بانکی ناوەندی عێراق زیاتر لە 278 ملیۆن دۆلاری خستە بازاڕەوە و نرخی 100 دۆلاریش لە سەروو 145 هەزار دینارەوە مامەڵەی پێوەدەکرێت.
بانکی ناوەندی عێراق ڕایگەیاند، ئەمڕۆ سێشەممە، 278 ملیۆن و 833 هەزار و 388 دۆلاری خستە بازاڕەوە کە 255 ملیۆن و 513 هەزار و 388ی حەواڵە و تەنها 23 ملیۆن و 320 هەزاریش بە کاش بووە.
بە بەراورد لەگەڵ دوێنێ، ئەمڕۆ نرخی دۆلار کەمێک بەرزبووەوە و لە هەولێر 100 دۆلار بە 145 هەزار و 450 و لە سلێمانی بە 145 هەزار و 500 دینارەوە مامەڵەی پێوەدەکرێت.
نرخی 100 دۆلار لە بەغدا 145 هەزار و 600 دینارە و لە بەسڕەش بۆ 145 هەزار و 650 دینار بەرزبووەتەوە.
