نرخی دۆلار بەرزبووەوە و لیرە و تمەن شكان



جارێكی دیكە نرخی دۆلاری ئەمریكی بەرامبەر بە دیناری عێراقی بەرزبووەوە و تا ئێستا بانكی ناوەندی نەیتوانیوە نرخەكەی ئاسایی بكاتەوە.

ڕەوەند میرزا لە بازاڕی دۆلارەكەی سلێمانی بۆ (خەڵك) ڕایگەیاند، نرخی دۆلار گۆڕانكاری بەسەردا هاتووە و بەرزبۆتەوە، چونكە بەیانی ئەمڕۆ هەینی، بەهای 100 دۆلار بە 156 هەزار و 250 دینار بوو، بەڵام ئێوارە بوو بە 158 هەزار دینار.

ئاماژەی بەوەشكرد، نرخی لیرە بەڕێژەیەكی بەرچاو شكاوە و 100 دۆلار گەیشتۆتە 1900 لیرە، هاوكات 100 دۆلار بەرامبەرە بە 4 ملیۆن و 120 هەزار تمەن.

زیاتر لە دوو هەفتەیە بەهای دۆلار لە بەرزبوونەوەدایە و بانكی ناوەندیش چەندین ڕێكاری گرتۆتە بەر و دەروازەی فرۆشتنی دۆلاری بە 146 هەزار و 500 دینار بە نرخی فەرمی لە بانكە حكومییەكان كردۆتەوە، بەڵام هێشتا نرخەكەی دانەبەزیوەتەوە بۆ دۆخی ئاسایی خۆی.

ڕێكاری داخستنی قومارخانەكان لە سلێمانی دەستپێدەكات
پێشت ڕێكاری داخستنی قومارخانەكان لە سلێمانی دەستپێدەكات
“ئاو و هەوایەکی سارد و دۆخێکی سیاسی گەرم لە هەرێم دەگوزەرێ‌”
دواتر “ئاو و هەوایەکی سارد و دۆخێکی سیاسی گەرم لە هەرێم دەگوزەرێ‌”
ەیوەندیدار