ئێمە لە تۆرە کۆمەڵایەتیەکان

کوردستان

بارانبارین دانیشتوانی ژمارەیەك پرۆژەی نیشتەجێبونی هەولێری توشی گرفت كردوە

خەڵك-ئارام سەردار
لە شاری هەولێر بەهۆی ئەو شەپۆلە بارانبارینەی چەند رۆژێكە هەرێمی كوردستانی گرتووەتەوە، دانیشتوانی ژمارەیەك لەپرۆژەكانی نیشتەجێبون رووبەڕوی گرفتی هاتوچۆ بونەتەوە.

ئەو پرۆژانەی رووبەڕووی گرفت بونەتەوە بریتین لە پڕۆژەكانی هیران ستی دوو، ئاوێنەی شار، ئاڵاستی، شاری زەیتوون، كە دەكەونە نزیك شەقامی ناسراو بە كۆڕنیش لەنێوان رێگای كۆیە تاوەكو نزیك ناحیەی دارەتوو، كە بەهۆی بارانبارینەوە، ئاو لەو رێرەوە كە بەكەند ناسراوە كۆ دەبێتەوە كە بەبەردەمی ئەو پڕۆژانەدا تێپەڕ دەبێت، ئێستاش بەهۆی بەردەوامی بارانبارین دوو رۆژی رابردوودا، رێگا سەرەكییەكانی ئەم پڕۆژانە بەهۆی لافاوەوە داخراون و كە نزیكەی نزیكەی ۳ هەزار ماڵ دەبن، دانیشتوانەكەی ناچارن ریگای تر بۆ گەڕانەوە بۆماڵەوە بەكاربێنن.

هێمن ساڵح، دانیشتوی هیران ستی بە (خەڵك)ی راگەیاند، بەداخەوە پارەیەی زۆرمان بەم خانوانەدا تاوەكو خزمەتگوزاری تەواوی بۆ دابین بكرێ، بەڵام هیچ كەسێك خۆی بە بەرپرسیار نازانێت بۆ چاككردنی رێگاوبان و خزمەتگوزارییەكان ساانە لەگەڵ بارانبارین، خەڵكی ئەو شوێنانە تووشی سەختی هاتوچۆ دەبینەوە، كۆمپانیاكانیش لەكاتی كڕین و فرۆشتنی خانوو زیاتر لە یەك ملیۆن دینار وەردەگرن.

هاوكات عومەر خالید ، دانیشتوی ئاوێنەی شار بە (خەڵك)ی راگەیاند، دەبێ چەندین كیلۆمەتر دوربكەوینەوە تاوەكو بگەڕێینەوە بۆ ماڵەكانمان، چەند ساڵێكە كۆمپانیای جێبەجێكار رێگای سەرەكیمان بۆ چاك ناكات.

وتیشی، داوا لە حكوومەت دەكەین كە كۆمپانیای جێبەجێكار ناچار بكات بە چاككردنەوەی رێگاوبان و دابینكردنی خزمەتگوزاری، چونكە ئێمە چەند جارێك چووینەتە دەستەی وەبەرهێنان و پێمان دەڵێن چاككردنی رێگاكە لە ئەستۆی كۆمپانیایە و كۆمپانیاش دەڵێت لە ئەستۆی حكوومەتە.

لەلایەكی تریشەوە یەكێكی دیكە لە هاووڵاتییەكان بەناوی دیاری كەریم، وتی، كەمتەرخەمییەكی زۆر هەیە و خزمەتگوزاری پێویست نیە لە پرۆژەكان، دەبێ حكوومەت لێكۆڵینەوە لەم پڕۆژانەدا بكات، لەهەمان كاتدا داوا لە پاریزگاری هەولێر و لایەنە پەیوەنەددارەكان دەكەین كە پردێكی تۆكمە دروست بكەن و ئەم پردە نزیكەی ٣ هەزار ماڵی لەسەرە

جێگای ئاماژە بۆ كردنە دانیشتوانی ئەو گەرەك و پرۆژانە هەریەكە شارەوانی و دەستەی وەبەرهێنان و لایەنە ئیداریەكان بەكەمتەرخەم دەزانن بەهۆی كەمتەرخەمی و نەبوونی خزمەتگوزاری پێویست لە پڕۆژەكانی وەبەرهێنان، چونكە لێپێچینەوە لە كۆمپانیاكان ناكرێە و بەم هۆیەوەش كۆمپانیاكان ئامادەنین خزمەتگوزارییە سەرەكییەكانی وەك ئاو و كارەبا و رێگا بگرنە ئەستۆ.

 

کوردستان

(خەڵك) وردەكاری ڕێككەوتنی نوێی هەرێم و بەغدا بڵاودەكاتەوە

خەڵك- بەشی هەواڵ

لە كۆبوونەوەی شاندی باڵای حكومەتی هەرێمی كوردستان و سەرۆك وەزیرانی عیراقدا باسی دروستكردنەوەی پەیوەندی نوێی نێوان هەرێم و بەغدا كراوە و سەرۆك وەزیرانی عیراق تەئیكدی كردووەتەوە، جارێكی دیكە ڕێگەنادات موچەی فەرمانبەرانی هەرێم ببڕدرێت و پەیوەندییەكان تێكبچنەوە و سەرۆك وەزیرانی هەرێمی كوردستانیش نیازپاكی هەرێمی بۆ دەستپێكردنی سەردەمێكی تازە لە ئیدارەكردنی پەیوەندییەكانی نێوان هەردوولا ڕاگەیاندووە.

سەرچاوەیەكی باڵای حكومەتی هەرێمی كوردستان بە (خەڵك)ی ڕاگەیاند، لە كۆبوونەوەی نێوان شاندی هەردوولادا باس لە پەیوەندی تازەی نێوان هەردوولا كراوە، بەتایبەتی دابینكردنی موچە و ناردنی نەوت.

سەرچاوەكە كە نەیوست ناوەكەی بڵاوبكرێتەوە، ڕونیكردەوە هەرێمی كوردستان ئامادەی دەربڕیووە بە ناردنی 250 هەزار بەرمیل نەوتی ڕۆژانە و لەسەرەتای ساڵی 2020ەوە، جێبەجێی دەكات.

بەرامبەر بە بڕیاری نوێی كابینەی نۆهەمی حكومەتی هەرێم، سەرۆك وەزیرانی عیراق ئامادەی دەربڕیوە كە بەرگری تەواو لە ناردنی موچەی فەرمانبەرانی هەرێمی كوردستان دەكات و جەختیكردووەتەوە، كە تا كۆتایی ئەمساڵ موچەی فەرمانبەرانی هەرێمی كوردستان دەنێرێت.

مانگانە حكومەتی عیراق 453 ملیار دینار بۆ موچەی فەرمانبەرانی هەرێمی كوردستان دەنێرێت و لە یاسای بودجەی 2019 دا، ئاماژەی بۆ كراوە.
سەرچاوەكە ئەوەشی وت، عادل عەبدولمەهدی ئەوەشی وتووە، كە ئەوان وەك هاوكارییەك فشار لەسەر هەرێمی كوردستان دروستناكەن، تا كۆتایی ئەمساڵ بۆ ئەوەی زۆربەی قەرزی كۆمپانیاكانی نەوت بداتەوە و ساڵی داهاتوو، بتوانێت بەو بڕە داهاتەی زۆرەی دەستی دەكەوێت دەست بە بونیادنانەوەی هەرێمی كوردستان بكات.

ڕۆژی 16ی ئەم مانگە، شاندێكی هەرێمی كوردستان بە سەرۆكایەتی مەسرور بارزانی، سەرۆكی حكومەتی هەرێمی كوردستان گەیشتە بەغدا و لەگەڵ بەرپرسانی باڵای عیراقدا كۆبوەوە.

بەردەوام بە لە خوێندنەوە

کوردستان

مەتین بارزانی ڕونكردنەوەیەكی بڵاوكردەوە

خەڵك- بەشی هەواڵ

مەتین دلۆڤان بارزانی، برازای نێچیرڤان بارزانی ڕونكردنەوەیەكی بڵاوكردەوە و ڕەتیكردەوە، كە ئەو هیچ پەیوەندییەكی بە ڕووداوەكەی دوێنێی هەولێرەوە هەبووبێت.

مەتین دلۆڤان بارزانی، لە روونكردنەوەیەكدا دەڵێت “هەندێ كەناڵی نابەرپرسی راگەیاندن، هەبوونی منیان لەوێ قۆستووەتەوە بۆ مەرامی دیكە و هەواڵی بێبنەمایان لەسەر نووسیوه”.

ئاشكراشیكرد “ئەمڕۆ لەكاتی رووداوی تەقەكردن لە رێستورانتێكی هەولێر، من و چەند هاوڕێیەكیش وەك دەیان هاووڵاتیی دیكە بۆ خواردنی نیوەڕۆ لەوێ بووین. سوپاس بۆ خوا كە هەموومان سەلامەت بووین و بەرنەكەوتین، بەڵام بەداخەوە هەندێ كەسی دیكە بەركەوتن و بوونە قوربانی”.

ئاماژە بەوەش دەكات “دیارە هەندێ كەناڵی نابەرپرسی راگەیاندن، هەبوونی منیان لەوێ قۆستووەتەوە و بۆ مەرامی دیكە و هەواڵی بێبنەمایان لەسەر نووسیوە. لێرەوە رایدەگەیەنم كە لەسەر ئەم كەیسە پەنا بۆ یاسا دەبەم و داوای یاسایی لەسەر ئەو كەناڵانە تۆمار دەكەم”.

ئەم ڕوونكردنەوەیە دوای ئەوە دێت كە هەندێك كەناڵی ڕاگەیاندن بڵاویانكردەوە كە مەتین بارزانی لە رێستۆرانتەكەی هەولێر تەقەی لە دبلۆماتە توركەكان كردووە.

بەردەوام بە لە خوێندنەوە

کوردستان

ئێران هێرشەكەی هەولێری شەرمەزاركرد

خەڵك –بەشی هەواڵ

وتەبێژی وەزارەتی دەرەوەی ئێران هێرشی تیرۆریستی دژی ئەندامانی كۆنسوڵخانەی توركیای لە هەولێری ئیدانە كرد.

بەپێی ڕاپۆرتی ئاژانسی هەواڵی مێهر، سەید عەباس مووسەوی، وتەبێژی وەزارەتی دەرەوەی ئێران، ئیدانەی هێرشی تیرۆریستی چەكداری دژی ئەندامانی كۆنسوڵخانەی توركیای لە هەولێر كرد كە بووە هۆی كوژرانی دیپلۆماتێك و دوو ئەندامی دیكەی ئەم كۆنسوڵخانە.

مووسەوی بە توندی ئەو هێرشەی ئیدانە كرد و هاوخەمی ئێران لەگەڵ دەوڵەت و گەلی توركیا بە تایبەتی قوربانییەكانی ئەم هێرشەی ڕاگەیاند.

وتەبێژی وەزارەتی دەرەوەی ئێران زیادی كرد: تیرۆریزم دیاردەیەكی تۆقێنەرە كە خەساری زۆری لە وڵاتانی ناوچەكە داوە و تەنیا ڕێگای بەرەنگاریی لەگەڵ ئەوە، ڕووبەڕووبوونەوەی هاوبەشی كۆمەڵگای جیهانی لەگەڵ گرووپە تیرۆریستییەكان بە كۆتایی هێنان بە پشتیوانی سیاسی، دارایی، چەكداری و ئیدئۆلۆژیكە.

بەردەوام بە لە خوێندنەوە

کوردستان