كریستیانۆ ڕۆناڵدۆ ئەستێرەی پورتوگالی لە پاش واژۆكردنی بۆندی چوونە نێو ڕیزەكانی یانەی نەسری سعودی، یەكەم لێدوانی پێشكەش كرد.
ماڵپەڕی یانەی نەسر لە زاری ڕۆناڵدۆوە بڵاویكردەوە”بەجۆش و خرۆشم بۆ ئەزموونێكی نوێی خولی تۆپی پێ لە وڵاتێكی جیاواز، ئەو دیدەی یانەی نەسر كاری لەسەر دەكات، زۆر ئیلهامبەخشە.
بە وتەی ڕۆناڵدۆ”ئەو بەجۆش و خۆرۆشەوە دەیەوێت لەگەڵ هاوڕێكانی لە تیپكەدا كاربكات، تا پێكەوە یارمەتی یانەكە بدەن بۆ سەركەوتنی زیاتر”.
دوێنێ هەینی، یانەی نەسری سعودی بۆندی لەگەڵ ڕۆناڵدۆ واژۆكرد كە تا ساڵی ٢٠٢٥ درێژەدەكێشێت و بۆندەكەش لە مەدریدی پایتەختی ئیسپانیا واژۆكرا و یاریزانەكە درێسی ژمارە ٧ دەپۆشێت.
