بڕیارە لەماوەیەکى نزیک سەرۆکایەتى هەرێمى کوردستان لەگەڵ لایەنە سیاسیەکانى هەرێمى کوردستان کۆببێتەوە و پرسی کێشە سیاسییەکان و هەڵبژاردن تاوتوێ بکرێت.
ئەمڕۆ دووشەممە، میدیای یەکێتی بڵاویکردەوە، بەپێی زانیارییەکانی سەرچاوەیەک لە سەرۆکایەتیی هەرێمی کوردستان، لەلایەن بەشێک لە حزب و لایەنە سیاسییەکانی هەرێمەوە پێشنیازی کۆبوونەوەیەک کراوە، بڕیارە لەم هەفتەیەدا ئەنجامبدرێت.
بەپێی زانیارییەکان، کۆبوونەوەکە لەماوەى دوو هەفتەى داهاتوو ئەنجامدەدرێت و سەرجەم لایەنە سیاسییەکان بانگهێشتدەکرێن، مەبەست لێی چارەسەرکردنی ناکۆکی نێوان حزبەکانە کە کاریگەری لەسەر ژیانی هاووڵاتییان دروستکردووە، هاوکات پێش کۆبوونەوەکە هەوڵدەدرێت یەکێتیی نیشتمانیى کوردستان و پارتى دیموکراتى کوردستان لەیەکدی نزیکبکرێنەوە.
