“لە پرۆژەی هەژماری من ‏هیچ بڕە پارەیەک لە هەژمارەکەتدا نابڕدرێت”

جێگری بەڕێوەبەری نوسینگەی مەسرور بارزانی رایگەیاند، ‏هیچ بڕە پارەیەک لە هەژمارەکەتدا نابڕدرێت و هیچ گرێبەستێکی نهێنی و شاراوەت پێ واژوو ناکرێت.

عەزیز ئەحمەد،جێگری بەڕێوەبەری نوسینگەی مەسرور بارزانی، سەرۆکی حکومەتی هەرێمی کوردستان لە تۆڕی کۆمەڵایەتی (X) نووسیویەتی: لە پرۆژەی هەژماری من هیچ سنوورێک نییە لەسەر بڕی ڕاکێشراوی پارەکەت.

دەشڵێت:” هەر لایەنێک کە بانگەشەی پێچەوانەی ئەم ڕاستییانە دەکات بەدوای سەرلێشێواندن و بڵاوکردنەوەی زانیاری نادرووستە.
پێویست بەمە ناکات”.

لەکۆتایدا نووسیویەتی:”ئێمە لێرەین، پرسیارەکانتان ئاراستەی ئێمە بکەن بۆ دۆزینەوەی ڕاستییەکان”.