واتسئەپ تایبەتمەندییەکی نوێی بۆ بەکارهێنەرانی زیاد کرد



واتسئەپ تایبەتمەندییەکی نوێی بەناوی “Imagine Me” خستە بازاڕەوە، کە زیرەکی دەستکرد بەکاردەهێنێت بۆ دروستکردنی وێنەی کەسی ناوازە بۆ بەکارهێنەران.

ئەم تایبەتمەندییە لە وەشانی تاقیکاری واتسئەپ لەسەر سیستەمی کارپێکردنی ئەندرۆید و بۆ پۆلێکی سنووردار لە بەکارهێنەران بەردەستە.

کۆمپانیای مێتا کە خاوەنی واتسئەپە، ئامانجی ئەوەیە کارلێکی نێوان بەکارهێنەران بەرز بکاتەوە لەڕێگەی دابینکردنی ئامرازی نوێ کە توانای زیرەکی دەستکرد بەکاردەهێنێت.

تایبەتمەندی “Imagine Me” یارمەتی بەکارهێنەران دەدات کە ئاڤاتاری ناوازە بۆ پڕۆفایلی خۆیان دروست بکەن، لەگەڵ ئەوەشدا دەتوانن وێنە سێڵفییەکانیان بۆ سەر پڕۆفایل زیاد بکەن.

لەم دواییانەدا واتسئەپ نوێکارییەکی نوێی بۆ بەرنامەکەی لەسەر مۆبایلە زیرەکەکان ڕاگەیاند، کە ئامانج لێی ئاسانکارییە بۆ پۆلێنکردنی گفتوگۆکان و باشترکردنی ئەزموونی بەکارهێنەر.

بەگوێرەی ڕاگەیەندراوی فەرمی مێتا کە خاوەنی واتسئەپە، نوێکردنەوەکە 3 تاب لە سەرەوەی لیستی گفتوگۆکانی سەر شاشەی سەرەکی ئەپلیکەیشنەکە لەخۆدەگرێت.

ئەم تابانە بریتین لە “All” کە هەموو گفتوگۆکان بە ڕێکوپێکی پیشان دەدات، تابی “Pinned Conversations”، تابی “Unread” کە ئەو گفتوگۆیانە پیشان دەدات کە پەیامی نەخوێندراویان تێدایە یان لەلایەن بەکارهێنەرەوە نەکراونەتەوە، جگە لە “Groups ” tab”، کە گفتوگۆکانی گروپ پیشان دەدات.

پلاتفۆرمی واتسئەپ بەردەوام کار لەسەر باشترکردنی ئەزموونی بەکارهێنەر دەکات بە زیادکردنی نوێکاری و تایبەتمەندی نوێ بۆ دابینکردنی ئەزموونێکی تایبەتمەند و باشترکراو و دابینکردنی پێداویستییەکانی بەکارهێنەران کە زۆر پشت بەو ئەپلیکەیشنە دەبەستن بۆ پەیوەندیکردن و گفتوگۆکردن لە ڕێگەی ئینتەرنێتەوە.

شارەوانیی هەولێر بەخێوکردنی ئاژەڵی لەناو شاردا قەدەغە کرد
پێشت شارەوانیی هەولێر بەخێوکردنی ئاژەڵی لەناو شاردا قەدەغە کرد
نرخی زێڕ زیاتر لە 40 دۆلار بەرزبووەوە
دواتر نرخی زێڕ زیاتر لە 40 دۆلار بەرزبووەوە
پەیوەندیدار