دوای بردنەوەی لە هەڵبژاردەی قەتەر، هەڵبژاردەی عیراق بۆ یاریی كۆتایی جامی كەنداو بەسرە 25 سەركەوت.
سەرلەئێوارەی ئەمڕۆ دوو شەممە، لە قۆناغی نیوەی كۆتایی پاڵەوانێی جامی كەنداو، هەڵبژاردەی عیراق بە ئەنجامی 2-1 لە هەڵبژاردەی قەتەری بردەوە و بۆ یاریی كۆتایی پاڵەوانێتییەكە سەركەوت.
عیراق لە یاریی كۆتایی جامی كەنداو بەسرە 25، بەر براوەی یاریی نێوان بەحرێن و عومان دەكەوێت و یارییەكەش لە ستادی نێودەوڵەتی بەسرە لە پێنج شەممەی داهاتوو لە كاتژمێر 7:00 سازدەكرێت.
گەر عیراق بتوانێت ئەم جارە ناسناوی پاڵەوانێتییەكە بەدەستبهێنێت، دەبێتە جاری چوارەم لە مێژووی خۆیدا ناسناوی پاڵە وانێتییەكە دەستەبەردەكات.
