ئەندامێکی پەرلەمانی عێراق هۆکاری دواکەوتنی لیستی مووچە ئاشکرادەکات و دەڵێت:”یەكێك كێشەكانی لیستی مووچە ئەوەیە (23 هەزارو 790) کەس لە وەزارەتی پێشمەرگە زیادە”.
سۆران عومەر، ئەندامی پەرلەمانی عێراق لە هەژماری تایبەتی خۆی لە تۆڕی کۆمەڵایەتی فەیسبووک بڵاویکردووەتەوە و دەڵێت:”لەمیانی بەدواداچونم بۆ ئەنجامی وردبینییەکان و کێشەی لیستەکانی مووچەو هۆکاری دواکەوتنی ناردنی پارە، دەرکەوت کە
🔹(23 هەزارو 790) کەس لە وەزارەتی پێشمەرگە زیادە.
🔹205 فەریق و لیوامان لە وەزارەتی پێشمەرگە هەیە.
🔹63 فەریق و لیوایان بێ ئیش بێ پایەن و پۆستیان نیە.
🔹 (5 هەزارو 123) خانەنشین هەیە لە وەزارەتی پێشمەرگە مووچە وەردەگرن.
🔹(27 هەزارو 232) خانەنشین و کەمئەندام لەیەکەی 70 هەیە.
🔹 (2 هەزارو 232) كەس لە خانەنشینان جیاوازی هەیە!
🔹 (10 هەزارو 547) کەس بایۆمەتری نییە.
🔹 (هەزارو 531) خانەنشین لەسەر یەکەی 80 هەیە، (17 هەزارو 609) کەسیان بایۆمەتری نییە.
🔹 (7 هەزارو 202) خانەنشین لە وەزارەتی ناوخۆ هەیەو مووچەیان لەسەر وەزارەتە.
