پێشنوێژ و وتارخوێنێك: ئێران سوكایەتی بە سەرۆك بارزانی كرد
خەڵك- پێشنوێژ و ووتارخوێنی مزگەوتی ئیسراو میعراج لەبارەی…
زیاترسەردێر
-
لێپرسراوی ڕاگەیاندنی تەندروستی شەقڵاوە ڕایدەگەیەنێت، لە كاتی بوك گواستنەوەدا هەشت كەس بە چەقۆ برینداركران. محەمەد ئامۆكەیی لێپرسراوی ڕاگەیاندنی بەڕێوەبەرایەتی تەندروستی شەقڵاوە، ڕایگەیاند:" ئێوارەی ئەمڕۆ لە ئاهەنگی بوك گواستنەوەدا هەشت كەس برینداربوون و گەیەنراونەتە بەشی فریاكەوتنی نەخۆشخانەی هەریر، كە بەهۆی سەختی برینەكانیانەوە سیانیان ڕەوانەی نەخۆشخانەكانی هەولێر كراون". لێپرسراوی ڕاگەیاندنی بەڕێوەبەرایەتی تەندروستی شەقڵاوە وتیشی:" زۆربەی ئەو كەسانە بە چەقۆ و خەنجەربۆكس برینداركراون و بەشێكیشیان ئۆتۆمبێل شێلاونی". خەڵك – بەشی هەواڵ
-
لێپرسراوی پۆلیسی كۆنگرێس هۆشداری دەدات لەوەی كە لایەنگرانی ترەمپ دەیانەوێت كۆنگرێس بتەقێننەوە. یۆگاناندا پیتمەن لێپرسراوی پۆلیسی كۆنگرێس بە وەكالەت ڕایگەیاند، لایەنگرانی دۆناڵد ترەمپ كە لە مانگی ڕابردوو هێرشێكی كوشندەیان كردە سەر كۆنگرێس ئاماژەیان بەوە كردووە دەیانەوێت بیاناكە "بتەقێننەوە" و ئەندامانی كۆنگرێس بكوژن. ئەو لێپرسراوەی پۆلیسی كۆنگرێس ئەوەشی خستەڕوو، كار بۆ بەردەوامی ئاسایشی توند لە دەوروبەری بیناكە دەكەن، هەڕەشەكان نیشان دەدەن توندڕەوان دەشێت لە میانەی وتارێكی جۆ بایدن بیناكە بكەنەوە بە ئامانج. پیتمەن بە ئەندامانی كۆمیتەی ئەنجومەنی نوێنەرانی ئەمریكای ڕاگەیاند:" ئەندامانی گرووپە میلیشاكانی كە لە 6 ی مانگی 1 هێرشەكانیان ئەنجامدا ئاماژەیان بە خواستیان بۆ تاقاندنەوەی كۆنگرێس و كوشتنی زۆرترین ئەندامانی كۆنگرێس لە دەمی یەكەم وتاری بایدن لە كۆنگرێسدا كردووە". پیتمەن وتیشی:" ئێمە پێمانوایە گرنگە پۆلیسی كۆنگرێس ئاستی ئاسایشی بەرز بهێڵێتەوە هەتا ئەو كاتەی بتوانین چارەسەری كێشەكە بكەین". دوابەدوای ڕووداوەكانی شەشی مانگی 1 ڕێوشوێنێكی ئاسایشی بێپێشینە لە واشنتۆن گیرایەبەر، بەربەست بە تەلی دڕكاوییەوە لە دەوروبەری كۆنگێس دانرا و خاڵی پشكنین دامەزرا كە لەلایەن گاردی نیشتمانییەوە بەڕێوە دەبرێت. هەروەها، چاوەڕوانیش دەكرێت نزیكەی 5 هەزار سەرباز تا ناوەڕاستی مانگی سێ لە ناو شارەكە بمێننەوە. جێی ئاماژەیە، هێرشەكەی لایەنگرانی ترامپ بۆ سەر كۆنگرێس لە كاتێكدا بوو كە ئەندامانی كۆنگرێس خەریكی پەسەند كردنی هەڵبژاردنی سەرۆك جۆ بایدن بوون بە فەرمی كە لە هەڵبژاردنەكانی مانگی 11 دا سەركەوتنی بەدەستهێنا و ئەو هێرشە پەسەندكردنی بایدنی بە فەرمی بۆ چەند كاتژمێرێك دوواخست لە كاتێكا یاسادانەران ناچاربوون لە ترسی گێرەشێوێنەكان هەڵبێن. لە ئەنجامی ئەو توندوتیژییە پێنج كەس لە ناویاندا پۆلیسێكی كۆنگرێسیش كوژران. زیاتر لە 200 كەس تاوانبار كران بە هۆی ئەوەی ڕۆڵیان هەبووە لەو ئاژاوەیەدا، لەوانەدا هەندێك كەس كە پەیوەندیان بە گرووپە ئەوپەڕی ڕاستڕەوەكانی وەكو ئۆت كیپەرس و پراود بۆیسەوە هەبووە. خەڵك – بەشی هەواڵ
-
وتەبێژی وەزارەتی دەرەوەی ئەمریكا ڕایدەگەیەنێت: سوورین لەسەر سزادانی بكوژانی جەمال خاشوقچی. نید برایس وتەبێژی وەزارەتی دەرەوەی ئەمریكا لە كۆنگرەیەكی ڕۆژنامەوانیدا، تیشكی خست سەر پرسی كوشتنی جەمال خاشوقچی ڕۆژنامەوانی سعودی و ڕایگەیاند: هەر چەندە ڕیاز چەند كەسێكی بە تۆمەتی كوشتنی ناوبراو ڕووبەڕووی دادگا كردووتەوە، بەڵام ئیدارەی نوێی واشنتۆن سوورە لەسەر كردنەوەی ئەو دۆسیەیە و سزادانی هەموو ئەو كەس ولایەنانەی لە پشت ئەنجامدانی ئەو تاوانەوەن. وتەبێژی وەزارەتی دەرەوەی ئەمریكا ئەوەشی خستەڕوو، بۆ ئەو مەبەستەش ئەمریكا كۆمەڵێك سزا و ڕێكاری توندی ئامادەكردووە و لە ماوەی داهاتووشدا ڕایدەگەیەنن. خەڵك – بەشی هەواڵ
-
سەڕەڕای دەركەوتن و بڵاوبوونەوەی دوو جۆر لە نەوەی نوێی ڤایرۆسی كۆرۆنا كە بە ناوی كۆرۆنای بەریتانی و كۆرۆنای ئەفریقای باشوور ناسراون، ئێستا باس لە دەركەوتنی نەوەی سێیەمی ڤایرۆسەكە دەكرێت. كەناڵی (سی ئێن ئێن)ی ئەمریكایی لە ڕاپۆرتێكدا باسی لەو نەوە نوێیەی ڤایرۆسی كۆرۆنا كردووە كە ناوی (بی وەن)ە و لە شاری نیویۆرك چەندین تووشبوو تۆماركراون. بەپێی توێژینەوەكان جۆرە نوێترینەكەی كۆرۆنا توانایەكی مەترسیداری هەیە لە لەناوبردنی بەرگری جەستە و هاوكات دەشتوانێت تاڕادەیەك زۆر بەرەنگاری ئەو ڤاكسینانە ببێتەوە كە تائێستا بەرهەم هێنراون و لەناویان بەرێت. خەڵك – بەشی هەواڵ
-
د. بەرھەم ساڵح، سەرۆك كۆماری عیراق ئەمڕۆ ھەینی ٢٠٢١/٢/٢٦ لە بەغدا لەگەڵ ئەیاد عەلاوی، سەرۆكی ھاوپەیمانی نیشتمانی كۆبووەوە. بەپێی ڕاگەینراوی نووسینگەی ڕۆژنامەوانی سەرۆكایەتی كۆرمار، لە كۆبوونەوەكەدا، باس لە گۆڕانكاری و پێشھاتە سیاسی و ئەمنی و ئابوورییەكانی وڵات كرا و جەختكرایەوە لە پێویستی پاراستنی ئاسایش و ئارامی و پێكەوەژیانی ھاووڵاتیان و ڕیشەكێشكردنی تیرۆر. ھاوكات بەگرنگییەوە باس لە ھەڵبژاردنەكانی داھاتوو كرا و دووپاتكرایەوە لە پێویستی پشتیوانی لە ڕێكارەكان بۆ سەرخستنی ھەڵبژاردنەكان و گرنگی ئەنجامدانی دوور لە ساختەكاری و فرتوفێڵ و گەڕانەوەی متمانە و بەشداری بەرفراوان و ھێنانەدی خواستی خەڵك لە ھەڵبژاردنەكان وەك مافێكی دەستووری. خەڵك – بەشی هەواڵ
-
خەڵك- وتەبێژی پۆلیسی هاتووچۆی هەولێر ئاشكرای دەكات، كە ڕووداویچكی هاتووچۆ لەنێوان دوو تاكسی ڕوویداوە و بەهۆیەوە 4 كەس بریندار بوون و زیانیچكی زۆریشی لێ كەوتەوە. فازڵ حاجی، وتەبێژی هاتووچۆی هەولێر بۆ (خەڵك) ئاماژەی بەوەكرد، كاتژمێر 12 ی نیوەڕۆی ئەمڕۆ لەسەر جووتسایدی گەڕەكی نەورۆز پێكدادانێك ڕوویدا لەنێوان دوو تاكسی لەجۆری (سكۆدا) و لەئەنجامی ڕووداوەكەش 4 كەس برینداربوون و زیانێكی زۆری مادیش كەوتەوە. ڕاشیگەیاند، هۆكاری ڕووداوەكە هەلقۆستنەوەی یەكێك لەتاكسیەكان بووە بۆ چۆڵی شەقامەكە، كە ئەمەش وایلێكردبو تیژڕۆیی تێدا بكات. ڕوونیشی كردەوە، كاتێك لە 60 مەتریەوە داخڵی ڕێگاكە بووە بەخێراییەكی زۆرەوە لێیخوڕیبوو ئەمەش وایكردبوو كۆنتڕۆڵ لەدەست بدات و بەسەر دورگەی ناوەندی شەقامەكە بكەوێت، كە دورگەكە بەرزیشە و لەدوای شكاندنی چەند دارێك ئینجا دابەزیبوە دیوەكەی تری شەقام و خۆی كێشابو بەتاكسیەكەی تر، كەبەرەو ناوشار دەچوو. وتەبێژی هاتووچۆی هەولێر دەپرسێت، "باشە 4 بریندار و تێكشكانی دوو ئۆتۆمبێل و شكاندنی چەند دارێكی جوانكاری و شكاندنی بەشێك لەدورگەی ناوەندی شەقام، ئەمانە هەموی زیانەكان بون لەكاتێكدا ئامانجیش چوونە سەیران بووە، ئەو خێراییەی بۆچیە؟".
-
خەڵك- جێگری سەرۆك وەزیرانی هەرێم لەسەر هێرشكردنە سەر پەڕلەمانتارێكی گۆڕان لەبەردەم ماڵەكەی خۆی لە سلێمانی دیچتە دەنگ و ڕایدەگەیەنێت، " ئەم كارە ترسنۆكانە لە هیچ كەسێك قبوڵ ناكرێت". ئێوارەی ئەمڕۆ هەینی، لە گەڕەكی سلێمانی تازە لە شاری سلێمانی و لە بەدەم ماڵەكەی خۆی بە چەقۆ هێرش كرایە سەر غالب محەمەد، پەڕلەمانتاری گۆڕان لە بەغدا و بریندار كرا و دواتر ڕەوانەی نەخۆشخانەی شار كرا بۆ چارەسەر و ئێستا دۆخی تەندروستی جێگیرە. قوباد تاڵەبانی، جێگری سەرۆك وەزیرانی هەرێم لە پەیامێكدا لە تویتەر ڕایگەیاندووە، "ئیدانەی هێرشكردنە سەر پەلەمانتار غالب محەمەد ئەكەم و سەرجەم دەزگا ئەمنییەكان ڕاسپێردراون لێكۆڵینەوەی ورد لە ڕووداوەكە بكەن و هێرشبەران ڕووبەڕووی یاسا بكەنەوە". ڕاشیگەیاندووە، "لەپەیوەندییەكی تەلەفونیدا هەواڵی كاك غالبم پرسی و دڵنیام كردنەوە ئەم كارە ترسنۆكانە لە هیچ كەسێك قبوڵ ناكرێت". ئیدانەی هێرشکردنە سەر پەلەمانتار غالب محەمەد ئەکەم و سەرجەم دەزگا ئەمنییەکان ڕاسپێردراون لێکۆڵینەوەی ورد لە ڕووداوەکە بکەن و هێرشبەران ڕووبەڕووی یاسا بکەنەوە. لەپەیوەندییەکی تەلەفونیدا هەواڵی کاک غالبم پرسی و دڵنیام کردنەوە ئەم کارە ترسنۆکانە لە هیچ کەسێک قبوڵ ناکرێت. — Qubad Talabani (@qubadjt) February 26, 2021
-
خەڵك- بەپێی ڕاپۆرتە كەشناسییەكان، ئەو با (ڕەشەبا) بەهێزەی بەشێكی زۆری ناوچەكانی هەرێمی كوردستانی گرتۆتەوە كۆتایی دێت و لە سەرەتای مانگی داهاتووەوە شەپۆلێكی باران بارین ناوچەكە دەگرێتەوە. محەمەد كەمال، شارەزای كەشناسی بۆ (خەڵك) ئاماژەی بەوەكرد، لەئەمڕۆوە هەینی تا ڕێکەوتی 1ی ئازار ئاسمانی هەرێمی کوردستان زۆربەی کات هەتاوە و پلەکانی گەرماش لەو چەند ڕۆژەدا 3 پلەی سیلیزی بەرزدەبێتەوە. ڕاشیگەیاند، سەبارەت بەو (با)یەی بەشێکی ناوچەکانی گرتۆتەوە درەنگانی شەو کۆتایی پێدێت و خێرایی باش بەگشتی لەنێوان 12 بۆ 14 کیلۆمەتر لە كاتژمێرێكدا دەبێت. وتیشی، "پێشبینی دەکرێت لەسەرەتای مانگی داهاتوودا شەپۆلێکی بارانبارینی لاواز بۆ مام ناوەند ناوچەکانی هەرێمی کوردستان بگرێتەوه".
-
خەڵك- بەڕێوەبەرایەتی گشتی دژە تیرۆری كوردستان ڕایدەگەیەنێت، ئەو تیرۆرستەی داعش لەلایەن هێزەكانیانەوە لە پارێزگای هەولێر دەستگیر كراوە نەك لەلایەن حكومەتی عێراقیەوە. بەڕێوەبەرایەتی گشتی دژە تیرۆری كوردستان لە ڕوونكردنەوەیەكدا ئاماژەی بەوەكردووە، لە رێكەوتی 9/ 12/ 2020، لە ئۆپەراسیۆنێكی بەڕێوەبەرایەتییەكەماندا لە ناو شاری هەولێر، ئەندامێكی رێكخراوی تیرۆریستی داعش بەناوی (بەشار موستەفا حافز عەدوان ئەلعوەیسی) دەستگیر كرا، كە چەندین كردەوەی تیرۆریستی لە سنووری شاری بەغدای ئەنجام دابوو. دەقی ڕوونكردنەوەكە: لەم رۆژانەدا هەواڵێك لە راگەیاندنەكانەوە بڵاوكراویەوە، گوایە دەزگا ئەمنییەكانی حكومەتی عێراق، تیرۆریستێكی داعشیان لە پارێزگای هەولێر دەستگیر كردووە، كە دوورە لە راستی. لێرەدا بە پێویستی دەزانین راستیی رووداوەكە بۆ هاووڵاتیانی هەرێمی كوردستان و عێراق روون بكەینەوە: لە رێكەوتی 9/ 12/ 2020، لە ئۆپەراسیۆنێكی بەڕێوەبەرایەتییەكەماندا لە ناو شاری هەولێر، ئەندامێكی رێكخراوی تیرۆریستیی داعش بەناوی (بەشار موستەفا حافز عەدوان ئەلعوەیسی) دەستگیر كرا، كە چەندین كردەوەی تیرۆریستی لە سنووری شاری بەغدای ئەنجام دابوو. لەبەر ئەوەی ئەم تیرۆریستە لە سنووری پارێزگای بەغدا كردەوە تیرۆریستییەكانی كردبوو، هەروەها لەلایەن دەزگا ئەمنییەكانی شاری بەغداوە بە فەرمی داوامان لێ كرابوو كە رادەستیان بكەینەوە، بۆیە دوای ئەوەی لە 24/02/2021 فەرمانی دادوەرمان بەدەست گەیشت، تیرۆریستەكەمان رادەستی هێزەكانی بەغدا كردەوە. بەڕێوەبەرایەتی گشتی دژە تیرۆری كوردستان 2021/2/26
-
خەڵك- ڕێکخەری گشتی بزوتنەوەی گۆڕان ڕایدەگەیەنێت؛ بە توندی لایەنە دەسەڵاتدارەکانیان لە قۆرخکاری بازاڕ و داهاتەکان ئاگادار کردۆتەوە و دەشڵێت: دەرگامان کراوەیە بۆ سەرجەم هەڵسوڕاو و گۆڕانخوازان". عومەر سەید عەلی، ڕێکخەری گشتی بزوتنەوەی گۆڕان بە ئامادەبونی جەمال محەمەد، سەرۆکی جڤاتی گشتی بزووتنەوەكە و رسالار عەبدوڵا، ئەندامی جڤاتی گشتی، لەگەڵ هەڵسوڕاوانی کاسبکاری ناو بازاڕی سلێمانی کۆبووەوە. بەپێی هەواڵی میدیای فەرمی گۆڕان، عومەر سەید عەلی ڕایگەیاندووە، بەردەوامن لەسەر پرەنسیپەکانی گۆڕان و سەبارەت بە چاکسازی و ڕووبەڕووبوونەوەی گەندەڵی وتی، "لە کۆبوونەوەکانیان لەگەڵ لایەنە دەسەڵاتدارەکان بە توندی لەبارەی قۆرخکاری بازاڕ و داهاتەکان، ئاگاداریان کردونەتەوە". ئاماژەی بەوەشکرد، هەر لەسەرەتاوە داوایان لە حکومەتی هەرێم کردوە بەپێی دەستوری عێراق مامەڵە بە هەناردەی نەوتی کوردستان بکەن و لەسەر ئەو بنەمایە لەگەڵ حکومەتی ئیتیحادی ڕێکبکەون و ئەگەر لەکاتێکدا نەگەیشتنە ئەنجام، داهاتی نەوتی و نانەوتی و گومرگەکان بە شەفافی بگەڕێتەوە بۆ خەزێنەی حکومەت تاوەکو مووچە لەکاتی خۆیدا بدرێت. ڕێکخەری گشتی گۆڕان ڕایگەیاندووە؛ دەرگایان کراوەیە بۆ هەموو هەڵسوڕاوە ناڕازییەکان، بۆئەوەی بەوپەڕی ڕاشکاوی دیالۆگێکی لێکتێگەیشتن ساز بکەن لەپێناو سەرلەنوێ ڕێکخستنەوە و پتەوکردنەوەی بزووتنەوەكە.