بەڕێوەبەری گشتی بانکە بازرگانییەکانی هەرێم ڕایدەگەیەنێت، ڕۆژانی داھاتوو پڕۆسەی ھەژماری من لە پارێزگای دھۆک بەڕێوەدەچێت و دەشڵێت: لە پارێزگای سلێمانی دەستپێکراوە و بڕیارە لەماوەی 6 مانگدا تەواو بکرێت.
مەولود سابیر، بەڕێوەبەری گشتی بانکە بازرگانییەکان بە ماڵپەڕی فەرمی پارتی ڕاگەیاندووە، پڕۆسەی ھەژماری من بۆ فەرمانبەران لە پارێزگای ھەولێر تەواو بووە و ئێستا چوار ھەزار فەرمانبەر بە ماستەر کارت مووچەکانیان وەردەگرن.
وتیشی، “لە سلێمانی لە ڕۆژانی ڕابردوودا بە ئامادەبوونی نووسینگەی سەرۆکی حکومەتی ھەرێمی کوردستان و وەزیری دارایی و ئابووری پڕۆسەکە دەستپێکراوە و بڕیارە لە 6 مانگدا تەواو ببێت”.
ئاماژەی بەوەشكردووە، لە ڕۆژانی داھاتووش لە سنووری پارێزگای دھۆک دەست بە پرۆسەی ھەژماری من دەکرێت و پێشبینی دەکەین تا کۆتایی ئەمساڵ پرۆسەکە کۆتایی بێت و ھەموو فەرمانبەرانی ھەرێمی کوردستان بە سیستمی بانک مووچە وەربگرن، چونکە تیمەکان بەردەوام لەکاردان بۆ ئەوەی پەلە بکرێت لە دروستکردنی ھەژماری من بۆ فەرمانبەران.
