لە سلێمانی بە سیستمی وزەی خۆر كارەبا بەرهەم دەهێنرێت
خەڵك- كۆمپانیایەکی کەرتی تایبەت لە پارێزگای سلێمانی لەڕێگەی…
زیاترسەردێر
-
خەڵك- پەرلەمانتارێكی سائیرون دەڵێت، حكومەت بەپێی دەستور، لایەنی بەرپرسە لە ئامادەكردنی بودجە و لە بودجەی ئەمساڵیشدا حكومەتی فیدراڵ بەنیازە شایستە داراییەكانی هەرێم لە 2014وە بۆ 2018 ڕادەستی هەولێر بكات. ڕیاز مەسعودی، پەرلەمانتاری هاوپەیمانی سائیرون بە (خەڵك)ی ڕاگەیاند:"یەكێك لە كێشەكانی بەردەم پەسەندكردنی پرۆژە یاسای بودجەی گشتی 2021، ئەوەیە كە حكومەت دەیەوێت شایستە داراییەكانی هەرێم لە 2014وە تا 2018 ڕادەستی هەولێر بكات، بەپێی دەستوریش، حكومەت بەرپرسە لە ئامادەكردنی پرۆژە یاسای بودجە". بە وتەی مەسعودی:"حكومەتی عیراقی لە پرۆژە یاسای بودجەدا دیاریی كردووە كە شایستە داراییەكانی هەرێم لە 2014وە بۆ 2018 ڕەوانە دەكات، تا لەبەرانبەردا حكومەتی هەرێم پارەی 250 هەزار بەرمیل نەوتی ڕۆژانە ڕادەستی بەغدا بكات، بەو واتایەی دەبێت حكومەتی فیدراڵ نزیكەی 30 ترلیۆن دینار بداتە هەرێم، ئەمەش لەلایەن فراكسیۆنە سیاسییەكانەوە ڕێگری لێدەكرێت و ڕەتكردەكرێتەوە".
-
خەڵك- بەڕێوبەری بازرگانی و خۆراك لە سلێمانی ڕایدەگەیەنێت ، بۆ ساڵی 2021 دەستیان بە دابەشكردنی بەشە شەكری وەجبەی یەكەم كردووە، لەناوشار دابەشكراوە و هەفتەی داهاتووش دەرەوەی شار دەستپێدەكات. شەوكەت محەمەد ئەحمەد، بەڕێوبەری بازرگانی و خۆراك لە سلێمانی بە (خەڵك) ی ڕاگەیاند ، بەردەوامن لە دابەشكردنی ئەو بەشە خۆڕاكەی لە عیراقەوە دەگاتە دەستیان بەسەر هاووڵاتیاندا . وتیشی ،"بۆ ئەمساڵ تەنها شەكر هاتووە وەك وەجبەی یەكەمی 2021 ، كە مانگی شوبات دەستپێدەكات و لە ئێستادا دابەشكردنیان لەناو سەنتەری سلێمانی دەستپێكردووە و لە هەفتەی داهاتووە و دەرەوەی شاریش دەست پێدەكات". ڕاشگەیاند، بۆ هەردوو بەشە خۆراكەكەی وەك برنج و زەیت چاوەڕێن لە بەغداوە بگاتە دەستمان و دەست بە دابەشكردنی بكەین، بەڵاًم لە ئێستادا ئەو دوو بەشە خۆراكەمان بۆ نەهاتووە و بەم نزیكانە ئەویش دێت .
-
حەڵك- پەرلەمانتارێك پێشنیار دەكات، نرخی دۆلار بگێڕدرێتەوە بۆ نرخەكە كۆنەكەی و بكرێتەوە بە 1200 دینار بۆ هەر دۆلارێك، بەبێ ئەوەی كاریگەریی لەسەر پارەی زیادەی سەر بودجە دروست ببێت لە ئەنجامی گۆڕینی نرخی خەرجی نوێ. ئینعام خوزاعی، ئەندامی پەرلەمانی عیراق، لە تویتێكیدا لەسەر تۆڕی كۆمەڵایەتی (تویتەر) ڕایگەیاندووە" دەكرێت نرخی دۆلار بگێڕدرێتەوە بۆ نرخەكە كۆنەكەی و بكرێتەوە بە 1200 دینار بۆ هەر دۆلارێك، بەبێ ئەوەی كاریگەریی لەسەر پارەی زیادەی سەر بودجە هەبێت كە لەئەنجامی گۆڕینی نرخی خەرجی نوێ پەیدا دەكرێت". بە وتەی خوزاعی"مستەفا كازمی سەرۆك وەزیران دەڵێت، بەرزكردنەوەی نرخی خەرجی دۆلار بۆ 1450، بڕی 10 ترلیۆن دینار بۆ بودجە زیاد دەكات، بە هەمان شێوە بەرزكردنەوەی نرخی نەوت لە 45 دۆلارەوە بۆ 52 دۆلار، 10 ترلیۆن دینار بۆ سەر بودجە زیاد دەكات، بۆیە دەكرێت نرخی دۆلار بۆ نرخی پێشووی بگێڕێتەوە، بەبێ ئەوەی زیان بە داهاتی هەژاران و چینی مامناوەند بگات". پێشتر مازن فەیلی، ئەندامی لیژنەی ئابوری و وەبەرهێنان لە پەرلەمانی عیراق لە لێدوانێكی ڕۆژنامەوانیدا ڕایگەیاند”واژۆی 113 پەرلەمانتار كۆكراوەتەوە بۆ كەمكردنەوەی نرخی دۆلار بۆ 130 هەزار دینار لە بودجەدا”.
-
خەڵك- ئیدارەی كەلوپەلی پزیشكی نێودەوڵەتی وڵاتی چین ڕایدەگەیەنێت، دوو جۆری دیكەی ڤاكسینی كۆرۆنایان لەلایەن دوو كۆمپانیای سەر بە پەیمانگای بایلۆجی ووهان بەرهەمهێنا بەمەش ئەو ووڵاتە 4 جۆر ڤاكسینی بۆ كۆرۆنا پێشكەشی جیهان كردووە . ئیدارەی كەلوپەلی پزیشكی نێودەوڵەتی چین ئەمڕۆ پێنج شەممە 25ی شوباتی 2021 لە ڕاگەیەنراوێكدا بڵاویكردەوە، جارێكی دیكە وڵاتەكەی بە پەڕۆژەوە بۆ جیهانێكی تەندروست بۆ هەموو مرۆڤایەتی بەكارهێنانی دوو جۆر ڤاكسینی دیكە لە دژی كۆڕۆنا دەخاتە بەردەست و كە دروستكراوی نێوخۆیی ئەو وڵاتەیەو بەم دوو جۆرەشەوە چین تا ئێستا 4 جۆر ڤاكسینی كۆرۆنای بەرهەم هێناوە . لە ڕاگەیەنراوەكەداهاتووە، هەردوو كۆمپتنیای سانسینۆ بیۆلۆجیكس و چاینا ناشیۆناڵ فارماسێتیكاڵ-ی سەربە پەیمانگای بایلۆجی ووهان ئەو دوو جۆرە نوێیەیان لە ڤاكشسینی كۆرۆنا بەرهەمهێناوە. هەر لە ڕاگەیەنراوەكەدا ئەوەشخراوەتەڕوو، كە سەرجەم ڤاكیسینە بەرهەمهێنراوەكانی وڵاتەكەی ڕیژەی سەركەوتیان لە دژی كۆرۆنا دڵخۆشكەرە.
-
خەڵك هێزەكانی پاراستنی گەل ڕایدەگەیەنێت، فڕۆكە جەنگییەكانی توركیا لە پێنج ڕۆژدا، نزیكەی ٢٠جار ناوچەكانی هەرێمی میدیایان بۆردومان كردوە. ناوەندی چاپەمەنی و ڕاگەیاندنی هێزەكانی پاراستنی گەل هەپەگە، لە ڕاگەیەنراوێكدا بڵاوی كردەوە، كە سوپای توركیا، كە لە گارا شكستی پێهێنرا، بە فڕۆكەی جەنگی ناوچەكانی هەرێمی میدیای بۆردومان كرد و هێزەكانیان لە بۆردومانەكان سەلامەت بوون . ئاماری بۆردومانەكانیش، بەمشێوەیە دەخاتەڕوو: – ڕۆژی ٢٠ی شوبات كاتژمێر ١١:١٠ فڕۆكە جەنگییەكانی دەوڵەتی تورك، دووجار ناوچەی مێرڤانۆسی هەرێمی ئاڤاشینیان بۆردومان كرد. -لە ٢٣ی شوبات لەنێوان كاتژمێر ١١:٠٠ بۆ ١٣:٠٠ فڕۆكە جەنگییەكان، شەش جار گوندی دێریكی سەر بە ناوچەی چەمانكی دهۆكیان بۆردومان كرد. -ڕۆژی ٢٣ی شوبات كاتژمێر ١٣:٤٠ فڕۆكە جەنگییەكان، دوو جار گوندی كانینی سەر بە قەزای ئامیدێیان بۆردومان كرد. -ڕۆژی ٢٣ی شوبات كاتژمێر ١٤:٠٠، فڕۆكە جەنگییەكان، دووجار دەوروبەری ڕووباری زاپیان بۆردومان كرد. -ڕۆژی ٢٣ی شوبات كاتژمێر ١٤:٠٠ فڕۆكە جەنگییەكان، دووجار ناوچەی كاری هەرێمی زاپیان بۆردومان كرد. -لە ٢٤ی شوبات لە كاتژمێر ٠٩:٢٠ بۆ ٠٩:٣٠ فڕۆكە جەنگییەكان، ناوچەی سێرێ مێتینای هەرێمی مێتینایان بۆردومان كرد. -لە ٢٤ی شوبات لەنێوان كاتژمێر ١٢:٠٠ بۆ ١٣:٣٠، گردەكانی ساڤاش، زێرگڵ، هیوا، كەناراوەكانی گوندی كۆزل، گوندی بێپالان، گوندی كالاتۆكا و گوندی توتمی بناری قەندیل بۆردومان كران. -لە ٢٤ی شوبات لەنێوان كاتژمێر ١٢:٣٠ بۆ ١٣:٥٠ فڕۆكە جەنگییەكان، ڕووباری لۆلان، گردی بەربیزەینە و ناوچەی گۆشینی خواكوركیان بۆردومان كرد و لە كاتژمێر ٢٠:٠٠ی هەمان ڕۆژ، فڕۆكە جەنگییەكان دەوروبەری ڕووباری لۆلانیان بۆردومان كرد.
-
خەڵك- ئەمیندارێتی گشتی ئەنجومەنی وەزیرانى عيراق لیژنەیەك بۆ ئاشكراكردنی كاریگەریی گۆڕینی نرخی خەرجی دۆلار لەبەرانبەر دیناری عیراقیدا، پێكدەهێنێت. ئەمڕۆ پێنج شەممە، میدیاكانی عیراق لە زاری حەیدەر مەجید، وتەبێژی ئەمیندارێتی ئەنجومەنی وەزیرانی عیراقەوە بڵاویان كردەوە"ئەنجومەنی وەزیران بڕیاریداوە لیژنەیەك بۆ ئاشكراكردنی كاریگەریی گۆڕینی نرخی دۆلار لەبەرانبەر دیناری عیراقیدا پێكبهێنێت". بە وتەی حەیدەر مەجید"ئەنجومەنی وەزیران فەرمانی بە لیژنەكە كردووە، ڕاسپاردەكانی لەماوەی یەك مانگدا بەرزبكاتەوە، یەكێك لە ئەركەمكانی لیژنەكەش، دۆزینەوەی ڕێگەچارە و پێشنیارە سەبارەت بە پرۆژەكانی وەبەرهێنان".
-
خەڵك- بەڕێوەبەرایەتی هەواڵگری سەربازی وەزارەتی بەرگری عیراق ڕایدەگەیەنێت ، لەلایەن هێزەكانیانەوە تیرۆرستێكی سەر بە ڕێكرخراوی تیرۆرستی داعشیان لە بەشی چەپی موسڵ دەستگیر كردووە. بەڕێوەبەرایەتی هەواڵگری سەربازی وەزارەتی بەرگری عیراق لە ڕاگەیەنراوێكدا بڵاویكردەوە، ئەمڕۆ پێنجشەممە 25-02-2021 بە هەماهەنگی لەگەڵ بەشی هەواڵگری فەرمانگەی ئۆپەراسیۆنەكانی نەینەوا و فیرقەی 1ـی هەواڵگری سەربازی و فیرقەی 16 و بە هەماهەنگی لیوای 92ـی پیادە، دوای بەدواداچوون بە دوای شانە نوستووەكانی رێكخراوی تیرۆرستی داعش توانیان تیرۆرستێك لە گەرەكی ئینتیساری چەپی موسڵ دەستگیربكەن. لە ڕاگەیەنراوەكەداهاتووە، لە ئێستادا تیرۆرستەكە بەپێی ماددەی 4ی تیرۆر دەستگیر كراوە و ڕەوانەی دادگا كراوە، بەدواداچوونەكان بە دوای شانە نوستووەكانی ڕێكخراوی تیرۆرستی داعش لە عیراق بەردەوامە .
-
خەڵك- مستەفا كازمی سەرۆك وەزیرانی عیراق، چەند ڕێنماییەك بۆ بەرەنگاربوونەوەی مەترسی كۆرۆنا لە عیراق و پێشیلكارییەكان و جێبەجێكردنی بڕیارەكانی لیژنەی باڵا سەبارەت بە قەدەغەكردنی هاتووچۆی هاووڵاتیان، دەردەكات. ئەمڕۆ پێنج شەممە، ئاژانسی فەرمی (العراقیە) لە زاری كازمییەوە بڵاویكردەوە"ژمارەیەك ڕێكار دەگیرێنەبەر بۆ خۆپاراستن لە بڵاوبوونەوەی ڤایرۆسی كۆرۆنا، لەنێوانیاندا سەرپشككردنی لایەنەكانی چاودیری لە وەزارەتی تەندروستی بۆ وەرگرتنی بڕە پارەی سزای سەرپێچی ڕێكارەكانی خۆپارێزی". هەروەها كازمی، فەرمانی كردووە بۆ ڕێگە لە هاتووچۆی نێوان پارێزگەكان بەشێوەیەكی تەواوەتی بگیرێت، پەیمانگە حكومی و ئەهلییەكانیش، بڕیارەكانی لیژنەی باڵا دەیانگرێتەوە". دوێنێ حەسەن تەمیمی وەزیری تەندروستی عیراق ئاماژەی بە مەترسی هاووڵاتیان كرد بەرانبەر هەنگاونان بەرەو قەدەغەكردنی هاتووچۆی گشتی بەدرێژایی هەموو ڕۆژەكانی هەفتە، دوای ئەوەی تەنیا سێ ڕۆژ وەك قەدەغەكردنی هاتووچۆ لە هەفتەیەكدا لەلایەن لیژنەی باڵای تەندروەستی و سەلامەتی نیشتمانییەوە ڕایگەیەندرا، هەڵوێستی خۆشی بەرانبەر بە گردبوونەوە سیاسییە نوێیەكانیش دیاریی كرد، وێڕای زۆربوونی مەترسییەكانی كۆرۆنا.
-
خەڵك- مەسرور بارزانی ڕیدەگەیەنێت، لێكۆڵینەوەكان لەبارەی هێرشەكەی سەر فڕۆكەخانەی هەولێر گەیشتوون بەسەرەداوی باش و ئەو لایەنەیان دیاریكردووە كە لەپشت هێرشەكەوە بوون. لە وتارێكدا لە مەراسیمی كردنەوەی بەشێك لە شەقامی 150 مەتری لە هەولێر، مەسرور بارزانی سەرۆكی حكومەتی هەرێمی كوردستان ڕایگەیاند"لەو كاتەوە كە هێرشەكە ئەنجامدراوە دەزگاكانی ئاسایش و لایەنە بەرپرسەكان كەوتنە خۆ و كاری بەپەلە و خێرایان كرد بۆ دیاریكردنی هێرشبەران". بە وتەی مەسرور بارزانی"سەرەداوی باشمان كەوتە دەست، لایەنی پشت هێرشەكە دیاریكراوە، بەڵام لەبەرئەوەی لێكۆڵینەوەكان بەردەوامە نایانەوێت هەموو زانیارییەكان ئاشكرا بكات، لەكاتێكی نزیكدا لایەنە بەرپرسەكان ئاشكرایدەكەن، لەو بارەیەشەوە زانیارییەكان لەگەڵ حكومەتی عێراق و هاوپەیمانان ئاڵوگۆڕكردووە". لە شەوی (15 شوباتی 2021)، 14 موشەك ئاڕاستەی هەولێر كران و بەهۆیەوە بەڵێندەرێكی هاوپەیمانان كوژرا و نۆ كەسی تر برینداربوون كە هەندێكیان ئەمریكایی بوون. گروپی "سرایا أولیا‌و الدم" كە گروپێكی نەناسراوە، بەرپرسیارێتی خۆی بەرانبەر بە هێرشە موشەكییەكەی سەر هەولێر ڕاگەیاند.
-
خەڵك – وەزارەتی تەندروستی عیراق ڕایدەگەیەنێت، 4074 حاڵەتی نوێی تووشبوون بە ڤایرۆسی كۆرۆنا تۆماركراوە، 2271 كەسیش چاكبوونەتەوە، 27 كەسیش بەهۆی پەتاكەوە گیانیانلەدەستدا كە ژمارەیەكی زیاتری گیانلەدەستدا بەراورد بە ڕۆژانی پێشوو دادەنرێت. بەپێی بەیاننامەیەك، كە لەلایەن وەزارەتی تەندروستی عیراقەوە بڵاوكرایەوە” لە 24 كاتژمێری ڕابردوودا 42 هەزار و 601 پشكنینی تایبەت بە كۆرۆنا ئەنجامدراوە و دەركەوتووە 4071 كەس تووشی ڤایرۆسی كۆرۆنا بوون و ئەنجامەكانیان پۆزەتیڤ بوون”، ئەمەش بەراورد بە چەند مانگی ڕابردوو بە ڕێژەیەكی بەرزی تووشبوون دادەنرێت”. هەر لە بەیاننامەكەدا هاتووە، ”زۆرینەی تووشبووەكان لە بەغدا و بەسرە نەجەف و كەربەلا بوون، بەجۆرێك كە لە بەغدا 1216 و لە بەسرە 629 و لە نەجەف 586 و لە كەربەلا 266 حاڵەتی تووشبوون تۆماركراون”. وەك لە بەیاننامەكەی وەزارەتی تەندروستی عیراقیشدا ئاماژەی پیكراوە، “لە سلێمانی 40 هەولێر 109، و دهۆك 50 حاڵەتی تووشبوون بە ڤایرۆسی كۆرۆنا تۆماركراون”. وەزارەتی تەندروستی عیراق ئاماژەی بە چاكبوونەوەی 2271 تووشبووی كۆرۆنا كردووە، كە زۆربەیان لە بەغدا و كەربەلا و نەجەف و زیقار بوون، ویڕای گیانلەدەستدانی 27 كەس بەهۆی پەتاكە كە شەشیان لە هەرێمی كوردستان بوون.