ڕۆژێك لە هەرێم كرا بە پشوو

ڕۆژی چوار شەممەی هەفتەی داهاتوو بەبۆنەی ڕۆژی جیهانی کرێکارانەوە لە سەرجەم دامودەزگا فەرمییەکانی حکومەتی هەرێم پشوو دەبێت.

بە پێی ڕۆژمێری فەرمی حکومەتی هەرێمی کوردستان بۆ ساڵی 2024، ڕۆژی چوار شەممەی هەفتەی داهاتوو، کە دەکاتە 1ی ئایار، بەبۆنەی ڕۆژی جیهانی کرێکارانەوە لە سەرجەم دامودەزگا فەرمییەكان پشووی فەرمی دەبێت.

خشتەی پشووە فەرمییەكانی حكومەتی هەرێم لەلایەن پەرلەمانی كوردستانەوە پەسەند كراوە و لەو چوارچێوەیەشدا هەموو ساڵێك ڕۆژی 1ی ئایار دەبێتە پشووی فەرمی.