ئێمە لە تۆرە کۆمەڵایەتیەکان
ریکلام

ئابوری

رۆژنامەیەك: بەشێك لە وەزیر و پەرلەمانتارەكانی گۆڕان ڤێلا و شوقەى گرانبەها دەكڕن

خەڵك- بەشی هەواڵ

بەرپرسەكانی گۆڕانیش هاوشێوەی بەرپرسانی یەكێتی و پارتی دوای وەرگرتنی پۆستی باڵا و خانەنشینبوونیان دەڵەمەند دەبن و دەبنە خاوەنی باخ و ڤێلا و شوقەی گرانبەها، بەشێوەیەك ژمارەیان زۆر كەمە ئەوانەی لە نێو گۆڕاندا پەرلەمانتار، وەزیر یان پۆستی باڵایان وەرگرتبێت و موڵكی گرانبەهایان نەكڕی بێت و خاوەنی چەندین ئۆتۆمبیل و پاسەوانی تایبەت نەبن.

بزوتنەوەی گۆڕان لەسەرەتا وابڵاوكرایەوە كە بۆ ئەوە دروستكراوە بەرگری لە مافی خەڵك بكات و دژایەتی گەندەڵی بكات و حزبێكی نوێ و سەردەمیانە دەبێت، بەڵام هەر لەسەرەتای دروستبونیەوە جۆرێك لە پاشەكشەی پێوەدیار بوو، ئەوەیش وایكرد بە تێپەڕبوونی كات بەشێكی دروستكەر و بەرپرسانی بزوتنەوەكە چوونە دەرەوە.

رۆژی 21 كانوونی دووەمی 2012 و تەنها سێ‌ ساڵ دوای دەستبەركابوونی خولی سێهەمی پەرلەمان كە بزوتنەوەی گۆڕان 25 كورسی بەدەستهێنا، نەوشیروان مستەفا، رێكخەری كۆچكردوی بزوتنەوەی گۆڕان نامەیەكی بڵاوكردەوە و داوای لە چوار پەرلەمانتاری فراكسیۆنی گۆڕان كرد دەستلەكاربكێشنەوە، بەهۆی داواكاری ئەوان بۆ كڕینی شوقەكانی پەرلەمان و ئەوەیش توڕەی نەوشیروان مستەفای لێكەوتەوە و بۆی نوسیبون”ئەگەر دەستلەكارنەكێشنەوە، لە فراكسیۆنی گۆڕان دەردەكرێن”.

لە دوای ئەوە رووداوەیش ناوەناوە چەند بەرپرسێكی گۆڕان، چونەتە نێو یەكێتی و پارتی یان لە وەرگرتنی پارە و موچەی قەبەدا هەمان رۆڵی سەركردەكانی یەكێتی و پارتییان هەبووە، بۆ نمونە لە ساڵی 2013، لە كۆی 25 پەرلەمانتاری گۆڕان، تەنها یەك پەرلەمانتاریان ئامادەنەبوو بڕی “49” ملیۆن دینار وەربگرێت.

بەپێی دواین زانیارییەكان وەرگرتنی موچەی قەبە و ئیمتیازاتی زۆر ناكۆكی لە نێوان بەرپرسانی گۆڕاندا دروستكردووە، بەتایبەتی هەندێك لە كادیرانی گۆڕان بەهۆی پۆستەكانیانەوە زۆر دەوڵەمەند بوون و چەندین موڵكی گەورەیان لە سنوری سلێمانی و هەولێر كڕیووە.

رۆژنامەی “ژیان” بڵاوی كردەوە، كە گروپێكی چاتی تایبەتی هەیە كە ئەندامانی خانەی راپەڕاندن‌و جڤاتی نیشتیمانی ئەندامن تێیدا، رۆژانە باس لە كێشەكانی ناو بزووتنەوەی گۆڕان دەكرێت‌و بەتایبەت بابەتی سەروەت‌و سامانی چەند بەرپرسێك. بەپێی وتوێژی ناو گروپە چاتەكە، لە قەیوان ستی سلێمانی پەرلەمانتارێكی پێشووی بزووتنەوەی گۆڕان لە پەرلەمانی كوردستان‌و وەزیرێكی بزووتنەوەكەو پەرلەمانتارێكی ئەنجوومەنی نوێنەرانی عێراق خانو و ڤێلایان كڕیوە كە نرخیان نزیكەی ملیۆنێك دۆلار دەبێت.

لەلایەكی ترەوە لە شاری هەولێر پەرلەمانتارێكی بزووتنەوەكە لە پەرلەمانی كوردستان لە شاری هیوا ستی ڤێلایەكی كڕیوە كە زەویەكە چوار سەد مەترەو سێ لای شەقامە.

هاوكات بەپێی هەندێك زانیاریی دیكە ژمارەیەك بەرپرسی بزوتنەوەی گۆڕان كە لە بەغدا كاربەدەست بوون لە چوار ساڵی رابردوودا دەستیان كردووە بە كڕینی باخ و ڤیلا لە سنووری ناوچەی شارباژێڕدا.

لەوبارەیەوە كوێستان محەمەد، ئەندامی جڤاتی نیشتیمانی گۆڕان رەتیكردەوە، كە لە ناو گۆڕاندا هیچ بەرپرس و كەسێك دەوڵەمەند بوبێت”ئەوە نەیاران و دوژمنانی گۆڕان ئەو درۆیانە بڵاودەكەنەوە”.

ناوبراو بۆ (خەڵك) رەتیشیكردەوە، كە لە نێو گۆڕاندا كەس لەسەر دزی دەركرابێت، وتیشی”لە خولی ئێمەدا دوو پەرلەمانتار دەركران لەسەر داواكاری كڕینی شوقەكان بوو، وەزیرێكیش ئێستایش هەر وەزیرە دەرنەكراوە، بەڵكو خۆی وتویەتی گۆڕان نییە، ئیتر نازانم كەس دەرنەكراوە و كەسیش دەوڵەمەند نەبووە، بیرە نەوتی هەبێت و قەسر و قەمەرەی بەدواوە بێت”.

(خەڵك) زانیویەتی كە وەزیر و پەرلەمانتارەكانی گۆڕان چەندین موڵكی گرانبەهایان لە نێو سلێمانیدا كڕیوە، بەتایبەتی لە “گاردن ستی” و “گوندی ئەڵمانی” و زۆربەی ئەوانەیش پێشتر رۆژنامەنووس یان مامۆستا بوون و داهاتێكی سنورداریان هەبووە پێشتر.

ریکلام

ئابوری

خشتەیەكی دیكەی دابەشكردنی مووچە بڵاوكرایەوە

خەڵك – بەشی هەواڵ
وەزارەتی دارایی و ئابوری حكومەتی هەرێمی كوردستان ڕایدەگەیەنێـت، لە ماوەی سێ ڕۆژی داهاتوودا سەرجەم خانەنشینان مووچە وەردەگرن، دەشڵێت: “ڕۆژی پێنج شەمە مووچەی خانەنشینی (شارستانی و پۆلیس و سەربازی) دابەشدەكرێت”.

بانكی كفری سەر بە وەزارەتی دارایی و ئابوری حكومەتی هەرێمی كوردستان خشتەیەكی مووچەی بڵاوكردۆتەوە، كە وێنەیەكی دەست (خەڵك) كەوتووە و تێیدا ڕایگەیاندووە، سبەی سێ شەممە 25/9/2018 مووچەی (خانەنشینی پێشمەرگە و خانەنشینی ئەیلول) دابەشدەكرێت.

ڕاشیگەیاندووە، ڕۆژی چوار شەممە 26/9/2015 مووچەی خانەنشینی كرێكاران شارستانی دابەشدەكرێت، ڕۆژی پێنج شەممە 27/9/2018 مووچەی خانەنشینی (شارستانی و پۆلیس و سەربازی) دابەشدەكرێت.

هاوكات سەرچاوەیەك لە گەنجینەی سلێمانی بە (خەڵك)ی ڕاگەیاند، لەم هەفتەیەدا مووچەی تەواوی فەرمانبەران و خانەنشینان دابەشدەكرێت و كۆتایی بە دابەشكردنی مووچە دێت.

بەردەوام بە لە خوێندنەوە

ئابوری

نرخی نەوت گەیشتە نزیكەی 81 دۆلار

خەڵك- بەشی هەواڵ
نرخی نەوت لە ماوەی چوار ساڵی ڕابردوودا بەرزترین نرخی تۆمار كرد و گەیشتە نزیكەی 81 دۆلار.

دوابەدوای بڕیارەكەی وڵاتانی ڕێكخراوی ئۆپیك بۆ زیادكردنی بڕی هەناردەی نەوت بە ڕێژەیەكی كەم سەرەڕای فشارەكانی دۆناڵد ترەمپ، سەرۆكی ئەمریكا بۆ زیادكردنی ڕێژەیەكی زۆری نەوت لە بازاڕەكان بۆ قەرەبوو كردنەوەی ڕاگرتنی نەوتی ئێران، كە بە بڕیاری ترەمپ لە مانگی 11ی ئەمساڵەوە جێبەجێ‌ دەكرێت تاوەكو نرخەكەی بەرزنەبێتەوە، بەڵام ئەمڕۆ نرخەكەی بەرزبووەوە.

بەپێی ڕاپۆرتێكی ماڵپەِی (فیكس نیوز تودەی) ئەمڕۆ دوو شەممە نرخی نەوت لە بازاڕەكانی جیهان بەرزبووەوە و ئەمەش بە بەرزترین ئاست دادەنرێت لە دوای نانگی 11ی ساڵی 2014-ەوە، كە نرخەكەی بۆ نزمترین ئاست شكا.

وەك ماڵپەڕەكە ڕاشیگەیاندووە، نرخی بەرمیلێك نەوتی برێنت گەیشتۆتە 80 دۆلار و 94 سەنت و بەوەش بڕی 2.05 دۆلار چۆتە سەر بەهاكەی بەراورد بە ڕۆژی هەینی ڕابردوو.

هاوكات نرخی نەوتی سووك (لایت سویت كرود) بە بڕی 1.52 دۆلار بۆ هەر بەرمیلێك زیادی كردووە و بۆ 72.30 دۆلار بەرزبۆتەوە.

ئەمە لەكاتێكدایە، كە لیژنەی هاوبەشی ئۆپیك و وڵاتانی بەرهەمهێنەری دەرەوەی ئەو ڕێكخراوە ڕایانگەیاند، كە دڵخۆشن بە ئایندەی بازاڕی نەوت و دروستكردنی هاوسەنگی لەنێوان خواست و خستنەڕوو.

لای خۆشیەوە، خالید فالح، وەزیری وزەی سعودیە، كە یەكەم وڵاتی بەرهەمهێنەری نەوت لە ئۆپیك ڕایگەیاندووە، كە وڵاتانی نەوتی لە “كاتی گونجاودا” هەنگاو دەنێن بۆ زیادكردنی بەرهەمی نەوت ئەوەش وەك وەڵامێك بۆ داواكەی ترەمپ لە ڕێكخراوی ئۆپیك بۆ زیادكردنی بڕی نەوتی خاو.

بەردەوام بە لە خوێندنەوە

ئابوری

بەهۆی كێشەیەكی هونەری دابەشكردنی نەوت ڕادەگیرێت

خەڵك – بەشی هەواڵ
لیژنەی دابەشكردنی سوتەمەنی لە پارێزگای هەڵەبجە ڕایدەگەیەنێت، بەهۆی بوونی كێشەیەكی تەكنیكیەوە، سبەینێ نەوت لەهەڵەبجە دابەش ناكرێت و ڕۆژی چوار شەممە دەست بەدابەشكردنی نەوت دەكرێتەوە.

لیژنەی دابەشكردنی سوتەمەنی لە پارێزگای هەڵەبجە لە ئاگادارییەكدا، كە وێنەیەكی دەست (خەلك) كەوتووە ڕایگەیاندووە، دابەشكردنی نەوت بۆ ئەو ماڵانەی تا ئێستا نەوتیان وەرنەگرتووە بەردەوامە، بەڵام تەنها سبەی دابەشناكرێت.

ئاماژە بۆ ئەوەشكراوە، سبەی سێ شەممە 25ی ئەیلول 2018 بەهۆی بوونی كێشەیەكی تەكنیكیەوە، نەوت لەهەڵەبجە دابەش ناكرێت و ڕۆژی چوار شەممە دەست دەكرێتەوە بەدابەشكردنی نەوت.

بەردەوام بە لە خوێندنەوە
ریکلام
ریکلام
ریکلام

کوردستان

دوایین