ئەمڕۆ شەممە نرخی زێڕ ڕووی لە بەرزبوونەوە كرد و بۆ سێ هەفتە لەسەر یەك دەستكەوتی هەفتانەی تۆماركرد.
گرێبەستە دواخراوەكانی زێڕ بەڕێژەی 1.6% و بە بڕی 29.10 دۆلار ڕووی لە بەرزبوونەوە كرد و نرخی ئۆنسەیەكی گەیشتە 1869.70 دۆلار و بەڕێژەی 2.4% دەستكەوتی هەفتانەی تۆماركرد.
دەستكەوتەكانی ئەو كانزا زەردە، دوای دەركەوتنی ڕاپۆرتی مانگانەی زیادبوونی هەلی كاری ئەمریكاییە بۆ 223 هەزار هەلی كار لە مانگی ڕابردوودا، ئەمەش بە بەرزترین ئاستی پێشبینیكراو دادەنرێت كە بە 200 هەزار دیاریی كرابوو.
