سه‌رۆكی هه‌رێمی كوردستان له‌باره‌ی به‌شداریكردنی له ئاهه‌نگی ده‌ستپێكردنی یارییه‌كانی جامی كه‌نداوی 25 په‌یامێكی بڵاوكرده‌وه و به‌خێرهاتنی وڵاته به‌شداربووه‌كانی ئه‌و پاڵه‌وانێتییه‌کە ده‌كات.
ئه‌مڕۆ هه‌ینی ، نێچیرڤان بارزانی، سه‌رۆكی هه‌رێمی كوردستان له په‌یامێكدا له تۆڕی كۆمه‌ڵایه‌تی تویته‌ر رایگه‌یاند:”دڵخۆشم به ئاماده‌بوونی ئه‌مڕۆم له ئاهه‌نگی كردنه‌وه‌ی جامی كه‌نداوی 25 له به‌سره‌ی خۆشه‌ویست”.
سەرۆکی هەرێم لە بەشێکی دیکەی پەیامەکەیدا، پیرۆزبایی له خه‌ڵكی به‌سره و هه‌موو گه‌لی عێراق ده‌كات به‌بۆنه‌ی میوانداریكردنی ئه‌و پاڵه‌وانه‌تییه و دەشڵێت، شانازی به‌م ده‌ستكه‌وته عێراقییه ده‌كه‌م و به‌خێرهاتنی وڵاته به‌شداربووه‌كان له پاڵه‌وانه‌تییه‌كه ده‌كه‌م و هیوای سه‌ركه‌وتن بۆ پاڵه‌وانییه‌تی جامی كه‌نداوی 25 ده‌خوازێت.
ئه‌مڕۆ هه‌ینی، نێچیرڤان بارزانی، سه‌رۆكی هه‌رێمی كوردستان به یاوه‌ری شاندێكی هه‌رێم گه‌یشتنه شاری به‌سره و به‌شدارییانكرد له ئاهه‌نگی كردنه‌وه‌ی پاڵه‌وانییه‌تی جامی كه‌نداوی 25.
