێشەی یاسایی بۆ من دروست نابێت، چونكە لگەڵ سوێند خواردنم بە ئەندامی پەرلەمان ئەژمار دەكرێم، بەڵام من هیوادارم بەزویی سەرۆكێكی نوێ بۆ پەرلەمانی كوردستان هەڵبژێردرێت و دەسلەكاركێشانەوەی ئێمە قبوڵ بكرێت.”

دوێنێ دوو شەممە، بێگەرد تاڵەبانی، سكرتێری پەرلەمانی هەرێمی كوردستان لەبارەی هۆكاری پەسەندنەكردنی دەسلەكاركێشانەوەی سەرۆكی پەرلەمان بە (دەنگی ئەمریكا)ی ڕاگەیاندبوو، “پەسەندكردنی دەسلەكاركێشانەوەكەی سەرۆكی پەرلەمان پەیوەستە بە ڕێكەوتنی پارتی و یەكێتیەوە، چونكە دوای ڕێكەوتنەكە دەبێت ڕۆژی دواتر سەرۆكێكی نوێی پەرلەمان هەڵبژێردرێت، بەڵام هێشتا پارتی و یەكێتی ڕێك نەكەوتوون.”

لای خۆشیەوە د. یوسف محەمەد ڕەتی كردەوە گۆڕان كاندیدی هەبێت بۆ ئەو پۆستە و وتی، “بزوتنەوەی گۆڕان بڕیاریداوە بكشێتەوە لە حكومەت و سەرۆكایەتی پەرلەمان، ئێمەش دەسلەكاركێشانەوەی خۆمان پێشكەشكردووە و هیچ بڕیارێكی نوێ لەو بارەیەوە نیە ئەوەشی پەیوەندی بەڕێكەوتنی پارتی و یەكێتی یا هەر لایەنێكی دیكەوە هەیە ئەوە هیچ پەیوەندی بەئێمەوە نیە ، بەڵام بەڕاستی ئەوە خەلەلەكە لە پەرلەمانی كوردستاندا هەیە، كە دەسلەكاركێشانەوەی ئێمە قبوڵ نەكراوە و سەرۆكێكی نوێ بۆ پەرلەمانی كوردستان دیاری نەكراوە هەرچەندە هەرخۆی پەرلەمان لەقەیراندایە، چونكە ئێستا لەماوەی درێژكراوەی خۆیدایە ئەوەش لەڕووی شەرعیەتی دیموكراسیەوە ئەو پڕۆسەیە خۆی لەژێر پرسیاردایە، هیوادارم بەزویش هەڵبژاردنی پەرلەمانی كوردستان ئەنجام بدرێت و پەرلەمانێكی نوێ لە كوردستان دەست بەكاربێت.”

د.یوسف محەمەد ئەو دەنگۆیانەی ڕەتكردەوە، كە باس لەوە دەكرێت پەسەندنكردنی دەسلەكاركێشانەوەكەی وەك جۆرێك لەسزا بێت بۆ خۆی و بزوتنەوەكەی “پەیوەندی بەمنەوە نیە كێشەكە هەرچیە، بەڵام ئەوەی كەمن تێی گەیشتبێتم ئەوەیە نەتوانراوە كێشەی دیاریكردنی سەرۆكێكی نوێ چارەسەر بكەن، من وای نابینم بۆ سزادانی من یا بزوتنەوەی گۆڕان بێت سزای چی؟ تا ئێستا دەسلكاركێشانەوەی منیان قبوڵ نەكردووە و من سەرۆكی پەرلەمانم بەفەرمی، ئەوەندەی بەكێشەیەكی ناو پەرلەمانی كوردستانی دەبینم ئەوەندە بە كێشەی شەخسی نابینم.”

د.یوسف محەمەد بەپێكەنینەوە ئەوەشی وت، “(تا ئێستاش من بە فەرمی سەرۆكی پەرلەمانی كوردستانم، مافی ئەوەم هەیە وەك سەرۆكی پەرلەمان كاری ڕۆژانە بكەم) بەڵام وەك مەبدەئی خۆم لەو ڕۆژەوەی دەستلەكاركێشانەوەم پێشكەش كردووە هیچ كارێك و هیچ وتەیەكم بەناوی سەرۆكی پەرلەمانەوە نەبوە و نەكردووە، لەهیچ شوێنێكیش نوێنەرایەتی پەرلەمانیشم نەكردووە دەوامیشم نەكردووە.”

د.یوسف محەمەد لە كۆتایی قسەكانیدا ئاماژەی بەو كێشەیە كرد، كە بەهۆی پەسەندنەكردنی دەسلەكاركێشانەوەكەی بۆی دروست بووە و وتی، “كێشەیەك، كە ئێستا هەمبێت ئەوەیە ناتوانم لەهەرێمی كوردستان من كارێكی تر بكەم، من نایشارمەوە ئەگەر ئەم دەسلەكاركێشانەوەیەم زوو پەسەندبكرایە ئەوە هەوڵم دەدا بگەڕێمەوە بۆ زانكۆ تا پەسەندكردنی ناوی پەرلەمانتارانی عیراق، وەك مامۆستایەكی زانكۆ دەستم دەكردەوە بەكارەكانی خۆم ئەوە لەو ڕوەوە كێشەم بۆ دروست بووە بەڕاستی، واتە ئێستا ناتوانم هیچ كارێكی تر بكەم لەهەرێمی كوردستان .”

ڕۆژی ٢٦-١٢-٢٠١٧، دكتۆر یوسف محەمەد، سەرۆكی پەرلەمانی هەرێمی كوردستان- عیراق لە پشكی بزوتنەوەی گۆڕان، لەبەردەم ڕۆژنامەنوساندا لەشاری سلێمانی نامەی دەسلەكاركێشانەوەی خۆی خوێندەوە و ڕایگەیاند، “دەسلەكاركێشانەوەكەی پێشكەشی پەرلەمانی هەرێمی كوردستان كردووە.”

کوردستان

لە پێنجوێن ئەندامێكی كۆمەڵەی مافی مرۆڤی كوردستان كوژرا

خەڵك- بەشی هەواڵ

لەشاری پێنجوێنی باشوری كوردستان ئەندامێكی كۆمەڵەی مافی مرۆڤی كوردستان كوژرا.

كۆمەڵەی مافی مرۆڤی كوردستان لە راگەیەندراوێكدا كە وێنەیەكی بۆ (خەڵك) نێردراوە، ئاشكرای كرد “ئیقباڵ مورادی، چالاكی ناسراوی كورد، باوكی بەندكراوی سیاسی كورد مەحكوم بە سێدارە ” زانیار مرادی ” و ئەندامی ڕێوەبەری كۆمەڵەی مافی مرۆڤی كوردستان KMMK لەشاری پێنجوێن لە باشوری كوردستان بووە ئامانجی كردەوەی تیرۆریستی و لە ئاكامدا گیانی لەدەست دا”.

كۆمەڵەی مافی مرۆڤی كوردستان راشیگەیاندووە “تەرمی بێگیانی ئیقباڵ مورادی لە دەوری كاتژمێر ۲۳:۳۰ سێ شەممە لە نزیك چەمی پێنجوێن ناسراوەتەوە. بە پێی شاهێدان تەرمی كاك ئیقباڵ جێگای حەوت فیشەكی پێوە بینراوە”.

ئیقباڵ مورادیان چالاكی سیاسی پێشوو، چالاكی بواری مافی مرۆڤ و ئەندامی بەڕێوەبەری كۆمەڵەی مافی مرۆڤی كوردستان، باوكی بەندكراوی سیاسی مەحكوم بە سێدارە ” زانیار مورادی” و مامی ” لوقمان مورادی ” بەندكراوی دیكەی مەحكوم بە سێدارە بوو كە لە تەمەنی لاویەتیەوە لە شۆڕشی حزبە سیاسیەیكانی كوردستان بەشدار بوو و ژیانی خۆی لەسەر خزمەت بە داهاتی گەلی كورد بەخت كرد.

بەپێی راگەیەندراوەكە “ئیقباڵ مورادی پێشتر لە ساڵی ۱۳۸۷ لە نزیك شاری پێنجوێن كرایە ئامانجی كردەوی تیرۆریستی و باش بریندار بون و گەیاندنی بۆ نەخۆشخانە لە مردن رزگاری بوو”.

كۆمەڵەی مافی مرۆڤی كوردستان، سەرخۆشی و پەژارەی خۆی لەسەر تیرۆر و گیان لەدەستدانی ئەم چالاكە ناسراوەی كورد بۆ بنەماڵە و كۆمەڵگای كوردستان رادەگەیەنێت.

كۆمەڵەی مافی مرۆڤی كوردستان تیرۆری ئەم ئەندامەی خۆی بە توندی ئیدانە دەكات و داوا لە حكومەتی هەرێمی كوردستان دەكات بە زوترین كات دەست و پەیوەندییەكانی ئەم تاوانە بدۆزێتەوە و لە دادگەیەكی بەرابەردا موحاكمە بكرێن.

بەردەوام بە لە خوێندنەوە

کوردستان

لە باشوری كوردستان گرووپێكی دیكەی چەكدار شەڕی لە دژی توركیا راگەیاند

خەڵك- بەشی هەواڵ
گروپێكی دیكەی چەكداری نزیك لە پەكەكە چووە مەیدانی جەنگ لە دژی سوپای توركیا لە باشوری كوردستان و بە گوتەی خۆیان باشوری كوردستان لە هێرشی توركیا دەپارێزن.

گرووپە چەكدارەكە وەك خۆیان دەڵێن سەر بە “پارتی ماركسیست لینینیست كۆمۆنیست، مەلەكەپە فەسك (MLKP- FESK)”ن و راگەیەندراوێكیان بڵاوكردووەتەوە.

بەپێی راگەیەندراوەكە، دیجلە ئاواز شەڕڤانی مەلەكەپە/كەی كەی ئۆ (MLKP/KKO ) ڕایگەیاندووە “وەك گەریلاكانی مەلەكەپە، لە دژی هێرشە داگیركەرییەكانی سووپای توركیا بۆ سەر باشووری كوردستان دەبنەوە. لەگەڵ هاوڕێكانماندا ئێمەش جێگەی خۆمان لە سەنگەرەكانی شەڕدا دەگرین”.

ئاشكراشیكرد “شوێنپێی شەهیدەكانمان لە زۆربەی ناوچە ئازادەكاندا هەیە. ئۆزگیور ڕێناس خوێنی خۆی تێدا ڕژاندووە. ڕۆزا ڕێناسیش گیانی خۆی تێدا فیدا كردووە. لەبەرئەوە ئێمە ناهێڵین سووپای داگیركەر و فاشیستی توركیا ناوچە ئازادەكان پیس و گڵاو بكات. ئێمە ناهێڵین هێزە داگیركەرەكان و نۆكەرەكانیان دەربازی ناو ئەو ناوچانە ببن كە بە خوێنی هەزاران شەهید ئازاد كراون”.

دیجلە ئاواز یەكێكی لە ئەندامەكانی گرووپە چەكدارەكە دەڵێـت “گەریلا ژنەكانی مەلەكەپە هەر وەك چۆن جێگەی خۆیان لەناو بەرخۆدانی خۆبەڕێوەبەریدا گرت و شۆڕشی ژنیان لە ڕۆژئاوا پاراست، ئاوەهاش بەشێكن لە پاراستنی هەرێمەكانی پاراستنی مەدیا”.

وتیشی “ئێمە ڕۆحی فیدایی ئارین و ساریا لە كۆبانێ و ئاڵای هاوڕێیان بەرچەم و ئەكین-ین كە لە ئەستەمبوڵ لە پاراستنی بارەگادا، یەكینەی گیانبەختكردوانیان ئافراند. ئەمڕۆش لە هەرێمەكانی پاراستنی مەدیا ئاڵای ئەو هەڤاڵانە بەرز دەكەینەوە. ئێمە هەر بستێكی خاكی هەرێمەكانی پاراستنی مەدیا، هەتا دواین دڵۆپی خوێنی خۆمان، هەتا دواین فیشەكی چەكەكانمان، دەپارێزین. ئێمە ناهێڵین شۆڕشی ژن لە ڕۆژئاوا و ناوچە ئازادەكانمان لەلایەن داگیركەرانی فاشیستەوە دەستیان بەسەردا بگیرێت. ئێمە ناهێڵین كە شۆڕشەكەمان شكست بهێنێت”.

لە ماوەی 27ی ساڵی رابردوودا لە ناوچە سنورییەكانی باشوری كوردستان لەگەڵ باكور و رۆژهەڵاتی كوردستان بەردەوام لە نێوان گرووپە چەكدارە جیاوازەكان و دەوڵەتانی ئێران و توركیادا شەڕ و ئاڵۆزی هەبووە.

بەهۆی ئەو شەڕ و ئاڵۆزییانەوە ناوچەیەكی زۆری سنوری باشوری كوردستان چۆڵكراوە و وێران بووە و خەڵكەكەی ئاوارەبوون، جیا لە كوژران و برینداربوونی سەدان هاووڵاتی.

بەردەوام بە لە خوێندنەوە

کوردستان

یەپەگە كوژرانی دوازدە سەرباز و چەكداری توركیای راگەیاند

خەڵك- بەشی هەواڵ
ناوەندی راگەیاندنی یەكینەكانی پاراستنی گەل (یەپەگە) كوژرانی دوازدە سەرباز و چەكداری سەر بە توركیاى لە شەڕ و پێكدادانەكانی ناوچەی عەفرین راگەیاند.

پەیەگە رایگەیاند “هێزەكانمان لە رۆژانی ١١ تاوەكو ١٥ی تەمووز لە عەفرین لە دژی سوپای توركیای داگیركەر و گروپە چەتەكانی، چالاكییان ئەنجامدا. لە چالاكییەكاندا ٩ سەرباز و ٣ چەتە كوژراون”.

راشیگەیاندووە “هێزەكانمان رۆژی ١١ی تەمووز لەسەر رێگای گوندی باسل لە ناوچەی شەرای عەفرین لە دژی ئۆتۆمبێلێكی سەربازیی سوپای توركیا چالاكییەكیان ئەنجامدا. لەو چالاكییەدا ٣ ئەفسەری سوپای توركیا و ٥ سەرباز كوژران”.

ئاماژەی بەوەشكردووە “هێزەكانمان رۆژی ١٣ی تەمووز لە دژی ئۆتۆمبێلێكی سەربازیی توركیا كە چەتەكانی فیرقەی حەمزەی تیادا بوو، چالاكییەكیان ئەنجامدا. ئەو چالاكییە لە نزیك گوندی كیمارێ ئەنجامدرا و لە ئەنجامدا سەربازێك و ٢ چەتە كوژران و سەربازێكی تریش بریندار بوو”.

ئەوەشی خستەڕوو “هێزەكانمان رۆژی ١٤ی تەمووز گورزیان لە ئۆتۆمبێلێكی سەربازی وەشاند، كە چەتەكانی گروپی بەسراویی تیدا بوو. لەو چالاكییەدا ٤ چەتە بە قورسی برینداربوون”.

دەشڵێت “هێزەكانمان رۆژی ١٥ی تەمووز بۆسەیەكیان لەسەر رێگای ئۆتۆمبێلێكی چەتەكانی فەیلەقی شام دانا، كە سەرچەتەیەك بە ناوی محەمەد ئەحمەد – ی تیادا بوو. چالاكییەكە لە نێوان ناوەندی شاری عەفرین و گوندی قتمە ئەنجامدرا. لە چالاكییەكەدا، كە بە قەناس ئەنجامدرا، ئەو سەرچەتەیە كرایە ئامانج و كوژرا”.

بەردەوام بە لە خوێندنەوە
ریکلام

کوردستان

دوایین