کاریگەرییەکانی سەردانەکەی مانگی شوباتی رێزدار مەسرور بارزانی بۆ ئەمریکا و دەرئەنجامەکانی لە ئێستادا دەرئەنجامی کۆبوونەوەو وتوێژەکانی بەرێز محمد شیاع سودانی لە ئەمریکا پشتڕاستی ئەو راستییەی کردەوە، کە سەردانی جەنابی مەسرور بارزانی بۆ ئەمریکا لە مانگی شوبات چەند کاریگەرییەکی گرنگ و ستراتیژی ھەبووە بۆ ھەرێمی کوردستان و عێراق لە رووی سیاسی و دیپلۆماسی و ئاسایش و ئابوری و وزەو کەرتی نەوت و بازرگانی و وەبەرھێنان و دارایی و ئابوری و کەرتی بانکی و داڕشتنەوەی بودجەیەکی دادپەروەر بۆ عێراق و ھەرێم.
وە گرنگترین کاریگەرییەکانی سەردانی بەرێز مەسرور بارزانی لە ئەمریکا لەوەوە سەلمێندرا کەلە کۆبونەوەی دوێنێی بەرێز سودانی و سەرۆک بایدن جەخت لەو بابەتانە کراوەتەوە :
یەکەم: سەرۆک بایدن جەختی لەوە کردووە کە کێشەکانی ھەرێم و بەغداد چارەسەری درێژخایانی بۆ بکرێت، مافە دەستورییەکانی ھەرێم لە بودجەو موچە تەکیدی لەسەر کرایەوە.
دووەم: سەرۆک بایدن ستایشی هەوڵەکانی هەردوو سەرۆک وەزیرانی عێراقی فیدڕاڵ و هەرێمی کوردستانی کردووە بۆ گەیشتن بە چارەسەری سەرجەم کێشەکان.
سێیەم: ئەمریکا پشتیوانی بۆ ھەرێمی کوردستان دوپاتکردۆتەوە، وە پاراستنی ئاسایشی ھەرێم کە بەشێکی گرنگی لایەنی سەقامگیری هەمەلایەنەی عێراقە.
چوارەم: دەستپێکردنەوەی ھەناردەی نەوتی ھەرێم لەرێگەی بۆری بۆ تورکیا باسێکی تری گرنگی وتوێژەکانی سەرۆک بایدن بووە لەگەڵ بەرێز سودانی.
