نرخی دۆلاری ئەمریكایی بەرامبەر بە دیناری عێراقی لە بازاڕەكانی هەرێم بەرزترین ئاستی تۆماركرد.
ڕەوەند میرزا لە بازاڕی دۆلارەكەی سلێمانی بۆ (خەڵك) ڕایگەیاند، ئەمڕۆ بەهای دۆلار گەیشتە بەرزترین ئاست و بەهای 100 دۆلار گەیشتە 150 هەزار دینار.
ڕاشیگەیاند، 100 دۆلار بە 3 ملیۆن و 620 هەزار تمەن مامەڵەی پێوەدەكرێت.
بەرزبوونەوەی بەهای دۆلاری ئەمریكی هاوكاتە لەگەڵ نزیكبوونەوە لە كۆتایی ساڵ و كەمبوونەوەی ئاستی فرۆشتنی دۆلاری ڕۆژانە لەلایەن بانكی ناوەندییەوە بۆ 130 ملیۆن دۆلار، كە پێشتر ڕۆژانە نزیكەی 200 ملیۆن دۆلار دەخرایە بازاڕەوە.
