بەبۆنەی یادی ڕووخانی ڕژێمی بەعس و جەژنی ڕەمەزان و سەری ساڵی ئاشوورییەكان و جەژنی سوور و سەری ساڵی ئێزدییەكان لە مانگی 4دا لە هەرێمی كوردستان 6 ڕۆژ دەبێتە پشووی فەرمی.
بە گوێرەی ڕۆژمێری پشووەكانی حکومەتی هەرێمی کوردستان بۆ 2024، لە مانگی نیسان (4)دا 6 ڕۆژ پشووی فەرمی دەبێت.
وەك لە خشتەكەدا هاتووە، ڕۆژی دوو شەممە 1ی نیسان بەهۆی سەری ساڵی ئاشوورییەكانەوە دەبێتە پشووی فەرمی و هەروەها ڕۆژی 9ی نیسان بەبۆنەی ڕۆژی ڕووخانی ڕژێمی بەعس و هەروەها 9- 12ی نیسان بەبۆنەی جەژنی ڕەمەزانی پیرۆزەوە و ڕۆژی 17ی نیسان بەبۆنەی جەژنی سوور و سەری ساڵی ئێزدییەكانەوە دەبنە پشووی فەرمی.
