پەرلەمان یاسای پشووە فەرمییەكانی پەسەند كرد



پەرلەمانی عێراق یاسای پشووە فەرمییەكانی پەسەند كرد، كە جەژنی نەورۆز و یادی كیمیاباران كردنی هەڵەبجەی تێدایە و ئەمەش بۆ یەكەمجارە لە مێژووی عێراقدا و بەتایبەت دوای ڕووخانی ڕژێمی بەعس و نەمانی دەسەڵاتی سەدام حسێن، یادی ئەو كارەساتە بكرێتە پشوو لە تەواوی وڵاتدا.

پەرلەمانی عێراق ئەمڕۆ چوار شەممە كۆبووەوە و دوای هەمواركردنەوەی یاسای كۆمسیۆنی باڵای سەربەخۆی هەڵبژاردنەكانی عێراق و دەنگدان لەسەر درێژكردنەوەی تەمەنی ئەو كۆسیۆنە تاوەكو 6ی 1ی 2025 بۆ سەرپەرشتی كردنی هەڵبژاردنی پەرلەمانی كوردستان، یاسای پشووە فەرمییەكانیشی پەسەند كرد.

بەپێی یاساكە، جەژنەكانی ڕەمەزان و قوربان و ڕۆژانی هەینی و شەممە و سەری ساڵی كۆچی و سەری ساڵی زایینی و یادی لەدایكبوونی پێغەمبەر (د.خ) لە 12ی ڕەبیع اڵاول و 1ی ئایاری جەژنی كرێكاران كرانە پشووی فەرمی.

هەر بەپێی یاساكە، 16ی ئادار بەبۆنەی یادی كیمیاباران كردنی هەڵەبجە و 21ی ئادار بەبۆنەی نەورۆز و 18ی زیلحیجە بەبۆنەی جەژنی غەدیر و 10ی موحەڕەم بەبۆنەی شەهید بوونی ئیمامی حسێن كرانە پشووی فەرمی.

بانکی ناوەندی ڕێژەی خستنە ڕووی دۆلاری ئاشکرا کرد
پێشت بانکی ناوەندی ڕێژەی خستنە ڕووی دۆلاری ئاشکرا کرد
عێراق بڕی بودجەی هەرێم و پارەی مووچەی فەرمانبەرانی دیاریكرد
دواتر عێراق بڕی بودجەی هەرێم و پارەی مووچەی فەرمانبەرانی دیاریكرد
ەیوەندیدار