ژمارەیەک کۆچبەر کە ھەندێکیان خەڵکی ھەرێمی کوردستانن لە ئاوەکانی نزیک یۆنان رزگارکران دوای ئەوەی بۆ ماوەی ١١ کاتژمێر بەھۆی لەکارکەوتنی یەختەکەیانەوە گیریان خواردبوو.
پێشڕەو عەبدوڵا نوێنەری کۆمەڵەی پەنابەران لەیۆنان ڕایگەیاند، یەختەکە نزیکەی٩٠ کەسی تێدا بووە و لـەباشووری یـۆنـان لەکارکەوتبوو و زیاتر لە ١١ کاتژمێر کۆچبەرەکان گیریان خواردبوو.
وتیشی، دوای ١١ کاتژمێر مانەوەیان بەھۆی خراپی یەختەکە و زۆری سەرنشینەکان توانرا لەڕێگەی بەھاناوەچوونی پۆلیسی دەریاوانی وڵاتی یۆنان ئەو کۆچبەرانە رزگاربکرێن.
