قائیمقامی چەمچەماڵ ڕایگەیاند، لە یادی کارەساتی ئەنفالدا ڕێوڕەسمێک بەڕێوەدەچێت، جیاواز لە ساڵانی پێشوو لە خزمەتی کەسوکاری ئەنفالکراواندا دەبین.
ڕەمەک ڕەمەزان، قائیمقامی چەمچەماڵ لە کۆنگرەیەکی ڕۆژنامەوانیدا ڕایگەیاند، سبەینێ لە یادی 36 ساڵەی کارەساتی ئەنفالدا، لە مۆنۆمێنتی چەمچەماڵ، بە شێوەیەکی جیاواز ڕێوڕەسمێک بۆ یادکردنەوەی ئەو کارەساتە بەڕێوەدەچێت.
ئاماژە بەوەشکرد، بەهەمان شێوەی چەمچەماڵ، سبەینێ لە شاری میلانۆی ئیتاڵیا یادی کارەساتی ئەنفال دەکرێتەوە و وتاری ئیدارەی قەزای چەمچەماڵ دەخوێندرێتەوە و ئەو یادە بەرزرادەگیرێت.
